ഏഷ്യൻ ഗെയിംസിൽ 100 മെഡലെന്ന സ്വപ്നത്തിനരികെ ഇന്ത്യ;പുരുഷ ഹോക്കിയിൽ ജപ്പാനെ തകർത്ത് സ്വർണ്ണം; മെഡലുകൾ വാരികൂട്ടി ഇന്ത്യൻ ജൈത്രയാത്ര

ഹാങ്ചൗ:ഏഷ്യൻ ഗെയിംസിൽ മെഡലുകൾ വാരിക്കൂട്ടി ഇന്ത്യ. 100 മെഡലുകൾ എന്ന ചരിത്ര നേട്ടത്തിനരികെയാണ് രാജ്യം.ഹോക്കിയിൽ ജപ്പാനെ പരാജയപ്പെടുത്തി സ്വർണ്ണം നേടിയതോടെ ഇന്ത്യയുടെ ആകെ മെഡലുകളുടെ എണ്ണം 95 ആയി. 22 സ്വ‍ർണ്ണം 34 വെള്ളി, 39 വെങ്കലം എന്നിങ്ങനെയാണ് ഇന്ത്യയുടെ മെഡൽ നില. മെഡൽ പട്ടികയിൽ ഇന്ത്യ നാലാം സ്ഥാനത്ത് തുടരുകയാണ്. ചൈനയാണ് ഒന്നാമത്.ഏഷ്യൻ ഗെയിംസ് സ്വർണ്ണത്തോടെ ഇന്ത്യൻ ഹോക്കി ടീം പാരീസ് ഒളിംമ്പിക്സിന് യോഗ്യത നേടി.ഒന്നിനെതിരെ അഞ്ച് ഗോളിന് ആധികാരികമായി ആയിരുന്നു ഹോക്കി ടീം ജപ്പാനെ ഫൈനലിൽ പരാജയപ്പെടുത്തിയത്.മലയാളി താരം ശ്രീജേഷും ഇന്ത്യൻ വിജയത്തിൽ നിർണായക പങ്ക് വഹിച്ചു.ഏഷ്യൻ ഗെയിംസ് അവസാനിക്കാൻ 3 ദിവസം ശേഷിക്കെ നിരവധി മത്സരങ്ങളുടെ ഫൈനലിൽ ഇന്ത്യ എത്തിയിട്ടുണ്ട്.അതുകൊണ്ട് തന്നെ 100 മെഡൽ എന്ന സ്വപ്നനേട്ടം ഇക്കുറി ഉണ്ടാകുമെന്ന് ഉറപ്പാണ്.പുരുഷന്മാരുടെ അമ്പെയ്ത്തിൽ ടീം ഇനത്തിൽ ഇന്ത്യ ഇന്ന് വെള്ളി നേടിയിരുന്നു.കബഡിയിൽ ഇന്ത്യൻ പുരുഷ, വനിതാ ടീമുകൾ ഫൈനലിൽ എത്തിയിട്ടുണ്ട്.

Subscribe
Notify of
guest
0 Comments
Oldest
Newest Most Voted
Inline Feedbacks
View all comments
RELATED NEWS
കരിന്തളം, വടക്കന്‍ പുലിയന്നൂരില്‍ വീട്ടമ്മ ജീവനൊടുക്കിയത് ദേഹത്ത് മണ്ണെണ്ണ ഒഴിച്ച് തീകൊളുത്തി; നാടിനെ ഞെട്ടിച്ച സംഭവത്തിനു പിന്നിലെ കാരണം അവ്യക്തം, നീലേശ്വരം പൊലീസ് അന്വേഷണം തുടങ്ങി

You cannot copy content of this page