Day: July 15, 2025

തിരുവനന്തപുരം: സംസ്ഥാനത്തെ പോളിടെക്നിക് കോളജുകളിൽ നാളെ കെ.എസ്.യു വിദ്യാഭ്യാസ ബന്ദ് ആഹ്വാനം ചെയ്തു. അടൂരിൽ നടന്ന ഇന്റർപോളി കലോത്സവത്തിൽ കെ.എസ്.യു പ്രവർത്തകർക്കു നേരെ എസ്എഫ്ഐ നടത്തിയ ആക്രമണത്തിൽ പ്രതിഷേധിച്ചാണ് ബന്ദെന്ന് സംസ്ഥാന കമ്മിറ്റി അറിയിച്ചു. കലാലയങ്ങളെ കലാപശാലകളാക്കാനാണ് എസ്. എഫ്. ഐ. ശ്രമം – കെ. എസ്.യു. ആരോപിച്ചു.

കൊല്ലം: ഓടിക്കൊണ്ടിരുന്ന കെഎസ്ആർടിസി ബസിനു തീപിടിച്ചു. കൊല്ലം അഞ്ചലിലാണ് സംഭവം. തിരുവനന്തപുരത്തു നിന്ന് മുണ്ടക്കയത്തേക്ക് പോയ ബസിലാണ് ഡീസൽ ചോർന്ന് തീപിടിച്ചത്. പിന്നിൽ സഞ്ചരിക്കുകയായിരുന്ന ബൈക്ക് യാത്രക്കാരാണ് ബസിൽ തീപടരുന്നത് കണ്ടത്. ഇവർ അറിയിച്ചതോടെ ബസ് നിർത്തി യാത്രക്കാരെ മുഴുവൻ പുറത്തിറക്കി. അഗ്നിരക്ഷാസേനയും നാട്ടുകാരും ചേർന്ന് തീയണച്ചു.

തിരുവനന്തപുരം: വാഗ്ദാനം ചെയ്ത പാലം യാഥാർഥ്യമാക്കാൻ കഴിയാത്തതിനെ തുടർന്ന് സിപിഎം നഗരസഭ കൗൺസിലർ രാജിവച്ചു. നെടുമങ്ങാട് നഗരസഭ കൊപ്പം വാർഡ് മെമ്പർ പി. രാജീവാണ് രാജിവച്ചതായി ഫെയ്സ്ബുക്കിലൂടെ പ്രഖ്യാപിച്ചത്. കുന്നം വലിയ പാലത്തിന് ഒന്നരക്കോടി രൂപ അനുവദിച്ചെങ്കിലും അപ്രോച്ച് റോഡിനുള്ള സ്ഥലമേറ്റെടുപ്പ് പൂർത്തിയാക്കാനായില്ലെന്നു ചൂണ്ടിക്കാട്ടിയാണ് നടപടി. വാക്ക് പാലിക്കാൻ കഴിയാത്തവനും ഒരു നാടിന്റെ വിശ്വാസം കാത്തുസൂക്ഷിക്കാൻ കഴിയാത്തവനും ജനപ്രതിനിധിയായി തുടരാൻ പാടില്ല. ഇതു അയാൾ പ്രതിനിധാനം ചെയ്യുന്ന പ്രസ്ഥാനത്തിനു നാണക്കേടുണ്ടാക്കും. ഇത് ഒഴിവാക്കാനാണ് തന്റെ രാജിയെന്നും രാജീവ് …

Read more “വാക്കു പാലിക്കാൻ കഴിയാത്തവൻ ജനപ്രതിനിധിയായി തുടരാൻ പാടില്ല : സിപിഎം നഗരസഭ കൗൺസിലർ രാജിവച്ചു”

തിരുവനന്തപുരം: സംസ്ഥാനത്ത് പാൽവില ഉടൻ വർധിപ്പിക്കേണ്ടതില്ലെന്ന് മിൽമ ബോർഡ് യോഗത്തിൽ തീരുമാനം. വില 60 രൂപയായി വർധിപ്പിക്കണമെന്ന് തിരുവനന്തപുരം, എറണാകുളം, മലബാർ യൂണിയനുകൾ ശുപാർശ ചെയ്തിരുന്നു. എന്നാൽ വൻ വർധനവിലേക്ക് ഉടൻ പോകേണ്ടതില്ലെന്ന് യോഗം തീരുമാനിക്കുകയായിരുന്നു. നിലവിൽ കൊഴുപ്പേറിയ പാൽ ലീറ്ററിന് 56 രൂപയ്ക്കാണ് വിൽക്കുന്നത്. 2022 ഡിസംബറിലാണ് അവസാനമായി പാൽവില വർധിപ്പിച്ചത്. ഉത്പാദന ചെലവ് വർധിച്ചത് ചൂണ്ടിക്കാട്ടിയാണ് യൂണിയനുകൾ വില കൂട്ടണമെന്ന് ആവശ്യപ്പെടുന്നത്.ഉത്പാദന ചെലവിന് അനുസരിച്ചുള്ള ന്യായ വില കിട്ടാത്തതിനാൽ ചെറുകിട കർഷകരും ഫാം ഉടമകളും …

Read more “സംസ്ഥാനത്ത് പാൽവില ഉടൻ വർധിക്കില്ല; തിരക്കിട്ട വർധന വേണ്ടെന്ന് മിൽമ ബോർഡ് യോഗം”