കോഴിക്കോട്: പത്താം ക്ലാസില്‍ പഠിക്കുന്ന പതിനഞ്ചുകാരി പീഡനത്തിനിരയായി. പീഡിപ്പിച്ചത് പതിമൂന്നും പതിനാലും വയസുള്ള സുഹൃത്തുക്കളായ രണ്ട് വിദ്യാര്‍ഥികള്‍. പതിനൊന്നുകാരന്‍ പീഡനദൃശ്യം പകര്‍ത്തി പ്രചരിപ്പിച്ചു. സംഭവം കോഴിക്കോട് നല്ലളം പൊലീസ് സ്റ്റേഷന്‍ പരിധിയില്‍. ഒരാഴ്ച മുമ്പ് നടന്ന സംഭവം പുറംലോകമറിയുന്നത് കഴിഞ്ഞദിവസം. കൗണ്‍സലിങ്ങിനിടയില്‍ പെണ്‍കുട്ടി വിവരം പുറത്തുപറഞ്ഞതോടെയാണ് ബന്ധുക്കളും അധ്യാപകരുമെല്ലാം സംഭവമറിഞ്ഞത്. തുടര്‍ന്ന്, പൊലീസ് വിവരം ചൈല്‍ഡ് വെല്‍ഫെയര്‍ കമ്മിറ്റിയെ അറിയിച്ചു. തിങ്കളാഴ്ച മൂന്നു വിദ്യാര്‍ഥികളെയും സിഡബ്ല്യുസിക്ക് മുന്‍പാകെ ഹാജരാക്കാന്‍ പൊലീസിനോട് ആവശ്യപ്പെട്ടിട്ടുണ്ട്.
