കാസര്‍കോട്: കൈവിരലില്‍ കുടുങ്ങിയ മോതിരം സുരക്ഷിതമായി അഴിച്ചെടുത്ത് കാസര്‍കോട് ഫയര്ഫോഴ്സ് ഉദ്യോഗസ്ഥര്‍. മൊഗ്രാല്‍ സ്വദേശിനിയായ 32 കാരിക്കാണ് ഫയര്ഫോഴ്സ് രക്ഷകരായത്. പുതിയ മോതിരം വാങ്ങിയപ്പോള്‍ വിരല്‍ മാറ്റി മോതിരമണിഞ്ഞിരുന്നു. പിന്നീട് ഊരാന്‍ സാധിച്ചില്ല. രണ്ടുദിവസം കഴിഞ്ഞപ്പോള്‍ കൈവിരലിന് നീര് വരാനും തുടങ്ങിയതോടെയാണ് യുവതി രക്ഷക്കായി ഫയര്‍ഫോഴ്‌സിനെ സമീപിച്ചത്. തുടര്‍ന്ന് ശനിയാഴ്ച ഉച്ചയ്ക്ക് 12 മണിയോടെ സീനിയര്‍ ഫയര്‍ ആന്റ് റസ്‌ക്യൂ ഓഫീസര്‍ വിഎന്‍ വേണുഗോപാലിന്റെ നേതൃത്വത്തില്‍ ഫയര്‍ ആന്റ് റസ്‌ക്യൂ ഓഫീസര്‍മാരായ ഗോകുല്‍ കൃഷ്ണനും സിറാജുദ്ദീനും ചേര്‍ന്ന് മോതിരം മുറിച്ച് മാറ്റാതെ നൂല്‍ ഉപയോഗിച്ച് ഊരിയെടുത്തു. സേനയ്ക്ക് നന്ദി അറിയിച്ചാണ് യുവതി മടങ്ങിപ്പോയത്.
മുസ്ലിം ലീഗിന് ഇത് കലികാലം: പൈവളിക പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ സ്ഥാന ത്യാഗത്തിലേക്ക്
Monday, 30 June 2025, 18:20
