Monday, 1 September 2025, 12:34 : Page 2 of 2 : Karaval Daily

കിഴക്കന്‍ അഫ്ഗാനിസ്ഥാനിലെ ഭൂകമ്പം; മരണ സംഖ്യ 600 കടന്നു, 15 പേര്‍ക്ക് പരിക്ക്

by WEB EDITORInternational Monday, 1 September 2025, 12:34Monday, 1 September 2025, 12:34No Comments

കാബൂള്‍: കിഴക്കന്‍ അഫ്ഗാനിസ്ഥാനില്‍ ഞായറാഴ്ച രാത്രിയുണ്ടായ ഭൂചലനത്തില്‍ 622 മരണം. 1,500 ലേറെ പേര്‍ക്ക് പരിക്കേറ്റു. റിക്ടര്‍ സ്‌കെയില്‍ 6.3 തീവ്രത രേഖപ്പെടുത്തിയ ഭൂചലനമാണ് ഉണ്ടായത്. പ്രാദേശിക സമയം രാത്രി 11.47 നാണ് ഭൂകമ്പം ഉണ്ടായത്. ഭൂചനലത്തിനു പിന്നാലെ 13 തുടര്‍ചലനങ്ങളും ഉണ്ടായി. നന്‍ഗര്‍ഹാര്‍ പ്രവിശ്യയിലെ ജലാലാബാദില്‍ നിന്ന് 27 കിലോമീറ്റര്‍ വടക്കുകിഴക്കായാണ് ഭൂചലനത്തിന്റെ പ്രഭവകേന്ദ്രമെന്ന് യുഎസ് ജിയോളജിക്കല്‍ സര്‍വേ അറിയിച്ചു. കുനാര്‍ പ്രവിശ്യയില്‍ വ്യാപകമായ നാശനഷ്ടങ്ങള്‍ ഉണ്ടായതായി ഉദ്യോഗസ്ഥര്‍ പറഞ്ഞു. നൂര്‍ ഗുല്‍, സോക്കി, വാട്പൂര്‍, …

പനിയെ തുടര്‍ന്ന് ചികില്‍സയിലായിരുന്ന 21 കാരന്‍ മരിച്ചു

by WEB EDITORLocal News Monday, 1 September 2025, 12:13Monday, 1 September 2025, 12:15No Comments

കാസര്‍കോട്: പനിയെ തുടര്‍ന്ന് ന്യൂമോണിയ പിടിപെട്ട് ചികിത്സയിലായിരുന്ന യുവാവ് മരിച്ചു. വെള്ളൂട ദുര്‍ഗ്ഗാ ഭഗവതീ ക്ഷേത്രത്തിനു സമീപത്തെ എംവി ശ്രീഹരി (21) ആണ് മരിച്ചത്. കഴിഞ്ഞ ദിവസം പനി ബാധിച്ചതിനെ തുടര്‍ന്ന് ആശുപത്രിയില്‍ ചികില്‍സ തേടിയിരുന്നു. ജില്ലാ ആശുപത്രിയില്‍ നടന്ന പരിശോധനയില്‍ ന്യൂമോണിയ പിടിപെട്ടതായി സ്ഥിരീകരിച്ചിരുന്നു. മാവുങ്കാല്‍ പുതിയകണ്ടത്തെ ടെക്‌നോ ട്രാക്ക് ഇരുചക്ര വാഹനസ്ഥാപനത്തിലെ ജീവനക്കാരനായിരുന്നു ശ്രീഹരി. ഓട്ടോ ഡ്രൈവര്‍ ടിവി സന്തോഷിന്റെയും എംവി ലീലയുടെയും മകനാണ്. സഹോദരന്‍: ശ്രീരാഗ്(കോളേജ് വിദ്യാര്‍ത്ഥി).

കാസര്‍കോട് ജില്ലാ കളക്ടറുടെ പേരില്‍ വ്യാജ ഫേസ്ബുക്ക് പേജ്; ഫ്രണ്ട് റിക്വസ്റ്റ് സ്വീകരിക്കുകയോ പ്രതികരിക്കുകയോ ചെയ്യരുതെന്ന് കളക്ടര്‍, പൊലീസ് അന്വേഷണം ആരംഭിച്ചു

by WEB EDITORLocal News Monday, 1 September 2025, 11:59Monday, 1 September 2025, 12:06No Comments

കാസര്‍കോട്: ജില്ലാകളക്ടര്‍ കെ ഇമ്പശേഖരന്റെ പേരിലും വ്യാജ ഫേസ്ബുക്ക് പേജ്. സംഭവത്തില്‍ സൈബര്‍ പൊലീസ് അന്വഷണം ആരംഭിച്ചു. വ്യജ ഫേസ്ബുക്ക് പേജ് പ്രത്യക്ഷപ്പെട്ടതായി വിവരം ലഭിച്ചതിനെ തുടര്‍ന്ന് കളക്ടര്‍ തന്നെയാണ് സൈബര്‍ പൊലീസില്‍ പരാതി നല്‍കിയത്. തന്റെ പേരില്‍ ആരോ വ്യാജ അക്കൗണ്ട് നിര്‍മിച്ചിട്ടുണ്ടെന്ന് കളക്ടര്‍ ഔദ്യോഗീക പേജിലൂടെ മുന്നറിയിപ്പു നല്‍കി. ദയവായി ഈ പ്രൊഫൈല്‍ സ്വീകരിക്കുകയോ പ്രതികരിക്കുകയോ ചെയ്യരുതെന്നും ബ്ലോക്ക് ചെയ്ത് ഫേസ്ബുക്കില്‍ റിപ്പോര്‍ട്ട് ചെയ്യണമെന്നും കളക്ടര്‍ പൊതുജനത്തോട് അഭ്യര്‍ഥിച്ചു. സമീപ കാലത്ത് ഫേക്ക് അക്കൗണ്ടുകളിലൂടെ …

നീലേശ്വരം പടിഞ്ഞാറ്റംകൊഴുവലിലെ പാത്ത് വീട്ടിലെ ഉണ്ണാമഠത്ത് ലക്ഷ്മി അമ്മ അന്തരിച്ചു

by WEB EDITORLocal News Monday, 1 September 2025, 11:47Monday, 1 September 2025, 11:47No Comments

നീലേശ്വരം: പടിഞ്ഞാറ്റംകൊഴുവല്‍ പാത്ത് വീട്ടിലെ ഉണ്ണാമഠത്ത് ലക്ഷ്മി അമ്മ(96) അന്തരിച്ചു. ഭര്‍ത്താവ്: പരേതനായ പാത്ത് നാരായണന്‍ നായര്‍. മക്കള്‍: യു സരസ്വതി, പരേതനായ യു.കുഞ്ഞിക്കണ്ണന്‍ നായര്‍. മരുമക്കള്‍: എം.പൂമണി (കാസര്‍കോട്), പരേതനായ പി.കുട്ടന്‍ നായര്‍.

മംഗല്‍പാടി ഐല കുതുപ്പുളുവില്‍ കടലാക്രമണം; മല്‍സ്യത്തൊഴിലാളിയുടെ വീട് തകര്‍ച്ചാ ഭീഷണിയില്‍

by WEB EDITORLocal News Monday, 1 September 2025, 11:36Monday, 1 September 2025, 11:36No Comments

കാസര്‍കോട്: മംഗല്‍പാടി ഐല കുതുപ്പുളുവില്‍ രൂക്ഷമായ കടലാക്രമണത്തില്‍ മല്‍സ്യത്തൊഴിലാളി വസന്തിയുടെ വീട് തകര്‍ച്ചാ ഭീഷണിയില്‍. വീട് ചുമരുവരെ കടലാക്രണത്തില്‍ തകര്‍ന്നു. വസന്തിയുടെ കുടുംബവും ബന്ധുവീടുകളില്‍ മാറിത്താമസിക്കുന്നു. ഇവിടെ ഒരാഴ്ചയായി അനുഭവപ്പെടുന്ന കടലാക്രമണത്തില്‍റോഡും, കുടിവെള്ള പൈപ്പുകളും കടലെടുത്തിരുന്നു. തെങ്ങുകളും ക്ഷുഭിതമായ കടല്‍ കാര്‍ന്നെടുത്തു. വസന്തിയുടെ കുടുംബാംഗങ്ങള്‍ ഏതുനിമിഷവും തകരാമെന്ന ഭീതിയുയര്‍ത്തുന്ന വീട്ടിലാണ് പകല്‍സമയം തങ്ങുന്നത്. രാത്രി ബന്ധുവീടുകളിലുറങ്ങുന്നു. വിവരത്തെ തുടര്‍ന്ന് റവന്യൂ അധികൃതര്‍ സ്ഥലത്തെത്തിയിരുന്നു.

കാസര്‍കോട് റവന്യൂ ഡിവിഷണല്‍ ഓഫീസ് മന്ത്രി കെ. രാജന്‍ പുലിക്കുന്നില്‍ ഉദ്ഘാടനം ചെയ്തു

by WEB EDITORLocal News Monday, 1 September 2025, 11:30Monday, 1 September 2025, 11:30No Comments

കാസര്‍കോട്: കാസര്‍കോട് റവന്യൂ ഡിവിഷണല്‍ ഓഫീസ് കെട്ടിടം പുലിക്കുന്നില്‍ റവന്യൂ മന്ത്രി കെ. രാജന്‍ ഉദ്ഘാടനം ചെയ്തു.രാജ് മോഹന്‍ ഉണ്ണിത്താന്‍ എം.പി, മുന്‍ മന്ത്രിയും എം.എല്‍.എ.യുമായ ഇ. ചന്ദ്രശേഖരന്‍, എന്‍.എ.നെല്ലിക്കുന്ന് എം.എല്‍.എ., സി.എച്ച് കുഞ്ഞമ്പു എം.എല്‍.എ, ജില്ലാ കളകളര്‍ കെ. ഇമ്പശേഖരന്‍ തുടങ്ങിയവര്‍ പങ്കെടുത്തു.

മദപ്പാട് കാലം കഴിഞ്ഞെന്നു കരുതി ചങ്ങല അഴിച്ചു; ഇടഞ്ഞ ആനയുടെ കുത്തേറ്റ ഒന്നാംപാപ്പാന്‍ മരിച്ചു

by WEB EDITORState Monday, 1 September 2025, 11:14Monday, 1 September 2025, 11:17No Comments

ഹരിപ്പാട്: ആലപ്പുഴയില്‍ ആനയുടെ കുത്തേറ്റ പാപ്പാന്‍ മരിച്ചു. മാവേലിക്കര കണ്ടിയൂര്‍ ക്ഷേത്രത്തിലെ ഒന്നാംപാപ്പാന്‍ അടൂര്‍ തെങ്ങമം ഗോകുലം വീട്ടില്‍ മുരളീധരന്‍ നായര്‍ (53) ആണ് മരിച്ചത്. പരുമലയിലെ സ്വകാര്യ ആശുപത്രിയില്‍ ചികിത്സയിലിരിക്കേ ഞായറാഴ്ച രാത്രി പതിനൊന്നോടെയായിരുന്നു മരണം. ഹരിപ്പാട് സുബ്രഹ്‌മണ്യസ്വാമീക്ഷേത്രത്തിലെ ആന സ്‌കന്ദനാണ് അക്രമാസക്തനായത്. ഞായറാഴ്ചയാണ് മുളീധരന്‍ നായരെ കുത്തിപ്പരിക്കേല്‍പ്പിച്ചത്. ഈ ആനയുടെ രണ്ടാം പാപ്പാന്‍ കരുനാഗപ്പള്ളി സ്വദേശി സുനില്‍കുമാര്‍ (മണികണ്ഠന്‍-40) ഗുരുതരമായി പരിക്കേറ്റ് ചികിത്സയിലാണ്. സുനില്‍കുമാറിനെ ചവിട്ടി പരിക്കേല്‍പ്പിച്ച ആനയെ തളയ്ക്കുന്നതിനിടെയാണ് മുരളീധരന്‍ നായര്‍ക്ക് ആനയുടെ …

ചരിത്രത്തില്‍ ആദ്യമായി 77,000 കടന്ന് സ്വര്‍ണവില; ഇന്നത്തെ നിരക്ക് അറിയാം

by WEB EDITORState Monday, 1 September 2025, 11:03No Comments

തിരുവനന്തപുരം: ചരിത്രത്തില്‍ ആദ്യമായി 77,000 കടന്ന് സ്വര്‍ണവില. പവന് 680 രൂപയുടെ വര്‍ധനവാണ് രേഖപ്പെടുത്തിയിരിക്കുന്നത്. ഒരു പവന്‍ സ്വര്‍ണത്തിന്റെ ഇന്നത്തെ നിരക്ക് 77,640 രൂപയാണ്. ഒരു ഗ്രാം 22 കാരറ്റ് സ്വര്‍ണത്തിന് 85 രൂപ ഉയര്‍ന്ന് 9705 രൂപയിലെത്തി. ആഭരണ പ്രേമികള്‍ക്ക് ആശങ്ക ജനിപ്പിക്കുന്ന കാഴ്ച്ചയാണ് വിപണിയില്‍ കാണാന്‍ സാധിക്കുന്നത്. നിലവില്‍ ഈ മാസത്തിലെ ഏറ്റവും ഉയര്‍ന്ന നിരക്കിലാണ് ഇന്നത്തെ സ്വര്‍ണവ്യാപാരം പുരോഗമിക്കുന്നത്. കഴിഞ്ഞ മാസം എട്ടിന് 75,760 രൂപയായിരുന്നു സ്വര്‍ണവില. പിന്നീട് 20-ാം തീയതി വരെയുള്ള …

യുവതികള്‍ താമസിക്കുന്ന സ്ഥലം ലക്ഷ്യമിട്ട് സനീഷ് എത്തും, വേണ്ടത് വസ്ത്രങ്ങള്‍, മോഷ്ടിച്ച് സ്ഥലം കാലിയാക്കും

by WEB EDITORState Monday, 1 September 2025, 10:57Monday, 1 September 2025, 10:59No Comments

കൊച്ചി: യുവതികള്‍ താമസിക്കുന്ന ഹോംസ്റ്റേകളില്‍ മോഷണം നടത്തുന്ന യുവാവിനെ പൊലീസ് അറസ്റ്റ് ചെയ്തു. പോക്‌സോ കേസില്‍ ജാമ്യത്തില്‍ കഴിയുന്ന ചേരാനല്ലൂര്‍ ഇടയക്കുന്നം മഠത്തില്‍പ്പറമ്പില്‍ വീട്ടില്‍ സനീഷാണ് (24) ചേരാനല്ലൂര്‍ പൊലീസിന്റെ പിടിയിലായത്. ചിറ്റൂരിലെ ഹോംസ്റ്റേയില്‍ അതിക്രമിച്ച് കയറി അന്തേവാസിയായ യുവതിയുടെ സ്മാര്‍ട്ട് വാച്ചും സൗന്ദര്യവര്‍ദ്ധക വസ്തുക്കളും പഠന സര്‍ട്ടിഫിക്കറ്റുകളും കവര്‍ന്ന കേസിന്റെ അന്വേഷണത്തിലാണ് പ്രതികുടുങ്ങിയത്. നിരവധി യുവതികളും പെണ്‍കുട്ടികളും താമസിക്കുന്നതിനാല്‍ ഹോംസ്റ്റേയുടെ വാതില്‍ എല്ലാ സമയത്തും പൂട്ടാറില്ലെന്ന് മനസിലാക്കിയാണ് ഇയാള്‍ മോഷണത്തിന് എത്തിയത്. പിടിക്കപ്പെടാതിരിക്കാന്‍ മാസ്‌കിട്ട് മുഖം …

ജില്ലാതല ഓണാഘോഷം; വിവിധ മത്സരങ്ങള്‍ക്ക് സന്തോഷകരമായ തുടക്കം

by WEB EDITORLocal News Monday, 1 September 2025, 10:54Monday, 1 September 2025, 12:06No Comments

ചെറുവത്തൂര്‍: ജില്ലാതല ഓണം കലോത്സവത്തിന് ചെറുവത്തൂര്‍ ഇ.എം.എസ് സ്മാരക ഓപ്പണ്‍ ഓഡിറ്റോറിയത്തില്‍ പൂക്കള മത്സരത്തോടെ തുടക്കം കുറിച്ചു.സെപ്തംബര്‍ രണ്ടിന് സ്‌കൂള്‍- കോളേജ് വിദ്യാര്‍ഥികള്‍ക്ക് പെന്‍സില്‍ ഡ്രോയിങ്ങ് മത്സരങ്ങള്‍ നടക്കും. നാല് മണിക്ക് കമ്പവലി മത്സരം ചെറുവത്തൂര്‍ പുതിയ പാര്‍ക്കിങ് ഗ്രൗണ്ടില്‍ നടക്കും.മൂന്നിന് പൊന്നിന്‍ തിരുവോണത്തെ വരവേറ്റ് സാംസ്‌കാരിക ഘോഷയാത്ര ചെറുവത്തൂര്‍ ടൗണില്‍ നടക്കും.തുടര്‍ന്ന് ഔദ്യോഗിക ഉദ്ഘാടനം. സെപ്തംബര്‍ മൂന്ന് മുതല്‍ ഏഴ് വരെ വിവിധ കലാപരിപാടികള്‍ അരങ്ങേറും. പൂക്കാലം മത്സര വിജയികള്‍ക്ക് യഥാക്രമം പതിനായിരം രൂപ, ഏഴായിരം …

ചൗക്കിയില്‍ ഈദേ റബീഹിന് തുടക്കം

by WEB EDITORLocal News Monday, 1 September 2025, 10:29Monday, 1 September 2025, 10:29No Comments

കാസര്‍കോട്: ചൗക്കി നൂറുല്‍ ഹുദാ ജമാഅത്ത് മീലാദ് സ്വാഗതസംഘം കമ്മിറ്റിയുടെ ഇദെ റബീഹ് ആരംഭിച്ചു. 5വരെ നീണ്ടുനില്‍ക്കുന്ന ഇദെ റാബീഹിന് നൂറുല്‍ ഹുദാ ജമാഅത്ത് കമ്മിറ്റി പ്രസിഡണ്ട് കെ.കെ അബ്ദു കാവുഗോളി പതാക ഉയര്‍ത്തി. ലോഗോ സ്വാഗതസംഘം ചെയര്‍മാന്‍ മഹമൂദ് കുളങ്ങര പ്രകാശനം ചെയ്തു. ഖത്തീബ് സുബൈര്‍ സഹദി പ്രാര്‍ത്ഥന നടത്തി. ഷാഫി കെ.കെ പുറം, ഹമീദ് പടിഞ്ഞാറ്, കെ.പി മുഹമ്മദ്, മൊയ്ദു ഹര്‍ജാല്‍, കരിം മയില്‍പാറ, കരീം ചൗക്കി, അസൈനാര്‍ എന്‍.എ, നാസര്‍ മാളിക, ആരിഫ് …

പ്ലസ്ടു വിദ്യാര്‍ഥിയുടെ അപകട മരണം; കുമ്പള പൊലീസ് സ്റ്റേഷന്‍ പരിധിയില്‍ ഇരുചക്രവാഹന പരിശോധന ശക്തമാക്കി

by WEB EDITORLocal News Monday, 1 September 2025, 10:10Monday, 1 September 2025, 10:10No Comments

കാസര്‍കോട്: കുമ്പള പൊലീസ് സ്റ്റേഷന്‍ പരിധിയില്‍ ഇരുചക്രവാഹന പരിശോധന ശക്തമാക്കി. മാവിനക്കട്ടയില്‍ പ്ലസ്ടു വിദ്യാര്‍ഥി സ്‌കൂട്ടര്‍ അപകടത്തില്‍ മരിച്ചതിനെ തുടര്‍ന്നാണ് അപകടങ്ങള്‍ കുറക്കുന്നതിന്റെ ഭാഗമായി വാഹന പരിശോധന കര്‍ശനമാക്കാന്‍ ഇന്‍സ്‌പെക്ടര്‍ കെപി ജിജീഷ് നിര്‍ദേശം നല്‍കിയത്. ഹെല്‍മെറ്റ് ധരിക്കാതെ സഞ്ചരിക്കുക, രണ്ടില്‍ കൂടുതല്‍ ആളെ കയറ്റുക, ലൈസന്‍സ് ഇല്ലാതെ വാഹനമോടിക്കുക, പ്രായപൂര്‍ത്തിയാകാത്ത കുട്ടികള്‍ വാഹനമോടിക്കുക, അമിത വേഗതയില്‍ വാഹനമോടിക്കുക തുടങ്ങിയ നിയമലംഘനം നടത്തുന്നവര്‍ക്കെതിരെ ഇന്നുമുതല്‍ നടപടി സ്വീകരിക്കും. പ്രായപൂര്‍ത്തിയാകാത്ത കുട്ടികള്‍ക്ക് വാഹനം നല്‍കുന്ന ആര്‍സി ഉടമക്കെതിരെയും നടപടിവരും. …

സപ്ലൈക്കോ ഓണം ഫെയര്‍ കാസര്‍കോട്ട് ആരംഭിച്ചു

by WEB EDITORLocal News Monday, 1 September 2025, 10:02Monday, 1 September 2025, 10:02No Comments

കാസര്‍കോട് : കാസര്‍കോട് മണ്ഡലം ഓണം ഫെയര്‍ പഴയ ബസ് സ്റ്റാന്‍ഡ് സപ്ലൈക്കോ പീപ്പിള്‍ ബസാറില്‍ ആരംഭിച്ചു. എന്‍.എ. നെല്ലിക്കുന്ന് എം.എല്‍.എ ഉദ്ഘാടനം ചെയ്തു. ആദ്യവില്‍പനയും അദ്ദേഹം നിര്‍വഹിച്ചു. മാനേജര്‍ കെ.ടി. സജീഷ് അധ്യക്ഷത വഹിച്ചു. വിവിധ രാഷ്ട്രീയ പാര്‍ട്ടി നേതാക്കളായ കെ.ടി. കിഷോര്‍, സുബൈര്‍ പടുപ്പ് തുടങ്ങിയവര്‍ പ്രസംഗിച്ചു.

പാചകവാതക സിലിണ്ടറിന് വില കുറഞ്ഞു; പുതുക്കിയ വില ഇന്ന് മുതല്‍ പ്രാബല്യത്തില്‍

by WEB EDITORNational Monday, 1 September 2025, 9:35Monday, 1 September 2025, 9:35No Comments

ന്യൂഡല്‍ഹി: രാജ്യത്ത് വാണിജ്യാവശ്യത്തിനുള്ള പാചക വാതക വില കുറച്ചു. എന്നാല്‍ ഗാര്‍ഹികോപയോഗത്തിനുള്ള പാചകവാതകത്തിന്റെ വിലയില്‍ മാറ്റമൊന്നുമില്ല.19 കിലോ വാണിജ്യ എല്‍പിജി ഗ്യാസ് സിലിണ്ടറിന്റെ നിരക്ക് 51.50 രൂപ കുറച്ചതായാണ് പ്രഖ്യാപനം. ആഗസ്ത് 31 ന് അര്‍ധരാത്രിയാണ് എണ്ണക്കമ്പനികളുടെ പ്രഖ്യാപനം. ഇന്ന് മുതലാണ് പുതിയ നിരക്ക് പ്രാബല്യത്തില്‍ വരുന്നത്. എന്നാല്‍ 14.2 കിലോഗ്രാം ഗാര്‍ഹിക എല്‍പിജി സിലിണ്ടറുകളുടെ വിലയില്‍ മാറ്റമൊന്നും വരുത്തിയിട്ടില്ലെന്ന് എണ്ണ വിപണന കമ്പനികള്‍ അറിയിച്ചു. ഇതോടെ സിലിണ്ടറിന്റെ വില 1,580 രൂപയായി. വിലക്കുറവ് ഹോട്ടലുകള്‍ക്ക് ഗുണകരമാകും. …

അമീബിക് മസ്തിഷ്കജ്വരം; സംസ്ഥാനത്ത് രണ്ട് പേർ കൂടി മരിച്ചു, ആറു പേർ ചികിത്സയിൽ

by WEB EDITORState Monday, 1 September 2025, 7:48Monday, 1 September 2025, 7:48No Comments

കോഴിക്കോട്: അമീബിക് മസ്തിഷ്കജ്വരം ബാധിച്ച് സംസ്ഥാനത്ത് 2പേർ കൂടി മരിച്ചു. മൂന്ന് മാസം പ്രായമുള്ള കുഞ്ഞും മധ്യവയസ്കയുമാണ് മരിച്ചത്. ഞായറാഴ്ചയാണ് രണ്ടു പേരും മരിച്ചത്. മലപ്പുറം കാപ്പിൽ സ്വദേശിയായ 52 വയസുകാരിയാണ് ഞായറാഴ്ച ഉച്ചയോടെ മരിച്ചത്. മെഡിക്കൽ കോളേജിലേക്ക് അഞ്ചാം തീയതിയാണ് പ്രവേശിപ്പിച്ചത്. ചികിത്സയിലിരിക്കെ മരണത്തിന് കീഴടങ്ങുകയായിരുന്നു. മൃതദേഹം ഞായറാഴ്ച തന്നെ സംസ്കരിച്ചിരുന്നു. ഇവർക്ക് രോഗം ബാധിച്ചത് വീടിന് സമീപത്തെ കുളത്തിൽ നിന്നാണെന്ന് അധികൃതർ അറിയിച്ചു. മക്കൾ: മുഹമ്മദ് റാഷിദ്, മൂഹമ്മദ് യാസർ, റൈഹാനത്ത്. മരുമക്കൾ: അനീസുന്നിസ, …

പയ്യന്നൂരിൽ ചുമട്ടു തൊഴിലാളി ഓവുചാലിൽ മരിച്ച നിലയിൽ, ദുരൂഹതയുണ്ടെന്നു ബന്ധുക്കൾ

by WEB EDITORState Monday, 1 September 2025, 6:17Monday, 1 September 2025, 6:17No Comments

പയ്യന്നൂര്‍: പയ്യന്നൂര്‍ എഫ്.സി.ഐ ഗോഡൗണിലെ ചുമട്ടു തൊഴിലാളിയെ ഓടയില്‍ മരിച്ചനിലയില്‍ കണ്ടെത്തി. അന്നൂര്‍ പടിഞ്ഞാറെക്കരയിലെ തായമ്പത്ത് രാജേഷ് (45) ആണ് മരിച്ചത്. പയ്യന്നൂര്‍ മൂരിക്കൊവ്വല്‍ ഉഷാ റോഡിലെ ഓവുചാലിലാണ് മരിച്ച നിലയില്‍ കണ്ടെത്തിയത്. കമിഴ്ന്നു കിടക്കുന്ന നിലയില്‍ ഞായറാഴ്ച ഉച്ചയോടെ നാട്ടുകാരാണ് മൃതദേഹം കണ്ടെത്തിയത്. തുടര്‍ന്ന് പൊലീസില്‍ വിവരമറിയിക്കുകയായിരുന്നു. പയ്യന്നൂര്‍ പൊലീസെത്തി നടപടിക്രമങ്ങള്‍ക്കു ശേഷം മോര്‍ച്ചറിയിലേക്ക് മാറ്റി. രാജേഷിന്റെ മരണത്തില്‍ ദുരൂഹതയുണ്ടെന്ന് ബന്ധുക്കള്‍ ആരോപിച്ചു. ബാറിൽ വച്ച് ഒരു സംഘവുമായി വാക്കേറ്റം ഉണ്ടായെന്നും അവർ പിന്തുടർന്നെത്തി ആക്രമിച്ചെന്നുമാണ് …