മലപ്പുറം: മലപ്പുറം കരുവാരക്കുണ്ടില്‍ കടുവ ഇറങ്ങി. തിങ്കളാഴ്ച രാവിലെയാണ് കടുവ ഇറങ്ങിയത്. ജനവാസ പ്രദേശത്താണ് കടുവയെ കണ്ടത്. വനപാലകര്‍ നാട്ടുകാരുടെ വെളിപ്പെടുത്തലുകളെ തുടര്‍ന്നു നടത്തിയ പരിശോധനയില്‍ കടുവയുടെ സാന്നിധ്യം കണ്ടെത്തിയിരുന്നു. കരുവാരക്കുണ്ട് കേരള എസ്‌റ്റേറ്റില്‍ നാട്ടുകാരാണ് കടുവയെ കണ്ടെത്തിയത്. ഇന്ന് രാവിലെ എസ്‌റ്റേറ്റില്‍ ജോലിക്കെത്തിയ തൊഴിലാളികളാണ് എസ്‌റ്റേറ്റിലൂടെ ഓടിപ്പോവുന്ന കടുവയെ ആദ്യം കണ്ടത്.