കോഴിക്കോട്: പെഹല്‍ഗാം ഭീകരാക്രമണത്തിനെതിരെ 26നു ഭീകരവിരുദ്ധ സായാഹ്നം സംഘടിപ്പിക്കുമെന്നു മുസ്ലിം യൂത്ത് ലീഗ് സംസ്ഥാന പ്രസിഡന്റ് സയ്യിദ് മുനവ്വറലി ശിഹാബ് തങ്ങള്‍, സെക്രട്ടറി പി.കെ ഫിറോസ് അറിയിച്ചു. നിയോജക മണ്ഡലം കമ്മിറ്റികളുടെ ആഭിമുഖ്യത്തില്‍ ധര്‍ണ്ണ നടത്തിയാണ് ഭീകരവിരുദ്ധ സായാഹ്ന സദസ് നടത്തുക. പ്രമുഖര്‍ സദസിനെ അഭിസംബോധന ചെയ്യും.
പെഹല്‍ഗാമില്‍ നടന്നതു മനുഷ്യത്വ വിരുദ്ധവും ഹീനവുമായ പ്രവര്‍ത്തിയാണെന്നും ഇതില്‍ പ്രവര്‍ത്തിച്ചവര്‍ ആരായാലും അവര്‍ രാജ്യദ്രോഹികളും മനസാക്ഷിയില്ലാത്തവരുമാണെന്നും നേതാക്കള്‍ ചൂണ്ടിക്കാട്ടി. ഭീകരവാദത്തിനും തീവ്രവാദത്തിനുമെതിരെ രാജ്യം ഒറ്റക്കെട്ടാണെന്നു നേതാക്കള്‍ തുടര്‍ന്നു പറഞ്ഞു.
Natakam.