കാസര്‍കോട്: ചന്തേരയ്ക്കും ചെറുവത്തൂര്‍ റെയില്‍വേ സ്‌റ്റേഷനുമിടയില്‍ പിലിക്കോട് കൊല്ലറൊടി റെയില്‍വേ ട്രാക്കിന് സമീപം അജ്ഞാതനെ ട്രെയിന്‍ തട്ടിമരിച്ച നിലയില്‍ കണ്ടെത്തി. ചൊവ്വാഴ്ച രാത്രി എട്ടുമണിയോടെയാണ് അപകടം. മൃതദേഹം തിരിച്ചറിയാനാകാത്ത വിധം ചിന്നിചിതറിയ നിലയിലായിരുന്നു. 60 വയസ് പ്രായം തോന്നിക്കുന്ന പുരുഷന്റേതാണ് മൃതദേഹം. വെള്ളമുണ്ടും ഷര്‍ട്ടുമാണ് വേഷം. പൊലീസെത്തി മൃതദേഹം പരിയാരം കണ്ണൂര്‍ ഗവ.മെഡിക്കല്‍ കോളേജ് മോര്‍ച്ചറിലേക്ക് മാറ്റി. പരിസര പഞ്ചായത്തുകളിലോ മറ്റോ ആരെയെങ്കിലും കാണാതായിട്ടുണ്ടെങ്കില്‍ വിവരം അറിയിക്കണമെന്ന് ചന്തേര എസ്.എച്ച്.ഒ അറിയിച്ചു.