കാസര്‍കോട്: എംകോം വിദ്യാര്‍ത്ഥിനിയെ വീട്ടിലെ കിടപ്പുമുറിയില്‍ തൂങ്ങി മരിച്ച നിലയില്‍ കണ്ടെത്തി. വൊര്‍ക്കാടി, കെദംപാടിയിലെ ഇബ്രാഹിമിന്റെ മകള്‍ ആമിനത്ത് റിയാന (22)യാണ് മരിച്ചത്. വിദൂര വിദ്യാഭ്യാസ പദ്ധതി പ്രകാരമാണ് എംകോമിനു പഠിച്ചു കൊണ്ടിരുന്നത്. ഞായറാഴ്ച ഉച്ച കഴിഞ്ഞ് രണ്ടു മണിക്കും രണ്ടര മണിക്കും ഇടയിലാണ് ആമിനത്ത് റിയാന തൂങ്ങിയതെന്നു മഞ്ചേശ്വരം പൊലീസ് രജിസ്റ്റര്‍ ചെയ്ത കേസില്‍ പറയുന്നു. ഭക്ഷണം കഴിക്കാനായി വിളിച്ചപ്പോള്‍ യുവതി പുറത്തേക്ക് വന്നില്ല. വാതില്‍ തുറക്കാന്‍ ശ്രമിച്ചപ്പോള്‍ അകത്തു നിന്നു കുറ്റിയിട്ടതായി വ്യക്തമായി. തുടര്‍ന്ന് വാതില്‍ തള്ളിത്തുറന്നു നോക്കിയപ്പോഴാണ് തൂങ്ങിയ നിലയില്‍ കണ്ടത്. ഉടന്‍ ദേര്‍ളക്കട്ടയിലെ ആശുപത്രിയില്‍ എത്തിച്ചുവെങ്കിലും രക്ഷിക്കാന്‍ കഴിഞ്ഞില്ല. ആത്മഹത്യ ചെയ്തതിന്റെ കാരണം വ്യക്തമല്ല. മാതാവ്: ആയിഷ. സഹോദരങ്ങള്‍: ഖലീല്‍, ഇര്‍ഷാന.
അവശനിലയില്‍ ആശുപത്രിയില്‍ പ്രവേശിപ്പിക്കപ്പെട്ട ആള്‍ മരണപ്പെട്ടു
Sunday, 8 June 2025, 15:46
