ലഖ്നൗ: ഉത്തര്‍പ്രദേശിലെ ആഗ്ര-ലഖ്നൗ എക്സ്പ്രസ് വേയില്‍ എസ്.യു.വി ഡിവൈഡറിലിടിച്ച് മറിഞ്ഞു.
അപകടത്തില്‍ അഞ്ചുഡോക്ടര്‍മാര്‍ക്ക് ദാരുണാന്ത്യം. ബുധനാഴ്ച പുലര്‍ച്ചെ 3.30 ഓടെയാണ് അപകടം. ഒരാള്‍ തലയ്ക്ക് ഗുരുതരമായി പരിക്കേറ്റ് ചികിത്സയിലാണ്. ലഖ്നൗവിലെ വിവാഹചടങ്ങ് കഴിഞ്ഞ് മടങ്ങിയ ഡോക്ടര്‍മാരുടെ സംഘമാണ് അപകടത്തില്‍പ്പെട്ടത്. ഇവര്‍ സഞ്ചരിച്ച സ്‌കോര്‍പിയോ നിയന്ത്രണം വിട്ട് ഡിവൈഡര്‍ തകര്‍ത്ത് എതിര്‍വശത്ത് നിന്ന് വന്ന ട്രക്കില്‍ ഇടിക്കുകയായിരുന്നു. എസ്യുവിയുടെ ഡ്രൈവര്‍ ഉറങ്ങിപ്പോയതാണ് അപകടത്തിന് കാരണമായതെന്നാണ് പ്രാഥമിക റിപ്പോര്‍ട്ടുകള്‍. സൈഫായി യൂണിവേഴ്സിറ്റി ഓഫ് മെഡിക്കല്‍ സയന്‍സിലെ ഡോക്ടര്‍മാരാണ് മരിച്ചത്. മൊറാദാബാദിലെ ഡോ.ജൈവീര്‍ സിംഗ് (39), ബദോഹിയിലെ ഡോ. അനിരുദ്ധ് (29), കനൗജിലെ ഡോ. സന്തോഷ് കുമാര്‍ മൗര്യ (40), കനൗജിലെ ഡോ. അരുണ്‍ കുമാര്‍ (34), ബറേലിയിലെ ഡോ. നാര്‍ദേവ് (35) എന്നിവരാണ് മരിച്ചത്.
മഴ: തുടർച്ചയായ വൈദ്യുതി തടസ്സത്തിനെതിരെ പ്രകോപിതരായ ജനങ്ങൾ ഉപ്പള വൈദ്യുതി സെക്ഷൻ ഓഫീസ് വളഞ്ഞു
Tuesday, 27 May 2025, 21:03
