കാസര്‍കോട്: ജോലിക്കു നിന്ന വീട്ടില്‍ നിന്നു 10 ലക്ഷം രൂപ വില മതിക്കുന്ന ഡയമണ്ട് ആഭരണങ്ങളും രണ്ടു കമ്മലുകളും കവര്‍ച്ച ചെയ്ത വീട്ടു ജോലിക്കാരിയായ യുവതി പിടിയില്‍. ഉത്തര്‍പ്രദേശ് സ്വദേശിനിയും ഉപ്പളയില്‍ താമസക്കാരിയുമായ ആസിയയെ ആണ് മഞ്ചേശ്വരം പൊലീസ് പിടികൂടിയത്. കാസര്‍കോട് വനിതാ പൊലീസ് സ്റ്റേഷനില്‍ പാര്‍പ്പിച്ചിട്ടുള്ള പ്രതിയെ വിശദമായി ചോദ്യം ചെയ്ത ശേഷം അറസ്റ്റു രേഖപ്പെടുത്തുമെന്ന് പൊലീസ് വൃത്തങ്ങള്‍ പറഞ്ഞു. മഞ്ചേശ്വരം, ഹൈവേക്ക് സമീപത്തെ കണച്ചൂര്‍ വില്ലയിലെ ഫാത്തിമത്ത് സഫാനയുടെ വീട്ടിലാണ് കവര്‍ച്ച നടന്നത്. ഈ വീട്ടിലെ ജോലിക്കാരിയാണ് ആസിയ. ഫെബ്രുവരി 18നാണ് മോഷണം നടന്നത്. പരാതിക്കാരിയുടെ മാതാവിന്റെ വീട്ടിനുള്ളില്‍ സൂക്ഷിച്ചിരുന്ന ആഭരണങ്ങളാണ് കവര്‍ച്ച പോയത്.
കവര്‍ച്ച സംബന്ധിച്ച് പൊലീസില്‍ പരാതി നല്‍കിയതോടെ നാട്ടിലേക്ക് മുങ്ങാന്‍ ശ്രമിക്കുന്നതിനിടയിലാണ് ആസിയ പൊലീസിന്റെ പിടിയിലായത്.
മടിക്കൈയില് ഗൃഹനാഥന് എലിവിഷം കഴിച്ച് മരിച്ചു; രണ്ടരമാസത്തിനുള്ളില് നിരവധി പേരുടെ ജീവനെടുത്ത് എലിവിഷം എന്ന വില്ലന്
Saturday, 15 March 2025, 10:29
