കാസര്‍കോട്: മുന്‍ വിരോധം വച്ച് യുവാവിനെ സ്റ്റിക്കര്‍ കട്ട് ചെയ്യുന്ന ബ്ലേഡ് കൊണ്ട് ആക്രമിച്ച് നരഹത്യയ്ക്കു ശ്രമിച്ചുവെന്ന കേസില്‍ രണ്ടു പേര്‍ അറസ്റ്റില്‍. ചെറുവത്തൂര്‍, കാടങ്കോട്ടെ കെ.വി സബീര്‍ (35), ജമാലുദ്ദീന്‍ എ.വി (40) എന്നിവരെയാണ് ചന്തേര പൊലീസ് അറസ്റ്റു ചെയ്തത്.
മാര്‍ച്ച് 28ന് ഉച്ചക്ക് രണ്ടു മണിക്കാണ് കേസിനാസ്പദമായ സംഭവം. കാടങ്കോട്ടെ എം അബ്ദുല്‍ ലത്തീഫ് (31) ആണ് അക്രമത്തിനു ഇരയായത്. കാടങ്കോട്ട് വച്ച് തടഞ്ഞു നിര്‍ത്തിയായിരുന്നു അക്രമം. തടയാന്‍ ശ്രമിച്ച സുഹൃത്തുക്കളായ എ.പി മുഹമ്മദ് റാഷിദ് (30), എ.സി ജാബിര്‍ (36) എന്നിവര്‍ക്കും പരിക്കേറ്റിരുന്നു.