ശബരിമല: ശബരിമലയില് ഭക്തരുടെ എണ്ണം കൂടിയതോടെ ദേവസ്വം ബോര്ഡ് അരവണ വിതരണത്തില് നിയന്ത്രണം ഏര്പ്പെടുത്തി. ഒരാള്ക്ക് 20 എണ്ണം മാത്രമേ പരമാവധി നല്കൂ. അരവണ ടിന് ഇല്ലാത്തതിനാലാണ് നിയന്ത്രണം ഏര്പ്പെടുത്തിയതെന്ന് ദേവസ്വം ബോര്ഡ് അധികൃതര് വെളിപ്പെടുത്തി. ഇക്കാര്യം കാട്ടി അരവണ കൗണ്ടറുകള്ക്ക് മുന്നില് ബോര്ഡുവെച്ചു.
സാധാരണനിലയില് ശബരിമലയില് ഒരുദിവസം രണ്ടര ലക്ഷം മുതല് മൂന്ന് ലക്ഷം വരെ ടിന് ആണ് അരവണ ഉത്പാദിപ്പിക്കുന്നത്. എന്നാല് നാല് ലക്ഷം അരവണ ഒരു ദിവസം വിറ്റഴിക്കുന്നുണ്ട്. നേരത്തെ സ്റ്റോക്ക് ചെയ്ത അരവണയാണ് ഇപ്പോള് എടുക്കുന്നത്. ഇതരസംസ്ഥാനത്തുനിന്നും എത്തുന്ന ഭക്തരാണ് കൂടുതലായും അരവണ വാങ്ങുന്നത്. എന്നാല് കൂടുതല് അരവണ വിറ്റുകഴിഞ്ഞാല് അധികം വൈകാതെ വിതരണം പ്രതിസന്ധിയിലേക്ക് കടക്കുമെന്നാണ് ദേവസ്വം ബോര്ഡ് പറയുന്നത്.
