വാഷിങ്ടൺ: ന്യൂയോർക്കിലെ ഹഡ്സൻ നദിയിൽ ഹെലികോപ്റ്റർ തകർന്നുവീണു 6 പേർ മരിച്ചു. പൈലറ്റും സ്പെയിനിൽ നിന്നുള്ള 5 അംഗ കുടുംബവുമാണ് മരിച്ചത്. 3 കുട്ടികളും മരിച്ചവരിൽ ഉൾപ്പെടുന്നു. വിനോദസഞ്ചാരികളാണ് ഇവർ. നിയന്ത്രണം വിട്ട ഹെലികോപ്റ്റർ നദിയിലേക്കു വീഴുകയായിരുന്നു. ജനവാസ കേന്ദ്രത്തിനു സമീപമാണ് അപകടമുണ്ടായത്. 4 പേർ സംഭവസ്ഥലത്തുവച്ച് മരിച്ചു. 2 പേരെ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. 2018നു ശേഷം ന്യൂയോർക്കിലുണ്ടാകുന്ന ഏറ്റവും വലിയ ഹെലികോപ്റ്റർ അപകടമാണ്.