മാതാവിനെ പ്രഷർ കുക്കറിന്റെ അടപ്പുകൊണ്ട് അടിച്ചു കൊല്ലാൻ ശ്രമിച്ച മകനെ പൊലീസ് അറസ്റ്റ് ചെയ്തു. കോട്ടയം മണർകാട് വടവാതൂർ പോളശ്ശേരി കൊച്ചുപറമ്പിൽ ഹരി കൃഷ്ണൻ ആണ് അറസ്റ്റിലായത്. കുടുംബപ്രശ്നങ്ങളെ തുടർന്നായിരുന്നു അക്രമം എന്ന് പറയുന്നു. പ്രഷർ കുക്കറിന്റെ അടപ്പുകൊണ്ട് മാതാവിനെ തലക്കടിക്കുകയായിരുന്നു. മാതാവിനെ ശാരീരികമായി ഉപദ്രവിച്ചപ്പോൾ രക്ഷപ്പെടാൻ ശ്രമിക്കുമ്പോഴാണ് യുവാവിന്റെ അക്രമം. നാട്ടുകാരുടെ വിവരത്തെ തുടർന്നാണ് പൊലീസ് സ്ഥലത്തെത്തി യുവാവിനെ അറസ്റ്റ് ചെയ്തത്.