കണ്ണൂര്: ക്ഷേത്ര കവാടത്തിനു സമീപത്ത് നിലയുറപ്പിച്ച് സ്ത്രീകളെ നോക്കി അശ്ലീല ആംഗ്യം കാണിച്ച വിരുതന് അറസ്റ്റില്. വാരം, മുണ്ടയാട്, പാറക്കാട്ടില് ഹൗസില് സി ടി ദിനില് ദാസി (43)നെയാണ് കണ്ണൂര് ടൗണ് എസ് ഐ അനുരൂപ് അറസ്റ്റ് ചെയ്തത്. കഴിഞ്ഞ ദിവസം രാത്രിയാണ് സംഭവം. ചൊവ്വ ശിവക്ഷേത്രത്തിന്റെ കവാടത്തില് വച്ചാണ് ഇയാള് അശ്ലീല ആംഗ്യം കാണിച്ചത്. വിവരമറിഞ്ഞ് എത്തിയ പൊലീസ് ദിനില്ദാസിനെ കയ്യോടെ പൊക്കുകയായിരുന്നു.
