Day: January 16, 2026

കാസർകോട് : കുമ്പള ടോൾ പ്ലാസയിലെ ടോൾ പിരിവിനെതിരെ ആക്ഷൻ കമ്മറ്റി ഹൈക്കോടതിയിൽ സമർപ്പിച്ച ഹർജി ജനുവരി 21ന് വീണ്ടും പരിഗണിക്കുമെന്ന വാർത്തയുടെ ലിങ്കിൽ നുഴഞ്ഞുകയറി വ്യാജ വിവരങ്ങൾ ചേർത്ത് തട്ടിപ്പ്. ആക്ഷൻ കമ്മറ്റി നൽകിയ ഹർജിയിൽ എസ് ഡി പി ഐ എന്നു തെറ്റായി എഡിറ്റ് ചെയ്താണ് കൃത്രിമം കാണിച്ചത്. സൈബർ തട്ടിപ്പു കാണിച്ചവർക്കെതിരെ നിയമനടപടി സ്വീകരിക്കുമെന്ന് കാരവൽ മീഡിയ മുന്നറിയിപ്പു നൽകി. തട്ടിപ്പുസംഘങ്ങൾക്കെതിരെ വായനക്കാർ ജാഗ്രത കാണിക്കണമെന്നും കള്ള പ്രചരണങ്ങളിൽ വിശ്വസിക്കരുതെന്നും അറിയിച്ചു.

കാസര്‍കോട്: ബദിയഡുക്ക പൊലീസ് സ്റ്റേഷന്‍ പരിധിയിലെ കുംബഡാജെ മൗവ്വാര്‍, ആജിലയിലെ വീട്ടില്‍ ഒറ്റക്ക് താമസിച്ചിരുന്ന വയോധികയെ കഴുത്തു ഞെരിച്ചും ശ്വാസം മുട്ടിച്ചും കൊലപ്പെടുത്തിയ കേസിൽ പ്രതി പിടിയിൽ . രമേശ് നായിക് എന്ന ആളാണ് പിടിയിലായത് . ഇയാളെ പൊലീസ് ചോദ്യം ചെയ്തു വരുന്നു. മരണം കൊലപാതകമാണെന്ന പോസ്റ്റുമോര്‍ട്ടം റിപ്പോര്‍ട്ടിന്റെ അടിസ്ഥാനത്തിൽ നടത്തിയ അന്വേഷണത്തിലാണ് പ്രതി പിടിയിലായത് . കൊല്ലപ്പെട്ട പുഷ്പലത വി.ഷെട്ടിയുടെ കഴുത്തിൽ ഉണ്ടായിരുന്ന നാലു പവൻ തൂക്കമുള്ള കരിമണിമാല കൈക്കലാക്കുന്നതിനാണ് കൊല നടത്തിയതെന്നാണ് പിടിയിലായ …

Read more “കുംബഡാജെ, ആജിലയിലെ പുഷ്പാവതിയുടെ കൊലപാതകം: പ്രതി പിടിയിൽ, ക്രൂരമായ കൊലപാതകം നടത്തിയത് നാല് പവൻ തൂക്കമുള്ള കരിമണിമാല കൈക്കലാക്കാൻ”

കാസര്‍കോട്: കാസര്‍കോട്-മംഗ്‌ളൂരു ദേശീയ പാതയിലെ കുമ്പള ടോള്‍ പ്ലാസയിലെ ടോള്‍ പിരിവ് അന്യായമാണെന്നും തടയണമെന്നും ആവശ്യപ്പെട്ട് ആക്ഷന്‍ കമ്മിറ്റി നല്‍കിയ ഹര്‍ജി പരിഗണിക്കുന്നത് ഹൈക്കോടതി വീണ്ടും മാറ്റി. ജനുവരി 21ന് പരിഗണിക്കാനായാണ് മാറ്റിയത്. ഇതു സംബന്ധിച്ച കൂടുതല്‍ വിവരങ്ങള്‍ പുറത്തുവന്നിട്ടില്ല.അതേ സമയം ടോള്‍പ്ലാസയ്ക്കു മുന്നില്‍ ഇന്നു പ്രതിഷേധ സമരങ്ങളൊന്നും ഉണ്ടായില്ല. ഫാസ്റ്റ് ടാഗ് ഉപയോഗിച്ചാണ് ടോള്‍ പിരിവ്. സമരത്തെ കുറിച്ച് ആലോചിക്കുന്നിന് സര്‍വ്വകക്ഷി ആക്ഷന്‍ കമ്മിറ്റി യോഗം വെള്ളിയാഴ്ച വൈകുന്നേരം 7 മണിക്ക് ചേരുമെന്ന് ബന്ധപ്പെട്ടവര്‍ അറിയിച്ചു.