മംഗളൂരു: സ്വകാര്യ ബസും ബൈക്കും കൂട്ടിയിടിച്ചു പരിക്കേറ്റ വിദ്യാര്‍ഥി മരിച്ചു. മംഗളൂരു സഹ്യാദ്രി എഞ്ചിനീയറിംഗ് കോളേജിലെ രണ്ടാം വര്‍ഷ വിദ്യാര്‍ത്ഥിയും കാസര്‍കോട് കുംബഡാജെ സ്വദേശിയുമായ ശിവശരണ്‍ ഷെട്ടി (20) ആണ് മരിച്ചത്. വ്യാഴാഴ്ച രാവിലെയായിരുന്നു അപകടം. വീട്ടില്‍ നിന്ന് കോളേജിലേക്ക് പോവുകയായിരുന്ന ശിവശരണ്‍ ഷെട്ടിയുടെ ബൈക്കില്‍ സ്വകാര്യ ബസ് ഇടിക്കുകയായിരുന്നു. ഗുരുതരമായി പരിക്കേറ്റ യുവാവിനെ ഉടന്‍ തന്നെ ആശുപത്രിയില്‍ പ്രവേശിപ്പിച്ചെങ്കിലും വെള്ളിയാഴ്ച രാവിലെ മരിച്ചു. പോസ്റ്റ്‌മോര്‍ട്ടത്തിന് ശേഷം മൃതദേഹം കുംബഡാജെയിലേക്ക് കൊണ്ടുവന്നു. പുരുഷോത്തമ ഷെട്ടിയുടെയും ദേവികയുടെയും മകനാണ്.