പയ്യന്നൂര്‍: പന്തെടുക്കാന്‍ ഇറങ്ങാനുള്ള ശ്രമത്തിനിടെ 45 അടി താഴ്ചയുള്ള കിണറിലേക്ക് പിടിവിട്ട് വീണ് 10 വയസുകാരന് ഗുരുതര പരിക്ക്. എരമം, കണ്ണാപ്പള്ളിപൊയിലിലെ ഇതരസംസ്ഥാന തൊഴിലാളി സിദപ്പയുടെ മകന്‍ കൃഷ്ണയാണ് കിണറ്റില്‍ വീണത്. കളിക്കുന്നതിനിടെ പന്ത് അയല്‍വാസിയായ നബീസയുടെ വീട്ടുകിണറ്റില്‍ വീഴുകയായിരുന്നു. കിണറ്റില്‍ വെള്ളമുണ്ടായിരുന്നില്ല.
പന്തെടുക്കാന്‍ കയര്‍ പിടിച്ച് കുട്ടി ഇറങ്ങാന്‍ ശ്രമിക്കുകയായിരുന്നു. ഇതിനിടെ പിടിവിട്ട് കിണറ്റിലേക്ക് വീഴുകയായിരുന്നു. വീഴ്ചയുടെ ആഘാതത്തില്‍ കാലിന്റെ തുടയെല്ല് പൊട്ടി. സംഭവം ശ്രദ്ധയില്‍പ്പെട്ട നാട്ടുകാര്‍ പെരിങ്ങോം ഫയര്‍ഫോഴ്‌സിനെ വിവരമറിയിച്ചു.
സ്റ്റേഷന്‍ ഓഫീസര്‍ ഇന്‍ ചാര്‍ജ് ഷെറില്‍ ബാബുവിന്റെ നേതൃത്വത്തില്‍ ഫയര്‍ ഫോഴ്‌സ് എത്തിയാണ് കൃഷ്ണയെ കിണറിന് പുറത്തെത്തിച്ചത്. ഗുരുതരമായി പരിക്കേറ്റ കുട്ടി മംഗ്ളൂരുവിലെ ആശുപത്രിയില്‍ ചികിത്സയിലാണ്.
കാസര്‍കോട്ടു ദേശീയപാത നിര്‍മ്മാണത്തിനിടെ രണ്ട് തൊഴിലാളികള്‍ മരിച്ച സംഭവം: ഉന്നതതല അന്വേഷണം വേണം: ശ്രീകാന്ത്
Sunday, 14 September 2025, 13:00
