കാസര്കോട്: കര്ണാടകയില് നിന്ന് കടത്തുകയായിരുന്ന 35 ലിറ്റര് വിദേശമദ്യം പാണത്തൂരില് രാജപുരം ഇന്സ്പെക്ടറുടെ നേതൃത്വത്തില് പിടികൂടി. ബളാന്തോട് മാച്ചിപ്പള്ളി ബാലന്തോട്ടെ കെ രമേശനെ(35) എസ്.ഐ കൃഷ്ണന് കെ കാളിദാസിന്റെ നേതൃത്വത്തില് അറസ്റ്റുചെയ്തു. തെരഞ്ഞെടുപ്പിന്റെ ഭാഗമായി സംസ്ഥാന അതിര്ത്തിയില് രാത്രി വാഹന പരിശോധനയിലാണ് മദ്യം കടത്തിവരികയായിരുന്ന ഓട്ടോ പൊലീസ് പിടിയിലായത്. പൊലീസ് ഉദ്യോഗസ്ഥരായ ശിവപ്രസ്, പ്രവീണ്, ശ്രീകുമാര്, ഡ്രൈവര് വിനോദ് എന്നിവര് സംഘത്തിലുണ്ടായിരുന്നു.