മലപ്പുറം: വിനോദയാത്രാ സംഘം സഞ്ചരിച്ചിരുന്ന ബസ് നിയന്ത്രണം വിട്ട് വൈദ്യുതി പോസ്റ്റില്‍ ഇടിച്ചുണ്ടായ അപകടത്തില്‍ മദ്രസാ വിദ്യാര്‍ത്ഥിനി മരിച്ചു. കൊണ്ടോട്ടി, പള്ളിമുക്ക്, ഹയാത്തുല്‍ ഇസ്ലാം ഹയര്‍സെക്കണ്ടറി മദ്രസ വിദ്യാര്‍ത്ഥിനി ഹിബി (17)യാണ് മരിച്ചത്. ദേശീയ പാതയില്‍ വെളിയങ്കോട്, മേല്‍പ്പാലത്തില്‍ തിങ്കളാഴ്ച പുലര്‍ച്ചെ നാലു മണിയോടെയാണ് അപകടം ഉണ്ടായത്. കുട്ടികളുമായി വാഗമണ്ണിലേക്ക് വിനോദയാത്ര പോയി മടങ്ങുകയായിരുന്നു ബസ്. ഡ്രൈവര്‍ ഉറങ്ങിപ്പോയതാണ് അപകടത്തിനിടയാക്കിയതെന്നു സംശയിക്കുന്നു. അപകടത്തില്‍ മറ്റു രണ്ടു വിദ്യാര്‍ത്ഥികള്‍ക്കു കൂടി പരിക്കേറ്റു.
