ബേക്കല്‍ ബീച്ച് ഫെസ്റ്റ്: മുന്‍ എംഎല്‍എ സിഎച്ച് കുഞ്ഞമ്പു ലക്ഷങ്ങള്‍ തട്ടി; പിണറായി സര്‍ക്കാര്‍ ചേര്‍ത്തുപിടിച്ചു: യൂത്ത് ലീഗ്
കാസര്‍കോട്: ബേക്കല്‍ ബീച്ച് ഫെസ്റ്റിവല്‍ നടത്തിപ്പില്‍ അടിമുടി അഴിമതിയായിരുന്നുവെന്ന് യൂത്ത് ലീഗ് ഭാരവാഹികള്‍ വാര്‍ത്താസമ്മേളനത്തില്‍ ആരോപിച്ചു.അഴിമതിയെക്കുറിച്ച് സമഗ്ര അന്വേഷണം നടത്തണമെന്നാവശ്യപ്പെട്ട് അന്നത്തെ മുഖ്യമന്ത്രിക്ക് നല്‍കിയ നിവേദനത്തെത്തുടര്‍ന്ന് നടത്തിയ അന്വേഷണത്തിന്റെ റിപ്പോര്‍ട്ട് പിണറായി സര്‍ക്കാര്‍ പൂഴ്ത്തി വച്ചതായി യൂത്ത് ലീഗ് ജില്ലാ ട്രഷറര്‍ ടി.കെ ഹസീബ്, ഉദുമ മണ്ഡലം സെക്രട്ടറിമാരായ തന്‍സീര്‍, ജൗഹര്‍ എന്നിവര്‍ ആരോപിച്ചു.ടിക്കറ്റ് വില്‍പ്പന, ചെലവുകള്‍ തുടങ്ങി എല്ലാ ഇനത്തിലും പകല്‍ക്കൊള്ളയായിരുന്നെന്ന് അവര്‍ പറഞ്ഞു.ഒരേ ഫെസ്റ്റിന്റെ ടിക്കറ്റ് വില്‍പ്പന വരുമാനം അഞ്ചു രേഖകളില്‍ അഞ്ചു തരത്തിലാണ് …
