ന്യൂദെല്‍ഹി: ഇറാന്‍ പ്രസിഡന്റ് ഇബ്രാഹിം റെയ്‌സിയുടെ മരണത്തില്‍ പ്രധാനമന്ത്രി നരേന്ദ്രമോദിയും വിദേശകാര്യമന്ത്രി എസ് ജയശങ്കറും അഗാധമായ ദുഃഖം രേഖപ്പെടുത്തി. ഇറാന്റെ ദുഃഖസമയത്ത് ഇന്ത്യ ഒപ്പമുണ്ടെന്നു അനുശോചന സന്ദേശത്തില്‍ മോദി പറഞ്ഞു. ഇന്ത്യ-ഇറാന്‍ ഉഭയകക്ഷി ബന്ധം ശക്തിപ്പെടുത്തുന്നതിനു പ്രസിഡന്റ് റെയ്‌സി നല്‍കിയ സംഭാവനകള്‍ എന്നും ഓര്‍ക്കുമെന്നും റെയ്‌സിയുടെ കുടുംബത്തിനും ഇറാന്‍ ജനതയ്ക്കും ഹൃദയംഗമമായ അനുശോചനം അറിയിക്കുന്നെന്നും അനുശോചന സന്ദേശത്തില്‍ പ്രധാനമന്ത്രി മോദി പറഞ്ഞു.