കാസര്‍കോട്: തിരഞ്ഞെടുപ്പ് പ്രഖ്യാപനത്തിനും, സ്ഥാനാര്‍ത്ഥി പ്രഖ്യാപനത്തിനും മുമ്പ് കളം പിടിക്കാന്‍ എന്‍ഡിഎ. തിരെഞ്ഞെടുപ്പ് പ്രചാരണത്തിന്റ മുന്നോടിയായുള്ള ചുമരെഴുത്ത് ആരംഭിച്ചു. അതേസമയം സ്ഥാനാര്‍ത്ഥിയുടെ പേര് ഒഴിച്ചിട്ടാണ് ചുമരെഴുതുന്നത്. കാസര്‍കോട് ലോകസഭയിലെ മുളിയാര്‍ സംഘടന മണ്ഡലത്തിന്റ കീഴിലെ കുറ്റിക്കോല്‍ പുളുവിഞ്ചിയിലാണ് ചുമരെഴുത്തിന് തുടക്കം കുറിച്ചത്. കാസര്‍കോട് പികെ കൃഷ്ണദാസിനാണ് സാധ്യതയെന്നാണ് സൂചന. അതേസമയം മറ്റുചിലരുടെ പേരും പ്രചരിക്കുന്നുണ്ട്. യു.ഡിഎഫും സ്ഥാനാര്‍ഥിയുടെ പേര് രേഖപ്പെടുത്താതെ ഉദുമയില്‍ ചുമരെഴുത്ത് ആരംഭിച്ചിട്ടുണ്ട്.
