കാസര്കോട്: കുമ്പള ദേവീനഗര്, സുനാമി കോളനിയിലെ വാടക വീട്ടില് കുമ്പള എക്സൈസ് നടത്തിയ പരിശോധനയില് 3.686ഗ്രാം മെത്താഫെറ്റമിന് പിടികൂടി. പയ്യന്നൂര്, പുതിയങ്ങാടി, മൊട്ടമ്പുറം നിസാമുദ്ദീന് മന്സിലില് സത്താറിന്റെ മകന് നിഷാം സത്താറിനെതിരെ കേസെടുത്തു. രഹസ്യ വിവരത്തെ തുടര്ന്നാണ് കുമ്പള റേഞ്ച് ഇന്സ്പെക്ടര് കെ വി ശ്രാവണും സംഘവും സുനാമി കോളനിയിലെ വാടക വീട്ടില് എത്തിയത്. എക്സൈസിനെ കണ്ടതോടെ നിഷാം സത്താര് ഓടിരക്ഷപ്പെട്ടതായി അധികൃതര് അറിയിച്ചു.
എക്സൈസ് സംഘത്തില് പ്രിവന്റീവ് ഓഫീസര് കെ വി മനാസ്, സി ഇ ഒ മാരായപ്രജിത്ത്, കണ്ണന്കുഞ്ഞി, ശാലിനി, ഡ്രൈവര് പ്രവീണ് കുമാര് എന്നിവരും ഉണ്ടായിരുന്നു.
