തിരുവനന്തപുരം: നെടുമങ്ങാട് ബൈക്കും ഓട്ടോയുമായി കൂട്ടിയിടിച്ചുണ്ടായ അപകടത്തിൽ ഒരു വയസ്സുള്ള കുഞ്ഞ് മരിച്ചു. വിതുര സ്വദേശി ഷിജാദിന്റെയും നൗഷിമയുടെയും മകൻ ആബിസ് മിൽഹാൻ ആണ് മരിച്ചത്. കുടുംബം സഞ്ചരിച്ച ഓട്ടോ ബൈക്കുമായി കൂട്ടിയിടിച്ച് മറിയുകയായിരുന്നു. നൗഷിമയുടെ കൈയ്യിലിരുന്ന കുഞ്ഞ് തെറിച്ച് റോഡിൽ വീഴുകയായിരുന്നുവെന്നാണ് വിവരം. അപകടത്തിൽ നൗഷിമയുടെ തോളെല്ലിനും കാലിനും പരുക്കുണ്ട്. കുഞ്ഞിന്റെ മൃതദേഹം ആശുപത്രിയിലാണ്.