സംവിധായകന് ജോഷിയുടെ വീട്ടില് മോഷണം നടത്തിയ ബിഹാര് സ്വദേശി മുഹമ്മദ് ഇര്ഫാന്റെ ഭാര്യ ബിഹാറില് ജില്ലാ പഞ്ചായത്ത് പ്രസിഡന്റെന്ന് പൊലീസ്. സീതാമഢി ജില്ലാ പഞ്ചായത്ത് പ്രസിഡന്റ് ഗുല്ഷന് ആണ് ഇര്ഷാദിന്റെ ഭാര്യബിഹാര് സ്വദേശിയാണ് മുഹമ്മദ് ഇര്ഷാദ്. ആറോളം സംസ്ഥാനങ്ങളിലായി ഇര്ഷാദിനെതിരെ 19 കേസുകളുണ്ടെന്നാണ് പൊലീസ് അറിയിക്കുന്നത്. ഇര്ഫാന് പനമ്പിള്ളി നഗറില് 3 വീടുകളില് കൂടി മോഷണത്തിന് ശ്രമിച്ചിരുന്നു. മോഷണം നടത്തിയ സ്വര്ണവും വാച്ചും കണ്ടെടുത്തു. 15 മണിക്കൂറിനുള്ളില് പ്രതിയെ വലയിലാക്കാന് കഴിഞ്ഞത് പൊലീസിന്റെ നേട്ടമെന്ന് സിറ്റി പൊലീസ് കമ്മിഷണര് ശ്യാംസുന്ദര് പറഞ്ഞു. കൊച്ചി സിറ്റി പൊലീസിന്റെ സമയോചിതമായ പ്രവര്ത്തനങ്ങളാണ് പ്രതിയെ പിടികൂടുന്നതിലേക്ക് എത്തിച്ചത്. മോഷണത്തില് കുറേ ദുരൂഹതകളുണ്ടെന്ന് അദ്ദേഹം പറഞ്ഞു. എങ്ങനെയാണ് ഇവിടെ ഇത്ര ആഭരണങ്ങള് സൂക്ഷിച്ചിട്ടുണ്ട് എന്ന് പ്രതികള് അറിഞ്ഞത്, അത് ആരെങ്കിലും പറഞ്ഞുകൊടുത്തതാണോ, അങ്ങനെയെങ്കില് പ്രദേശത്തുള്ള ആരെങ്കിലുമായും പ്രതിക്ക് ബന്ധമുണ്ടോ എന്നിങ്ങനെയുള്ള കാര്യങ്ങളെല്ലാം പൊലീസ് അന്വേഷിച്ചുവരികയാണ്.
മാത്രമല്ല, ലോക്കര് കുത്തി തുറന്നിരുന്നില്ല. താക്കോല് ലോക്കറില് തന്നെ ഉണ്ടായിരുന്നു എന്നാണിതില് നിന്ന് വ്യക്തമാകുന്നത്. ഇതിലെല്ലാം ഇനിയും വ്യക്തത വരാനുണ്ട്.
വെള്ളിയാഴ്ച രാത്രിയാണ് കവര്ച്ച നടന്നത്. ഒരു കോടി രൂപ വിലമതിക്കുന്ന സ്വര്ണ-വജ്രാഭരണങ്ങളാണ് ജോഷിയുടെ വീട്ടില് നിന്ന് കവര്ച്ച ചെയ്യപ്പെട്ടത്. വീട്ടിലെ സിസിടിവിയില് മോഷ്ടാവിന്റെ മുഖം പതിഞ്ഞതും, സമീപപ്രദേശത്തെ മറ്റ് സിസിടിവി ക്യാമറകളെ കേന്ദ്രീകരിച്ച് നടത്തിയ അന്വേഷണത്തില് പ്രതിയുടെ വാഹനത്തെ കുറിച്ച് സൂചന കിട്ടിയതും ആണ് അന്വേഷണത്തില് നിര്ണായകമായി.
ആരെങ്കിലും പ്രതിക്ക് നാട് വിടാന് അടക്കം സഹായം നല്കിയോ എന്നതും പൊലീസ് അന്വേഷിക്കും. ട്രാഫിക് നിയമങ്ങള് ഒന്നും പാലിക്കാതെ ‘കത്തിച്ചുവിട്ട’ ഇര്ഫാനെ സാഹസികമായാണ് ഉഡുപ്പി പൊലീസ് പിടികൂടിയത്. കര്ണാടകയിലെ ഉഡുപ്പിയില്നിന്ന് പിടിയിലായ ഇയാളെ തിങ്കളാഴ്ച രാവിലെ ഏഴരയോടെയാണ് കൊച്ചിയിലെത്തിച്ചത്. തിരുവനന്തപുരത്ത് ഭീമ ജൂവലറി ഉടമയുടെ വീട്ടില്മോഷണം നടത്തിയ കേസിലും ഇയാള് പ്രതിയാണ്.
![](https://mlozaudj56ft.i.optimole.com/w:1373/h:773/q:mauto/f:best/https://malayalam.karavaldaily.com/wp-content/uploads/2024/07/asfhdba65454.jpg)