കോഴിക്കോട് : കരിപ്പൂർ വിമാനത്താവളം വഴി കടത്തിയ 1 കിലോയിലേറെ സ്വർണ്ണം എയർ കസ്റ്റംസ് പിടികൂടി. കഴിഞ്ഞ ദിവസം മസ്‌കറ്റിൽ നിന്ന് ഐഎക്‌സ് 340- വിമാനത്തിൽ എത്തിയ കോഴിക്കോട് സ്വദേശിയായ  ഇർഫാനുൽ ഫാരിസ് (23 ) എന്ന യാത്രക്കാരനിൽ നിന്നാണ് മിശ്രിത രൂപത്തിൽ കടത്തുകയായിരുന്ന സ്വർണ്ണം കസ്റ്റംസ് ഉദ്യോഗസ്ഥർ പിടികൂടിയത്.മലാശയത്തിൽ ഒളിപ്പിച്ച നിലയിലുണ്ടായിരുന്ന  1134 ഗ്രാം ഭാരമുള്ള 04 ക്യാപ്സ്യൂളുകളാണ്   കണ്ടെടുത്തത്. പിടിച്ചെടുത്ത സ്വർണ്ണത്തിന് ഏകദേശ മൂല്യം 62 ലക്ഷം രൂപയിലേറെ വരുമെന്ന് കസ്റ്റംസ് അറിയിച്ചു.ഇയാൾക്കെതിരെ കേസ്സെടുത്തിട്ടുണ്ട്.