തിരുവനന്തപുരം: ആലുവയില്‍ റെയില്‍വെ പാലത്തില്‍ അറ്റകുറ്റപ്പണി നടക്കുന്നതിനാല്‍ ഇന്ന് ട്രെയിനുകള്‍ക്ക് നിയന്ത്രണം ഏര്‍പ്പെടുത്തി. പാലക്കാട്-എറണാകുളം റൂട്ടിലെ മെമു ട്രെയിന്‍ സര്‍വീസ് ഇന്ന് റദ്ദാക്കി.
പാലം അറ്റകുറ്റപ്പണി തുടരേണ്ടതിനാല്‍ ആഗസ്റ്റ് പത്തിനും ട്രെയിന്‍ സര്‍വീസിന് നിയന്ത്രണമുണ്ടാകും. ഇന്നത്തെ മംഗളൂരു-തിരുവനന്തപുരം വന്ദേഭാരത് ട്രെയിന്‍ അടക്കമുള്ളവയാണ് വൈകിയോടുന്നത്. മംഗളൂരു-തിരുവനന്തപുരം വന്ദേഭാരത് 25 മിനുട്ട് വൈകിയായിരിക്കും എത്തുക. ഇതിനാല്‍ വൈകിട്ട് 4.05ന് പുറപ്പെടേണ്ട തിരുവനന്തപുരം-മംഗളൂരു വന്ദേഭാരത് പത്തു മിനുട്ട് വൈകി 4.15നായിരിക്കും പുറപ്പെടുക.
ആറ് ട്രെയിനുകള്‍ വൈകിയോടുമെന്നും ദക്ഷിണ റെയില്‍വേ അറിയിച്ചു.

ഇന്ന് റദ്ദാക്കിയ ട്രെയിനുകള്‍

പാലക്കാട്-എറണാകുളം മെമു (66609)
എറണാകുളം- പാലക്കാട് മെമു (66610)

വൈകിയോടുന്ന ട്രെയിനുകള്‍

ഗൊരഖ്പുര്‍ -തിരുവനന്തപുരം സെന്‍ട്രല്‍ എക്‌സ്പ്രസ് ഒരു മണിക്കൂര്‍ 20 മിനുട്ട് വൈകിയോടുന്നു (12511)
കണ്ണൂര്‍- ആലപ്പുഴ എക്‌സിക്യൂട്ടീവ് എക്‌സ്പ്രസ് ഒന്നേകാല്‍ മണിക്കൂര്‍ വൈകിയോടുന്നു (16308)
മംഗളൂരു സെന്‍ട്രല്‍ -തിരുവനന്തപുരം സെന്‍ട്രല്‍ വന്ദേഭാരത് (20631)
തിരുവനന്തപുരം സെന്‍ട്രല്‍ -മംഗളൂരു സെന്‍ട്രല്‍ വന്ദേഭാരത് (20632)
സെക്കന്തരാബാദ് -തിരുവനന്തപുരം ശബരി എക്‌സ്പ്രസ് (17230)
ജാംനഗര്‍-തിരുനെല്‍വേലി എക്‌സ്പ്രസ് (19578)