കാസര്‍കോട്: ദിവസങ്ങളുടെ ഇടവേളയ്ക്കുശേഷം കാസര്‍കോട്ട് വീണ്ടും കുഴല്‍പ്പണ വേട്ട. നഗരത്തിലെത്തിയ യുവാവില്‍ നിന്ന് 15,15000 രൂപ പിടികൂടി. അംഗഡിമുഗര്‍ സ്വദേശി അലങ്കാര്‍ ഹൗസിലെ അബൂബക്കര്‍ ഹുനൈസി(29)ല്‍ നിന്നാണ് പണം പിടികൂടിയത്. സംശയകരമായ സാഹചര്യത്തില്‍ കാസര്‍കോട് ഗീത ജംഗ്ഷനില്‍ കാണപ്പെട്ട ഇയാളെ ടൗണ്‍ പൊലീസ് ദേഹപരിശോധന നടത്തിയപ്പോഴാണ് പണം കണ്ടെത്തിയത്. പണം കോടതിയില്‍ ഹാജരാക്കുമെന്നു പൊലീസ് വൃത്തങ്ങള്‍ പറഞ്ഞു. കഴിഞ്ഞ മാസം 23ന് കാസര്‍കോട് വച്ച് രേഖകളില്ലാത്ത ഏഴരലക്ഷം രൂപയുടെ കുഴല്‍പ്പണവും ഏഴര ലക്ഷം രൂപ മൂല്യം വരുന്ന അമേരിക്കന്‍ ഡോളര്‍, യു.എ.ഇ ദിര്‍ഹം, സൗദി റിയാല്‍, മലേഷ്യന്റിംഗറ്റ് എന്നിവ പിടികൂടിയിരുന്നു. കാസര്‍കോട് ചൗക്കിയിലെ മുഹമ്മദ് (42), മലപ്പുറം, തിരൂരങ്ങാടിയിലെ സൈനുദ്ദീന്‍ (41) എന്നിവരില്‍ നിന്നാണ് റെയില്‍വെ സ്റ്റേഷന്‍ റോഡില്‍ വച്ച് പണം പിടികൂടിയത്. അതേസമയം ലോക്സഭാ തെരഞ്ഞെടുപ്പ് അടുത്ത സാഹചര്യത്തില്‍ വന്‍തോതില്‍ കുഴല്‍പ്പണ വിതരണത്തിനു സാധ്യതയുണ്ടെന്ന് ഇന്റലിജന്‍സ് റിപ്പോര്‍ട്ട് ചെയ്തു. ഇതിന്റെ അടിസ്ഥാനത്തില്‍ വരും ദിവസങ്ങളില്‍ കൂടുതല്‍ പരിശോധനകള്‍ ഉണ്ടാകാനാണ് സാധ്യത.
അവശനിലയില്‍ ആശുപത്രിയില്‍ പ്രവേശിപ്പിക്കപ്പെട്ട ആള്‍ മരണപ്പെട്ടു
Sunday, 8 June 2025, 15:46
