തിരുവനന്തപുരം: രാഹുല് മാങ്കൂട്ടത്തിലിനെതിരെ ബലാത്സംഗ പരാതി നല്കിയ യുവതിയെ സോഷ്യല് മീഡിയവഴി അപമാനിച്ച രാഹുല് ഈശ്വറിന് ജാമ്യമില്ല. ജാമ്യാപേക്ഷ തള്ളിയ കോടതി നാളെ വൈകീട്ടുവരെ പൊലീസ് കസ്റ്റഡിയില് വിട്ടു. വഞ്ചിയൂര് അഡീഷണല് സെഷന്സ് കോടതിയുടെതാണ് നടപടി. രാഹുല് ഈശ്വര് ജില്ലാ കോടതിയില് ജാമ്യാപേക്ഷ നല്കി. ജാമ്യാപേക്ഷ ഡിസംബര് 6 ന് പരിഗണിക്കും.
ഗൂഢാലോചനയുണ്ടോ എന്ന് അന്വേഷിക്കണമെന്നും രാഹുലിന്റെ ഓഫിസില് പരിശോധന നടത്തണമെന്നും പൊലീസ് ആവശ്യപ്പെട്ടിരുന്നു. ഇത് അംഗീകരിച്ചാണ് കോടതി കസ്റ്റഡി അനുവദിച്ചത്. തിരുവന്തപുരം സൈബര് പൊലീസാണ് രാഹുല് ഈശ്വറിനെതിരെ കേസ് എടുത്തത്. തനിക്കെതിരായ കേസ് പൊലീസ് കെട്ടിച്ചമച്ചതെന്നായിരന്നു രാഹുലിന്റെ വാദം. അതിജീവിതയുടെ പേര് പരാമര്ശിച്ചിട്ടില്ലെന്നും രാഹുല് ഹര്ജിയില് അവകാശപ്പെട്ടു. എന്നാല് രാഹുലിന്റെ വാദം തള്ളിയ കോടതി രാഹുല് ഈശ്വറിനെ പൊലീസ് കസ്റ്റഡിയില് വിടുകയായിരുന്നു. അറസ്റ്റിലായ രാഹുലിനെ കഴിഞ്ഞ ദിവസം കോടതി 14 ദിവസത്തേക്ക് റിമാന്ഡ് ചെയ്തിരുന്നു. അറസ്റ്റില് പ്രതിഷേധിച്ച് രാഹുല് ജയിലില് നിരാഹാര സമരം നടത്തിയിരുന്നു.
റേഡിയോ നെല്ലിക്ക സംസ്ഥാനതല റോഡ് ഷോ പെരിയയിൽ നിന്നു യാത്ര പുറപ്പെട്ടു
Sunday, 11 January 2026, 22:39
