കല്‍പ്പറ്റ: പന്നിക്കു വച്ച കെണിയില്‍ കുടുങ്ങിയ പുലിയെ മയക്കു വെടി വച്ച് പിടികൂടി. മേപ്പാടി, നെടുമ്പാല എസ്റ്റേറ്റില്‍ ആണ് സംഭവം. ഞായറാഴ്ച രാവിലെയോടെയാണ് പുലിയെ മുന്‍ കാലുകള്‍ കെണിയില്‍ കുടുങ്ങിയ നിലയില്‍ വേലിയില്‍ കണ്ടെത്തിയത്. വിവരമറിഞ്ഞ് വനപാലകരെത്തി നിരീക്ഷണം നടത്തിയ ശേഷമാണ് മയക്കുവെടി വയ്ക്കാന്‍ തീരുമാനിച്ചത്. വെടി വെക്കുമ്പോഴോ അതിനു മുമ്പോ പുലി രക്ഷപ്പെട്ട് ആള്‍ക്കാര്‍ക്കു നേരെ തിരിയാതിരിക്കുന്നതിനു ശക്തമായ മുന്‍ കരുതല്‍ സ്വീകരിച്ചിരുന്നു. തുടര്‍ന്നാണ് മയക്കുവെടി വച്ചു പിടികൂടിയത്. പുലിയുടെ കാലില്‍ പരിക്കുള്ളതായാണ് സൂചന.
