കാസര്‍കോട്: പേയിളകിയ തെരുവുനായയുടെ ആക്രമണത്തില്‍ കുട്ടിയും സ്ത്രീകളുമടക്കം എട്ടുപേര്‍ക്ക് പരിക്കേറ്റു. കുണ്ടങ്കേരടുക്ക ഹരിജന്‍ കോളനി, വെല്‍ഫെയര്‍ സ്‌കൂള്‍ പരിസരങ്ങളിലുള്ള സുനിത (31), ബ്രിജേഷ് (21), ഹരിശ്രീ (21), സറാസ് (11) തുടങ്ങീ എട്ടുപേര്‍ക്കാണ് പരിക്കേറ്റത്. ഇവരില്‍ സുനിതയുടെ പരിക്ക് സാരമുള്ളതാണ്. ജനറല്‍ ആശുപത്രിയില്‍ പ്രാഥമിക ചികിത്സ തേടിയശേഷം സുനിത മംഗളൂരു വെന്‍ലോക് ആശുപത്രിയില്‍ ചികിത്സ തേടി. ഇഞ്ചക്ഷന്‍ നല്‍കിയശേഷം മുറിവുകളില്‍ മരുന്നുവെച്ചു കെട്ടാന്‍ പോലും തയ്യാറാകാതെ വീട്ടിലേയ്ക്കു പറഞ്ഞു വിട്ടതായി സുനിത പരാതിപ്പെട്ടു. ഈ വിവരമറിഞ്ഞ എ.കെ..എം അഷ്റഫ് എം.എല്‍.എ.യുടെ നിര്‍ദ്ദേശപ്രകാരം സുനിതയെ ഇന്ന് ഉച്ചയോടെ ആംബുലന്‍സില്‍ കയറ്റി പരിയാരം മെഡിക്കല്‍ കോളേജ് ആശുപത്രിയിലേക്ക് കൊണ്ടുപോയി. ഞായറാഴ്ച വൈകുന്നേരമാണ് പേ പിടിച്ച തെരുവു നായ കണ്ണില്‍ കണ്ടവരെയൊക്കെ കടിച്ചു കീറിയത്. നായയെ പിന്നീട് നാട്ടുകാര്‍ തല്ലിക്കൊന്നു.
ചന്തേരയില്‍ വന്ദേഭാരത് എക്‌സ്പ്രസ് തട്ടി വയോധികന്‍ മരിച്ചു
Wednesday, 4 June 2025, 17:48
