Wednesday, 14 January 2026, 13:34 : Page 2 of 3 : Karaval Daily

കണിപുര ശ്രീ ഗോപാലകൃഷ്ണ ക്ഷേത്ര വാര്‍ഷികോത്സവത്തിന് ഭക്തിനിര്‍ഭരമായ കൊടിയേറ്റം: ഇനി ഏഴു ദിവസക്കാലം കുമ്പളയില്‍ ഉത്സവമേളം

by WEB EDITORLocal News Wednesday, 14 January 2026, 13:34Wednesday, 14 January 2026, 13:34No Comments

കുമ്പള: കുമ്പളയില്‍ ഇനി ഒരാഴ്ചക്കാലം ഉത്സവമേളം. കണിപുര ശ്രീ ഗോപാലകൃഷ്ണ ക്ഷേത്ര വാര്‍ഷികോത്സവത്തിന്രാവിലെ ഭക്തിനിര്‍ഭരമായ അന്തരീക്ഷത്തില്‍ കൊടിയേറി. കുമ്പള നഗരം ഭക്തജനങ്ങളെക്കൊണ്ട് നിറയും. നൂറ്റാണ്ടുകളുടെ ചരിത്രമുള്ള പ്രശസ്തമായ കുമ്പള വെടിക്കെട്ട് ഉത്സവം 17നാണ്.ആഘോഷത്തോടെനുബന്ധിച്ചു ക്ഷേത്ര സന്നിധിയില്‍ വിവിധ പരിപാടികളാണ് ഒരുക്കിയിരിക്കുന്നത്. രാവിലെ 10 മണിക്ക് കൊടിയേറ്റത്തോടെ ആരംഭിച്ച മഹോത്സവത്തോടനുബന്ധിച്ച് കലവറ ഘോഷയാത്ര, തുലാഭാരസേവ, മഹാപൂജ, നിത്യശീവേലി, അന്നദാനം തുടങ്ങിയവ ഉണ്ട്.ദേലംപാടി ഗണേശ തന്ത്രി ഉത്സവചടങ്ങുകള്‍ക്ക് നേതൃത്വം നല്‍കും. എല്ലാ ദിവസവും വിവിധ വൈദിക- ധാര്‍മിക- സാംസ്‌കാരിക പരിപാടികള്‍ …

പിടിവിട്ട് സ്വര്‍ണ വില; ഇന്നലെ വാങ്ങിയവര്‍ ഭാഗ്യവാന്മാര്‍ ! ഇന്നത്തെ വില വിലയില്‍ അമ്പരന്ന് ആഭരണപ്രേമികള്‍

by Web DeskState Wednesday, 14 January 2026, 13:03Wednesday, 14 January 2026, 13:03No Comments

കൊച്ചി: സംസ്ഥാനത്ത് സ്വര്‍ണവില വീണ്ടും കുതിക്കുന്നു. ഈ മാസത്തെ ഏറ്റവും ഉയര്‍ന്ന നിരക്കിലാണ് ഇന്ന് സ്വര്‍ണവ്യാപാരം ആരംഭിച്ചത്. ഇന്ന് ഗ്രാമിന് 100 രൂപയും പവന് 800 രൂപയുമാണ് വര്‍ദ്ധിച്ചത്. ഇതോടെ ഒരു ഗ്രാം സ്വര്‍ണത്തിന് 13,165 രൂപയായി വിപണി വില. ഇന്നലെ ഇത് 13,065 രൂപയായിരുന്നു. പവന് 1,05,320 രൂപയാണ് ഇന്നത്തെ വില. ഇന്നലെ ഇത് 1,04,240 രൂപയായിരുന്നു. ഏറ്റവും കുറഞ്ഞ പണിക്കൂലിയായ 5 ശതമാനവും ജിഎസ്ടി മൂന്ന് ശതമാനവും ഹാള്‍മാര്‍ക്കിങ് ചാര്‍ജും ചേര്‍ത്താല്‍ ഇന്ന് ഒരു …

സംസ്ഥാന ബജറ്റ് ജനുവരി 29 ന് അവതരിപ്പിക്കും; സ്പീക്കര്‍ എ.എന്‍ ഷംസീര്‍

by WEB EDITORState Wednesday, 14 January 2026, 12:59Wednesday, 14 January 2026, 12:59No Comments

തിരുവനന്തപുരം: സംസ്ഥാന ബജറ്റ് ജനുവരി 29ന് അവതരിപ്പിക്കുമെന്ന് സ്പീക്കര്‍ എ.എന്‍ ഷംസീര്‍ തിരുവനന്തപുരത്ത് വാര്‍ത്താസമ്മേളനത്തില്‍ പറഞ്ഞു. പതിനഞ്ചാം നിയമസഭയുടെ അവസാന സമ്മേളനം 20ന് തുടങ്ങും. ഗവര്‍ണറുടെ നയപ്രഖ്യാപനം 20ന് നടക്കും. 32 ദിവസത്തെ നിയമസഭാ സമ്മേളനമാണ് ഷെഡ്യൂള്‍ ചെയ്തിരിക്കുന്നതെന്ന് സ്പീക്കര്‍ പറഞ്ഞു. കോണ്‍ഗ്രസ് നേതാവ് രാഹുല്‍ മാങ്കൂട്ടത്തിനെതിരെ സ്വകാര്യ പരാതികള്‍ ലഭിച്ചിട്ടുണ്ട്. എന്നാല്‍ എംഎല്‍എ സ്ഥാനത്ത് നിന്ന് അയോഗ്യനാക്കണമെങ്കില്‍ നിയമസഭാംഗം പരാതി നല്‍കേണ്ടതുണ്ട്. പ്രിവിലേജസ് ആന്റ് എത്തിക്‌സ് കമ്മിറ്റിക്ക് പരാതി കൈമാറണമെങ്കില്‍ നിയമസഭാംഗങ്ങളില്‍ ആരെങ്കിലും ഒരാള്‍ പരാതി …

ക്രിക്കറ്റ് താരം ശിഖര്‍ ധവാനും കാമുകി സോഫി ഷൈനും തമ്മിലുള്ള വിവാഹനിശ്ചയം കഴിഞ്ഞു; വിവാഹം ഫെബ്രുവരിയില്‍?

by WEB EDITORNational Wednesday, 14 January 2026, 12:57Wednesday, 14 January 2026, 12:57No Comments

മുംബൈ: മുന്‍ ഇന്ത്യന്‍ ക്രിക്കറ്റ് താരം ശിഖര്‍ ധവാനും കാമുകി സോഫി ഷൈനും തമ്മിലുള്ള വിവാഹനിശ്ചയം കഴിഞ്ഞു.ഇന്‍സ്റ്റാഗ്രാമില്‍ പങ്കിട്ട പോസ്റ്റിലൂടെയാണ് ഇരുവരും തങ്ങളുടെ ജീവിതത്തിലെ സന്തോഷകരമായ നിമിഷത്തെ കുറിച്ച് ആരാധകരെ അറിയിച്ചത്. ‘പങ്കിട്ട പുഞ്ചിരികളില്‍ നിന്ന് പങ്കിട്ട സ്വപ്നങ്ങളിലേക്ക്. എക്കാലവും ഒരുമിച്ചു ജീവിക്കാന്‍ തിരഞ്ഞെടുക്കുമ്പോള്‍, ഞങ്ങളുടെ വിവാഹനിശ്ചയത്തിന് ലഭിച്ച സ്‌നേഹത്തിനും അനുഗ്രഹങ്ങള്‍ക്കും എല്ലാ ആശംസകള്‍ക്കും നന്ദി – ശിഖര്‍ & സോഫി’- എന്നാണ് ഇരുവരും കുറിച്ചത്. വിവാഹനിശ്ചയ മോതിരങ്ങള്‍ ധരിച്ചിരിക്കുന്ന ഒരു ഫോട്ടോയും ഇരുവരും പങ്കുവച്ചിട്ടുണ്ട്. നിരവധി …

റോഡ് മുറിച്ചു കടക്കവേ ഓട്ടോയിടിച്ച് പരിക്കേറ്റ നാട്ടക്കല്‍ സ്വദേശി മരിച്ചു

by WEB EDITORLocal News Wednesday, 14 January 2026, 12:54Wednesday, 14 January 2026, 12:54No Comments

കാസര്‍കോട്: ബസിറങ്ങി റോഡ് മുറിച്ചു കടക്കുന്നതിനിടയില്‍ ഓട്ടോയിടിച്ച് ഗുരുതരമായി പരിക്കേറ്റ ആള്‍ മരിച്ചു. വെള്ളരിക്കുണ്ട്, നാട്ടക്കല്ലിലെ കൊച്ചാങ്കന്‍ വീട്ടില്‍ അജയന്‍ (58)ആണ് ബുധനാഴ്ച രാവിലെ കാസര്‍കോട്ടെ സ്വകാര്യാശുപത്രിയില്‍ മരിച്ചത്.ചൊവ്വാഴ്ച വൈകുന്നേരം നാലുമണിയോടെ പുന്നക്കുന്നിലാണ് അപകടം. ബസിറങ്ങി റോഡ് മുറിച്ചു കടക്കുന്നതിനിടയില്‍ വെള്ളരിക്കുണ്ട് ഭാഗത്ത് നിന്നും എത്തിയ ഓട്ടോ റിക്ഷ ഇടിച്ചായിരുന്നു അപകടം. ഗുരുതരമായി പരിക്കേറ്റ അജയനെ ഉടന്‍ കാഞ്ഞങ്ങാട്ടെ ആശുപത്രിയില്‍ എത്തിച്ചു. പരിക്ക് ഗുരുതരമായതിനാല്‍ കാസര്‍കോട്ടേക്ക് മാറ്റുകയായിരുന്നു. ഭാര്യ: സുഭദ്ര. മക്കള്‍: അഭിജിത്ത് (ദുബായ്), സജിത്ത്.

ശരണ മന്ത്രത്തിലമര്‍ന്ന് ശബരിമല; ഇന്ന് മകരവിളക്ക്

by Web DeskState Wednesday, 14 January 2026, 12:41Wednesday, 14 January 2026, 12:41No Comments

പത്തനം തിട്ട: ശബരിമലയില്‍ ഇന്ന് മകരവിളക്ക് മഹോത്സവം. തിരുവാഭരണം ചാര്‍ത്തിയുള്ള ദീപാരാധനയ്ക്ക് ശേഷം പൊന്നമ്പലമേട്ടില്‍ മകരജ്യോതി തെളിയിക്കുന്നത് കാണാന്‍ ഭക്തലക്ഷങ്ങളാണ് കാത്തിരിക്കുന്നത്. ഇതിന്റെ ഭാഗമായുള്ള ശുദ്ധിക്രിയകള്‍ ചൊവ്വാഴ്ച വൈകിട്ട് കണ്ഠര് മഹേഷ് മോഹനരുടെ മുഖ്യകാര്‍മികത്വത്തില്‍ പൂര്‍ത്തിയായി.അയ്യനൊപ്പം പമ്പാസദ്യകഴിച്ച് ശബരിമലയുടെ തീര്‍ഥമായ പമ്പയില്‍ ആരതിയുഴിഞ്ഞ് ഭക്തര്‍ മലകയറി.ഉച്ച കഴിഞ്ഞ് 2.50 നാണ് മകര സംക്രമ പൂജകള്‍ക്ക് തുടക്കമാവുക. അയ്യപ്പ വിഗ്രഹത്തില്‍ ചാര്‍ത്താനുള്ള തിരുവാഭരണങ്ങളുമായുള്ള ഘോഷയാത്ര നേരത്തെ തന്നെ പന്തളം വലിയ കോയിക്കല്‍ ക്ഷേത്രത്തില്‍ നിന്ന് പുറപ്പെട്ടിരുന്നു. വൈകുന്നേരം നാലുമണിയോടെ …

ലഹരിക്കേസില്‍ പിടിയിലായി ജയിലില്‍ കഴിഞ്ഞ് പുറത്തിറങ്ങി; കണ്ണൂരില്‍ പൊങ്ങിയ യുവതി മെത്താഫെറ്റമിനുമായി അറസ്റ്റില്‍

by WEB EDITORState Wednesday, 14 January 2026, 12:34Wednesday, 14 January 2026, 12:35No Comments

കണ്ണൂര്‍: ലഹരിക്കേസില്‍ അറസ്റ്റിലായി ഗോവയിലെ ജയിലില്‍ കഴിഞ്ഞ ശേഷം പുറത്തിറങ്ങിയ യുവതി മെത്തഫെറ്റമിന്‍ മയക്കുമരുന്നുമായി അറസ്റ്റില്‍. കണ്ണൂര്‍, അഞ്ചാം പീടികയിലെ ആലക്കല്‍ ഹൗസില്‍ എ ഷില്‍ന (32)യെ ആണ് പാപ്പിനിശ്ശേരി റേഞ്ച് എക്‌സൈസ് ഇന്‍സ്‌പെക്ടര്‍ ഇ.വൈ ജസീറലിയും സംഘവും പിടികൂടിയത്. ഷില്‍നയില്‍ നിന്നു 0.459 ഗ്രാം മെത്തഫെറ്റമിന്‍ കണ്ടെടുത്തതായി എക്‌സൈസ് അധികൃതര്‍ അറിയിച്ചു. രഹസ്യവിവരത്തെത്തുടര്‍ന്ന് എക്‌സൈസ് അധികൃതര്‍ പാപ്പിനിശ്ശേരിയില്‍ നടത്തിയ റെയ്ഡിലാണ് ഷില്‍ന പിടിയിലായത്.ലഹരിമരുന്ന് കേസില്‍ ഗോവയിലെ ജയിലിലായിരുന്ന ഷില്‍ന രണ്ടു മാസം മുമ്പാണ് പുറത്തിറങ്ങിയത്. അതിനു …

സര്‍ക്കാര്‍ ജോലി കിട്ടിയപ്പോള്‍ കാമുകന്‍ ആളുമാറി; യുവതിയെ മറന്നു; മനംനൊന്ത് 27 കാരി ട്രെയിനിന് മുന്നില്‍ ചാടി

by Web DeskNational Wednesday, 14 January 2026, 12:20Wednesday, 14 January 2026, 12:23No Comments

ഹൈദരാബാദ്: സര്‍ക്കാര്‍ ജോലി ലഭിച്ചപ്പോള്‍ കാമുകന്‍ കാലുമാറി. പ്രണയത്തില്‍നിന്നും പിന്‍മാറിയതില്‍ മനംനൊന്ത് യുവതി ആത്മഹത്യ ചെയ്തു. തെലങ്കാനയിലെ വികാരബാദ് ജില്ലയിലാണ് സംഭവം. സ്വകാര്യ സ്‌കൂള്‍ അധ്യാപികയായ കൊമ്മാനി സീതാരാമ (27) ആണ് മരിച്ചത്. യുവതി അയല്‍ഗ്രാമത്തിലെ യുവാവുമായി ഏറെനാളായി പ്രണയത്തിലായിരുന്നു. ഒരുമാസം മുമ്പ് യുവാവിന് സര്‍ക്കാര്‍ സ്‌കൂളില്‍ അധ്യാപകനായി ഉദ്യോഗം ലഭിച്ചു. ഇതോടെ ഇയാള്‍ യുവതിയില്‍ നിന്ന് മെല്ലെ അകന്നു തുടങ്ങി. തന്നെ ഒഴിവാക്കുന്നതായി കതിരിച്ചറിഞ്ഞ യുവതി പലതവണ ഫോണില്‍ ബന്ധപ്പെട്ടെങ്കിലും യുാവാവ് അറ്റന്‍ഡ് ചെയ്തിരുന്നില്ല. ആത്മഹത്യയ്ക്കു …

അറവു ശാലയിലേക്ക് കൊണ്ടു പോകുന്ന വഴിയില്‍ ശ്വാസംമുട്ടി ചത്ത കന്നുകാലികളെ ചാലിങ്കാല്‍ ദേശീയ പാതയോരത്ത് തള്ളിയ നിലയില്‍; നിര്‍ണ്ണായക തെളിവായ നമ്പര്‍ പ്ലേറ്റ് സ്ഥലത്ത് വീണ നിലയില്‍ കണ്ടെടുത്തു

by WEB EDITORLocal News Wednesday, 14 January 2026, 12:12Wednesday, 14 January 2026, 12:12No Comments

കാസര്‍കോട്: അറവു ശാലയിലേക്ക് കൊണ്ടു പോകുന്നതിനിടയില്‍ ശ്വാസം മുട്ടി ചത്ത രണ്ടു പോത്തുകളുടെയും കാളയുടെയും ജഡങ്ങള്‍ ജനവാസ മേഖലയില്‍ തള്ളിയ നിലയില്‍. ദേശീയപാതയിലെ ചാലിങ്കാല്‍ ഇറക്കത്തില്‍ സ്വകാര്യ വ്യക്തിയുടെ സ്ഥലത്താണ് ജഡങ്ങള്‍ അഴുകി നാറി തുടങ്ങിയ നിലയില്‍ കാണപ്പെട്ടത്. ചൊവ്വാഴ്ച രാത്രി 10 മണിക്കും ബുധനാഴ്ച പുലര്‍ച്ചെക്കും ഇടയിലുള്ള സമയത്താണ് സംഭവമെന്നു കരുതുന്നു. 10മണിക്ക് ശേഷം പെയ്ത മഴയില്‍ സ്ഥലത്ത് ചെളി രൂപപ്പെട്ടിരുന്നു. ഇതില്‍ വലിയ ലോറിയുടെ ടയര്‍ കടന്നു പോയതിന്റെ അടയാളങ്ങളുണ്ട്. നാട്ടുകാര്‍ വിവരമറിയിച്ചതിനെ തുടര്‍ന്ന് …

ഇനി യാത്ര സുഖകരം: മകരവിളക്ക് ദര്‍ശനം കഴിഞ്ഞ് മടങ്ങുന്ന അയ്യപ്പഭക്തര്‍ക്കായി പമ്പയില്‍ 1000 ബസുകളൊരുക്കി കെ.എസ്.ആര്‍.ടി.സി

by WEB EDITORState Wednesday, 14 January 2026, 11:52Wednesday, 14 January 2026, 11:52No Comments

പത്തനംതിട്ട: ശബരിമലയില്‍ നിന്നുള്ള മടക്കയാത്രയില്‍ അയ്യപ്പ ഭക്തര്‍ക്ക് സുഖകരമായ യാത്ര വാഗ്ദാനം ചെയ്ത് കെ.എസ്.ആര്‍.ടി.സി. മകരവിളക്ക് മഹോത്സവത്തിനെത്തുന്ന അയപ്പ ഭക്തര്‍ക്ക് ദര്‍ശനം കഴിഞ്ഞുള്ള മടക്ക യാത്രക്ക് 1000 ബസുകളാണ് പമ്പയില്‍ ഒരുക്കുന്നത്. ഗതാഗതമന്ത്രി കെബി ഗണേഷ് കുമാര്‍ ആണ് ഇക്കാര്യം അറിയിച്ചത്. ചരിത്രത്തിലാദ്യമായാണ് മടക്ക യാത്രയ്ക്ക് കെ.എസ്.ആര്‍.ടി.സി പമ്പയില്‍ 1000 ബസുകള്‍ ക്രമീകരിക്കുന്നത്. മകര ജ്യോതി ദര്‍ശനത്തിനുശേഷം തീര്‍ത്ഥാടകര്‍ക്ക് നിലയ്ക്കലില്‍ എത്തിച്ചേരുന്നതിനും വിവിധ സ്ഥലങ്ങളിലേയ്ക്കുള്ള ദീരഘദൂര യാത്രയ്ക്കുമായാണ് ബസുകള്‍ ക്രമീകരിക്കുന്നതെന്ന് മന്ത്രി പറഞ്ഞു. പമ്പ- നിലയ്ക്കല്‍ ചെയിന്‍ …

പിലിക്കോട്ടെ റിട്ട.പ്രധാനാധ്യാപിക പാലാട്ട് മീത്തലെവീട്ടില്‍ ഗൗരിയമ്മ അന്തരിച്ചു

by Web DeskLocal News Wednesday, 14 January 2026, 11:37Wednesday, 14 January 2026, 11:39No Comments

ചെറുവത്തൂര്‍: പിലിക്കോട് വേങ്ങക്കോട് ഭഗവതീ ക്ഷേത്രത്തിന് സമീപം താമസിക്കുന്ന റിട്ട.പ്രധാനാധ്യാപിക പാലാട്ട് മീത്തലെ വീട്ടില്‍ ഗൗരി അമ്മ(80) അന്തരിച്ചു. സംസ്‌കാരം വ്യാഴാഴ്ച രാവിലെ 9.30 ന് ഏച്ചിക്കൊവ്വല്‍ സമുദായ ശ്മശാനത്തില്‍. പരേതരായ റിട്ട. പ്രധാനാധ്യപകന്‍ ടിസി കൃഷ്ണന്‍ നമ്പൂതിരിയുടെയും പാലാട്ട് മീത്തല്‍ രുഗ്മിണി അമ്മയുടെയും മകളാണ്. ഭര്‍ത്താവ്: പരേതനായ പയ്യാടക്കത്ത് ചിണ്ടന്‍ നായര്‍(റിട്ട.എച്ച്.എം). മക്കള്‍: പ്രകാശ് പാലാട്ട്(അഡ്വക്കറ്റ് നോട്ടറി, കാഞ്ഞങ്ങാട്), ഗോകുല്‍ ദാസ് പി.എം(ദുബായ്), സന്തോഷ് പിഎം (ഡ്രഗ്ഗ് ഇന്‍സ്‌പെക്ടര്‍ കണ്ണൂര്‍), രത്നകല പി.എം(എറണാകുളം), ഹേമചന്ദ്രന്‍ പിഎം …

ടാപ്പിംഗ് ജോലിയില്‍ നിന്നു ഒഴിവാക്കിയ വിരോധം; വീട്ടുവരാന്തയിലേക്ക് അതിക്രമിച്ചു കയറി വയോധികന്റെ ഇരു കാലുകളിലും അടിച്ചു പരിക്കേല്‍പ്പിച്ചു; സംഭവം ബേഡകം ബീംബുങ്കാലില്‍

by WEB EDITORLocal News Wednesday, 14 January 2026, 11:10Wednesday, 14 January 2026, 11:10No Comments

കാസര്‍കോട്: അമിത മദ്യപാനത്തിന്റെ പേരില്‍ റബ്ബര്‍ ടാപ്പിംഗ് ജോലിയില്‍ നിന്നു ഒഴിവാക്കിയ വിരോധത്തില്‍ വയോധികനെ ആക്രമിച്ചതായി പരാതി. കരിവേടകം ബീംബുങ്കാല്‍, ഐപ്പന്‍ പറമ്പിലെ ഐകെ ജോസി(73)ന്റെ പരാതിയില്‍ പള്ളക്കാട് ചന്ദ്രന്‍ എന്നയാള്‍ക്കെതിരെ ബേഡകം പൊലീസ് കേസെടുത്തു. ജനുവരി 10ന് വൈകുന്നേരം ഏഴു മണിക്കാണ് കേസിനാസ്പദമായ സംഭവം. ജോസിന്റെ വീട്ടുവരാന്തയിലേക്ക് അതിക്രമിച്ചു കയറിയ ചന്ദ്രന്‍ മണ്‍വട്ടിയുടെ തള്ളകൊണ്ട് ജോസിന്റെ ഇരു കാലുകളിലും അടിച്ചു പരിക്കേല്‍പ്പിക്കുകയായിരുന്നുവെന്നു പരാതിയിൽ പറഞ്ഞു.

ഖൊഖൊ അസോസിയേഷന്‍ കാസര്‍കോട് ജില്ലാ പ്രസിഡന്റായിരുന്ന പള്ളിക്കരയിലെ കെ.പി.ശ്രീധരന്‍ അന്തരിച്ചു

by Web DeskLocal News Wednesday, 14 January 2026, 11:09Wednesday, 14 January 2026, 11:15No Comments

നീലേശ്വരം: പള്ളിക്കര സ്വദേശി കെ.പി.ശ്രീധരന്‍(78) അന്തരിച്ചു. ഏറെക്കാലം നീലേശ്വരത്ത് പാരലല്‍ കോളേജ് അധ്യാപകനായിരുന്നു. പുതുക്കൈ ഭൂതാനത്താണ് താമസം. ജില്ലാ അത് ലറ്റിക് അസോസിയേഷന്‍ വൈസ് പ്രസിഡണ്ട്, ഖൊഖൊ അസോസിയേഷന്‍ ജില്ലാ പ്രസിഡണ്ട്, നീലേശ്വരം സ്‌പോട്ടിംഗ് ക്ലബ്ബ് സ്ഥാപകാംഗം, സിപിഎം ഭൂതാനം ബ്രാഞ്ച് സെക്രട്ടറി തുടങ്ങിയ നിലകളില്‍ പ്രവര്‍ത്തിച്ചിട്ടുണ്ട്. മൃതദേഹം വ്യാഴാഴ്ച ഉച്ചക്ക് വീട്ടുവളപ്പില്‍ സംസ്‌കരിക്കും.ഭാര്യ: പി.ബേബി(റിട്ട.അധ്യാപിക, ഉപ്പിലിക്കൈ ഗവ.ഹയര്‍സെക്കണ്ടറി സ്‌കൂള്‍), മക്കള്‍: ഡോ.അപ്പുകൃഷ്ണ(സംസ്‌കൃത അധ്യാപകന്‍ ചെന്നൈ), ശിവകൃഷ്ണ(മര്‍ച്ചന്റ് നേവി). സഹോദരങ്ങള്‍: കെ.പി.രാജീവന്‍ പള്ളിക്കര(ഫുട്‌ബോള്‍താരം), കെ.പി.സേതുരാമന്‍(റിട്ട.മലബാര്‍ സിമന്റ് പാലക്കാട്), …

ഉപേക്ഷിച്ച ബാഗില്‍നിന്ന് ലഭിച്ച 45 പവന്റെ സ്വര്‍ണാഭരണങ്ങള്‍ ഉടമയ്ക്ക് തിരിച്ച് നല്‍കി ശുചീകരണ തൊഴിലാളി; യുവതിയുടെ സത്യസന്ധതയ്ക്ക് മുഖ്യമന്ത്രി 1 ലക്ഷം രൂപ പാരിതോഷികം നല്‍കി

by WEB EDITORNational Wednesday, 14 January 2026, 11:05Wednesday, 14 January 2026, 11:05No Comments

ചെന്നൈ: റോഡരികില്‍ കിടന്ന ബാഗില്‍നിന്ന് ശുചീകരണ തൊഴിലാളിക്ക് ലഭിച്ച 45 പവന്റെ സ്വര്‍ണാഭരണങ്ങള്‍ ശുചീകരണ തൊഴിലാളി പൊലീസിനെ ഏല്‍പ്പിച്ചു. ടി നഗറില്‍ ശുചീകരണ ജോലിക്കാരിയായ പത്മയാണ് ജോലിക്കിടയില്‍ ലഭിച്ച സ്വര്‍ണാഭരണങ്ങള്‍ അടങ്ങിയ ബാഗ് പോണ്ടിബസാര്‍ പൊലീസ് സ്റ്റേഷനിലെത്തിച്ചത്. പൊലീസിന്റെ അന്വേഷണത്തില്‍ നങ്കനല്ലൂര്‍ സ്വദേശി രമേശിന്റേതാണ് സ്വര്‍ണാഭരണങ്ങളെന്ന് കണ്ടെത്തി. വാര്‍ത്ത അറിഞ്ഞ് നിരവധി പേര്‍ പത്മയുടെ സത്യസന്ധതയെ പ്രകീര്‍ത്തിച്ചു. പത്മയുടെ മാതൃകാപരമായ സത്യസന്ധതയ്ക്ക് തമിഴ്നാട് മുഖ്യമന്ത്രി എം.കെ. സ്റ്റാലിന്‍ ഒരു ലക്ഷം രൂപ പാരിതോഷികം നല്‍കി. വര്‍ഷങ്ങള്‍ക്കു മുന്‍പ് …

ക്ലോഡറ്റ് കോൾവിൻ അന്തരിച്ചു;അമേരിക്കയിലെ ബസ് സീറ്റ് വംശീയ വിവേചനത്തിനെതിരെ ആദ്യം ശബ്ദമുയർത്തിയ പൗരാവകാശ പോരാളി

by WEB EDITORUSA Wednesday, 14 January 2026, 11:00Wednesday, 14 January 2026, 11:01No Comments

പി പി ചെറിയാൻ മോണ്ട്ഗോമറി, അലബാമ: അമേരിക്കയിലെ കറുത്തവർഗക്കാരുടെ പൗരാവകാശ പോരാട്ടങ്ങൾക്ക് തുടക്കമിട്ട ചരിത്രപ്രസിദ്ധമായ ‘ബസ് ബഹിഷ്കരണ’ സമരത്തിനുതുടക്കമിട്ട ക്ലോഡറ്റ് കോൾവിൻ (86) അന്തരിച്ചു. 1955 മാർച്ചിൽ, അലബാമയിലെ മോണ്ട്ഗോമറിയിൽ വെള്ളക്കാർക്കായി നീക്കിവെച്ച ബസ് സീറ്റിൽ നിന്ന് എഴുന്നേൽക്കാൻ വിസമ്മതിച്ചതിനെത്തുടർന്ന് 15-കാരിയായ ക്ലോഡറ്റ് കോൾവിൻ അറസ്റ്റ് ചെയ്യപ്പെട്ടു. പ്രശസ്ത പൗരാവകാശ പ്രവർത്തക റോസ പാർക്സ് ഇതേ കാരണത്താൽ അറസ്റ്റ് ചെയ്യപ്പെടുന്നതിന് 9 മാസം മുൻപായിരുന്നു ഇത്. “ചരിത്രം എന്നെ ആ സീറ്റിൽ ഒട്ടിച്ചു നിർത്തിയിരിക്കുകയായിരുന്നു, അതുകൊണ്ട് എനിക്ക്എ …

രാഹുല്‍ മാങ്കൂട്ടത്തിനെ തിരുവല്ലയിലെ ഹോട്ടലിലെത്തിച്ച് തെളിവെടുപ്പ് നടത്തി; റൂം ബുക്ക് ചെയ്തത് അതിജീവിതയുടെ പേരില്‍; ഒരുമണിക്കൂറോളം മുറിയില്‍ ചെലവഴിച്ചതായി എംഎല്‍എ

by WEB EDITORState Wednesday, 14 January 2026, 10:57Wednesday, 14 January 2026, 10:57No Comments

പത്തനംതിട്ട: ലൈംഗിക പീഡന പരാതിയില്‍ കോണ്‍ഗ്രസ് നേതാവും പാലക്കാട് എംഎല്‍എയുമായ രാഹുല്‍ മാങ്കൂട്ടത്തിനെ തിരുവല്ലയിലെ ക്ലബ് സെവന്‍ ഹോട്ടലില്‍ എത്തിച്ച് തെളിവെടുത്തു. പ്രതിഷേധങ്ങള്‍ ഒഴിവാക്കാന്‍ അതിരാവിലെ പത്തനംതിട്ട എആര്‍ ക്യാമ്പില്‍ നിന്നും രാഹുലിനെ ഹോട്ടല്‍ മുറിയിലെത്തിച്ച് തെളിവെടുക്കുകയായിരുന്നു. 15 മിനുട്ട് സംഘം ഹോട്ടലില്‍ ചെലവഴിച്ചു. കഴിഞ്ഞദിവസം കോടതിയില്‍ നിന്ന് പുറത്തുകടന്ന രാഹുലിന് നേരെ കനത്ത പ്രതിഷേധവും ചീമുട്ടയേറും നടന്നിരുന്നു. പീഡനം നടന്നതായി പരാതിയില്‍ പറയുന്ന ക്ലബ് സെവന്‍ ഹോട്ടലിലെ 408-ാം നമ്പര്‍ മുറിയിലെത്തിച്ച് പൊലീസ് മഹസ്സര്‍ തയ്യാറാക്കി. …

കുമ്പള ടോള്‍ പ്ലാസ: സമരപന്തൽ രാത്രിയിലും സജീവം; ഖത്തീബുമാര്‍ ഐക്യദാര്‍ഢ്യവുമായെത്തി

by WEB EDITORLocal News Wednesday, 14 January 2026, 10:52Wednesday, 14 January 2026, 10:52No Comments

കാസര്‍കോട്: കാസര്‍കോട്-മംഗ്‌ളൂരു ദേശീയ പാതയിലെ കുമ്പള ടോള്‍ പ്ലാസയിലെ ടോള്‍ പിരിവിനെതിരെ ആക്ഷന്‍ കമ്മിറ്റിയുടെ നേതൃത്വത്തിലുള്ള സമരം ശക്തമാകുന്നു. ചൊവ്വാഴ്ച രാവില എന്‍എ നെല്ലിക്കുന്ന് എംഎല്‍എയാണ് സമരം ഉദ്ഘാടനം ചെയ്തത്. എ.കെ.എം അഷ്‌റഫ് എംഎല്‍എയുടെ നേതൃത്വത്തിലാണ് സമരം തുടരുന്നത്. സമരത്തിനു ഐക്യദാര്‍ഢ്യവും പിന്തുണയും പ്രഖ്യാപിച്ച് നൂറു കണക്കിനു പേരാണ് ചൊവ്വാഴ്ച രാത്രി സമരപന്തലില്‍ എത്തിയത്. പന്തം കൊളുത്തിയും വാദ്യ മേളങ്ങളുമായാണ് നാടിന്റെ നാനാഭാഗങ്ങളില്‍ നിന്നുള്ള നിരവധി സമരപന്തലില്‍ എത്തിയത്.ബുധനാഴ്ച രാവിലെ മഞ്ചേശ്വരം മണ്ഡലത്തിന്റെ വിവിധ ഭാഗങ്ങളിലുള്ള ഖത്തീബുമാര്‍ …

ആരിക്കാടി ടോള്‍ പ്ലാസ: ജനങ്ങളോടുള്ള വെല്ലുവിളി: എ.അബ്ദുള്‍ റഹ്‌മാന്‍

by WEB EDITORLocal News Wednesday, 14 January 2026, 10:37Wednesday, 14 January 2026, 10:37No Comments

കാസര്‍കോട്: ദേശീയപാതയിലെ ആരിക്കാടിയില്‍ അന്യായമായ ടോള്‍ പിരിവ് നടത്തുന്നത് അംഗീകരിക്കാനാവില്ലെന്ന് മുസ്ലിം ലീഗ് ജില്ലാ ജനറല്‍ സെക്രട്ടറി എ.അബ്ദുല്‍ റഹ്‌മാന്‍ പറഞ്ഞു. തലപ്പാടിയില്‍ ഒരു ടോള്‍ ബൂത്ത് ഉണ്ടായിരിക്കെ 20 കിലോമീറ്റര്‍ മാറി ആരിക്കാടിയില്‍ മറ്റൊരു ടോള്‍ ബൂത്ത് സ്ഥാപിച്ചു പിരിവ് നടത്തുന്നതു അംഗീകരിക്കാനാവില്ല. വിഷയം ഹൈക്കോടതിയുടെ പരിഗണനയിലിരിക്കെ ടോള്‍ പിരിക്കുന്നതു ജനങ്ങളോടുള്ള വെല്ലുവിളിയാണെന്നു അറിയിപ്പില്‍ പറഞ്ഞു.കാസര്‍കോട്ട് നിന്നും മംഗലാപുരത്തേക്ക് പോകുന്ന വിദ്യാര്‍ത്ഥികളും, രോഗികളും, വ്യാപാരികളും തൊഴിലാളികളുമായ ആയിരക്കണക്കിന് പേര്‍ രണ്ട് ടോളുകളിലായി വന്‍ തുക നല്‍കേണ്ടി …