കൊച്ചി: പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ചുവെന്ന കേസില്‍ പൊലീസ് കസ്റ്റഡിയിലെടുത്ത പ്രതി രക്ഷപ്പെട്ടു. എറണാകുളം, മൂക്കന്നൂര്‍ സ്വദേശിയായ ഐസക് ബെന്നിയാണ് ആലുവ പൊലീസ് സ്റ്റേഷനില് നിന്നു രക്ഷപ്പെട്ടത്. പോക്‌സോ കേസില്‍ കസ്റ്റഡിയിലെടുത്ത് സ്റ്റേഷനില് പാര്‍പ്പിച്ചതായിരുന്നു. വെള്ളിയാഴ്ച രാത്രി ഇയാള്‍ പൊലീസ് സ്റ്റേഷന്റെ മുകളിലെ നിലയിലെ വാതില്‍ തുറന്നാണ് രക്ഷപ്പെട്ടതെന്നാണ് പൊലീസിന്റെ വിശദീകരണം. പ്രതിക്കായി തെരച്ചില്‍ ആരംഭിച്ചിട്ടുണ്ട്.
