തിരുവനന്തപുരം: അടുത്ത 24 മണിക്കൂറിനുള്ളില് കാലവര്ഷം കേരളത്തില് എത്തിച്ചേരാന് സാധ്യതയെന്ന് കാലാവസ്ഥാ വകുപ്പ്. ഇന്നു മുതല് ജൂണ് 2 വരെ ശക്തമായ മഴക്ക് സാധ്യതയെന്നും അറിയിപ്പ്. ഇതിന്റെ ഭാഗമായി ഏഴു ദിവസം ശക്തമായ കാറ്റും ഉണ്ടാവും. സംസ്ഥാനത്ത് ഏഴ് ജില്ലകളില് ഓറഞ്ച് അലര്ട്ട് പ്രഖ്യാപിച്ചിരിക്കുകയാണ്. തിരുവനന്തപുരം മുതല് ഇടുക്കി വരെയുള്ള ജില്ലകളിലാണ് ഓറഞ്ച് അലര്ട്ട്. നാല് ജില്ലകളില് ശക്തമായ മഴ മുന്നറിയിപ്പുണ്ട്. തിരുവനന്തപുരം, കൊല്ലം, കോട്ടയം, എറണാകുളം ജില്ലകളില് അടുത്ത മൂന്ന് മണിക്കൂറില് ഒറ്റപ്പെട്ടയിടങ്ങളില് ഇടിമിന്നലോട് കൂടിയ മിതമായ മഴയ്ക്കും മണിക്കൂറില് 40 കിലോമീറ്റര് വരെ വേഗതയില് വീശിയേക്കാവുന്ന ശക്തമായ കാറ്റിനും സാധ്യതയെന്നു പറയുന്നു. സംസ്ഥാനത്ത് മഴ ശക്തിപ്പെടുന്നതിനാല് മലയോര മേഖലയിലേക്കുള്ള രാത്രി യാത്രകള്ക്ക് നിയന്ത്രണമെര്പ്പെടുത്തിയിരിക്കുകയാണ്.