ഭിവാനി: മാര്‍ക്കു കുറഞ്ഞതിനു വഴക്കു പറഞ്ഞ വിരോധത്തില്‍ അധ്യാപികയുടെ കസേരയ്ക്കടിയില്‍ അമിട്ട് വച്ച് പൊട്ടിച്ചു. ഹരിയാനയിലെ ഭിവാനി ജില്ലയിലെ സ്‌കൂളിലാണ് സംഭവം. ഒന്നില്‍ കൂടുതല്‍ അമിട്ടുകള്‍ ഒന്നിച്ചു കെട്ടിയ ശേഷം കസേരയ്ക്കടിയില്‍ വച്ച് റിമോര്‍ട്ട് കണ്‍ട്രോള്‍ ഉപയോഗിച്ച് പൊട്ടിക്കുകയായിരുന്നു. സ്‌ഫോടനത്തിന്റെ ശക്തിയില്‍ നിലത്തു വീണ അധ്യാപികയ്ക്ക് പൊള്ളലേറ്റു. സ്‌ഫോടനത്തില്‍ കസേര പൂര്‍ണ്ണമായും തകര്‍ന്നു. സംഭവത്തിനു പിന്നില്‍ പ്ലസ്ടു വിദ്യാര്‍ത്ഥികളാണ്. ഇവരെ സ്‌കൂളില്‍ നിന്നു സസ്‌പെന്റ് ചെയ്തു.
