കാസര്കോട്: പുലിക്കുന്നില് റോഡരികില് അനധികൃതമായി സ്ഥാപിച്ച പെട്ടിക്കടയ്ക്ക് പൊതുമരാമത്ത് വകുപ്പ് നോട്ടീസ് പതിച്ചു. ഏതാനും ദിവസം മുമ്പാണ് പുലിക്കുന്നിലെ പൊതുമരാമത്ത് വകുപ്പ് ഓഫീസിന്റെ കവാടത്തിന് മുന്നില് പെട്ടിക്കട പ്രത്യക്ഷപ്പെട്ടത്. ആരാണ് സ്ഥാപിച്ചതെന്ന് അറിവായിട്ടില്ല. ഇതിന് അനുമതിയോ ലൈസന്സോ ഇല്ല. കട ഇവിടെ നിന്ന് മാറ്റണമെന്നാണ് നോട്ടീസ് പതിച്ചിട്ടുള്ളത്.
