കൊച്ചി: നടിയെ ആക്രമിച്ച കേസിലെ മൂന്നാം പ്രതി മണികണ്ഠന് ജീവനൊടുക്കാന് ശ്രമിച്ചു. ശനിയാഴ്ച പുലര്ച്ചെയാണ് സംഭവം. മദ്യലഹരിയില് കൈഞരമ്പ് മുറിക്കുകയായിരുന്നു. മദ്യപിച്ച് പ്രശ്നമുണ്ടാക്കിയതിനെ തുടര്ന്ന് പാലാരിവട്ടം പൊലീസ് വെളളിയാഴ്ച രാത്രി കസ്റ്റഡിയില് എടുത്തിരുന്നു. ഒരുമണിയോടെ വിട്ടയച്ചതിന് പിന്നാലെ കടയില് നിന്നും ബ്ലേഡ് വാങ്ങി കൈ ഞരമ്പ് മുറിക്കുകയായിരുന്നു.
തുടര്ന്ന് നാട്ടുകാരും പൊലീസും ചേര്ന്നാണ് ആശുപത്രിയില് എത്തിച്ചത്. ചികിത്സയ്ക്ക് ശേഷം മണികണ്ഠന് വീട്ടിലേക്ക് മടങ്ങി. കേസില് ഡിസംബര് എട്ടിന് വിധി പറയാനിരിക്കെയാണ് ജീവനൊടുക്കാന് ശ്രമം. ഇയാള് മദ്യപിച്ച് നിരന്തരം പ്രശ്നമുണ്ടാക്കുന്നയാളാണെന്ന് പൊലീസ് പറഞ്ഞു.
അതേസമയം, നടിയെ ആക്രമിച്ച കേസില് ഡിസംബര് എട്ടിന് വിധി പറയും. എറണാകുളം പ്രിന്സിപ്പല് സെഷന്സ് കോടതി ജഡ്ജിയാണ് കേസില് വിധി പറയുന്നത്. പള്സര് സുനി ഒന്നാം പ്രതിയായ കേസില്, നടന് ദിലീപാണ് എട്ടാം പ്രതി. 28 സാക്ഷികളാണ് കേസില് കൂറുമാറിയത്.
രക്തം ദാനം ചെയ്ത് വിവാഹ വാർഷിക ദിനം ആഘോഷിച്ചു; ഹനീഫ് മാതൃകയായി
Monday, 16 February 2026, 21:08
