പാലക്കാട്: കുടുംബ വഴക്കിനെ തുടർന്ന് ഭാര്യയെ എയർഗൺ കൊണ്ട് വെടിവച്ചു പരുക്കേൽപ്പിച്ച ഭർത്താവ് അറസ്റ്റിൽ. മംഗലംഡാം പൂതംകോട് കുന്നത്ത് വീട്ടിൽ ശിവൻ(58) ആണ് ഭാര്യ മേരിയെ(52) വെടിവച്ചത്. ഞായറാഴ്ച ഉച്ചയോടെയാണ് സംഭവം. ഇരുവരും തമ്മിലുള്ള വഴക്കിനിടെ മദ്യലഹരിയിലായിരുന്ന ശിവൻ എയർഗൺ കൊണ്ട് വെടിയുതിർക്കുകയായിരുന്നു. കാൽമുട്ടിനു പരുക്കേറ്റ മേരി തൃശൂർ മെഡിക്കൽ കോളജ് ആശുപത്രിയിൽ ചികിത്സ തേടി. കോടതിയിൽ ഹാജരാക്കിയ ശിവനെ റിമാൻഡ് ചെയ്തു.