മംഗ്‌ളൂരു: സഹപാഠിയുടെ വീട്ടില്‍ നടന്ന വിരുന്നു സല്‍ക്കാരത്തില്‍ പങ്കെടുക്കാന്‍ എത്തിയ മൂന്നു നഴ്‌സിംഗ് വിദ്യാര്‍ത്ഥികള്‍ ഡാമില്‍ മുങ്ങി മരിച്ചു. മംഗ്‌ളൂരുവിലെ ഒരു നഴ്‌സിംഗ് കോളേജിലെ വിദ്യാര്‍ത്ഥികളായ മൂടുബിദ്രിയിലെ ലോറന്‍സ് (20), ബെല്‍ത്തങ്ങാടിയിലെ സൂരജ് (19), ബണ്ട്വാള്‍, വൊഗ്ഗയിലെ ജയ്‌സണ്‍ (19) എന്നിവരാണ് മരിച്ചത്. ബര്‍ക്കജെ ഡാമിലാണ് അപകടം ഉണ്ടായത്. വിരുന്നു സല്‍ക്കാരത്തില്‍ പങ്കെടുത്ത ശേഷം ബെല്‍ത്തങ്ങാടി, ബര്‍ക്കജെ ഡാമില്‍ കുളിക്കാന്‍ പോയപ്പോഴാണ് അപകടത്തില്‍പ്പെട്ടത്. ബുധനാഴ്ചയായിരുന്നു സംഭവം.
