കാസർകോട്: കെട്ടിടത്തിന്റെ ടെറസില്‍ കയറി മൊബൈല്‍ ഫോണില്‍ സംസാരിക്കുന്നതിനിടയില്‍ ചെങ്കല്‍ ക്വാറി തൊഴിലാളി താഴെ വീണു മരിച്ചു. സീതാംഗോളിയിലെ ഒരു കെട്ടിടത്തിലെ താമസക്കാരനും ആസാം സ്വദേശിയുമായ ഗറംഷാ ബസ്മതാ (24)ആണ് മരിച്ചത്. ഇന്നലെ രാവിലെയാണ് സംഭവം. മാസങ്ങളായി സീതാംഗോളിയില്‍ താമസിച്ച് ഒരു ചെങ്കല്‍ ക്വാറിയില്‍ ജോലി ചെയ്തു വരികയായിരുന്നു ഗറംഷ. ഗുരുതരമായി പരിക്കേറ്റ ഇയാളെ ആശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാനായില്ല. മൃതദേഹം ജനറല്‍ ആശുപത്രി മോര്‍ച്ചറിയില്‍ സൂക്ഷിച്ചിട്ടുണ്ട്. ആസാമില്‍ നിന്നു ബന്ധുക്കള്‍ എത്തിയശേഷം സംസ്‌ക്കാരം സംബന്ധിച്ച തീരുമാനത്തിലെത്തുകയുള്ളൂവെന്ന് കുമ്പള പൊലീസ് പറഞ്ഞു.
ജിജോഗുഡിയാണ് ഗറംഷായുടെ ഭാര്യ. മൂന്നു വയസുള്ള ഒരു മകളുണ്ട്.
കൊക്കച്ചാൽ ഡബിൾ ഗേറ്റിൽ കൂറ്റൻ കാറ്റാടി മരം വീണു ഗതാഗതം തടസ്സപ്പെട്ടു: കമ്പി പൊട്ടി വൈദ്യുതി വിതരണം നിലച്ചു
Tuesday, 16 July 2024, 20:27
