Author: WEB EDITOR

കാസര്‍കോട്: കാഞ്ഞങ്ങാട്, ചെമ്മട്ടംവയലില്‍ പ്രവര്‍ത്തിക്കുന്ന ജില്ലാആശുപത്രിയില്‍ താല്‍ക്കാലിക സെക്യൂരിറ്റി കം ഡ്രൈവറെ കൊല്ലുമെന്ന് ഭീഷണിപ്പെടുത്തുകയും തള്ളിയിടാന്‍ ശ്രമിക്കുകയും ചെയ്തതായി പരാതി. അജാനൂര്‍, ഇട്ടമ്മല്‍, കുശാല്‍ നഗറിലെ രാജീവന്റെ പരാതിയില്‍ പുല്ലൂര്‍-പെരിയ പഞ്ചായത്ത് പ്രസിഡണ്ട് സി.കെ. അരവിന്ദാക്ഷനെതിരെ ഹൊസ്ദുര്‍ഗ്ഗ് പൊലീസ് കേസെടുത്തു. ചൊവ്വാഴ്ച രാത്രി ഒന്‍പതു മണിയോടെയാണ് കേസിനാസ്പദമായ സംഭവം. അത്യാഹിത വിഭാഗത്തില്‍ സെക്യൂരിറ്റിയായി ജോലി ചെയ്യുകയായിരുന്നു പരാതിക്കാരന്‍. ഈ സമയത്ത് എത്തിയ സി.കെ. അരവിന്ദാക്ഷന്‍ അനുമതി ഇല്ലാതെ അകത്തു കടക്കാന്‍ ശ്രമിച്ചത് ചോദ്യം ചെയ്തപ്പോഴാണ് ഭീഷണിപ്പെടുത്തിയതെന്ന് ഹൊസ്ദുര്‍ഗ്ഗ് …

Read more “ജില്ലാ ആശുപത്രി ജീവനക്കാരനെ ഭീഷണിപ്പെടുത്തിയതായി പരാതി; പുല്ലൂര്‍ പെരിയ പഞ്ചായത്ത് പ്രസിഡണ്ടിനെതിരെ കേസ്”

കാസര്‍കോട്: കോയമ്പത്തൂര്‍-കണ്ണൂര്‍, ഷൊര്‍ണൂര്‍-കണ്ണൂര്‍ ട്രെയിനുകള്‍ മംഗലാപുരം വരെ നീട്ടുന്ന കാര്യം പരിഗണിക്കുമെന്നു റെയില്‍വെ ഡിവിഷണല്‍ മാനേജര്‍ മധുകര്‍ റോട്ട് കാസര്‍കോട്ട് പറഞ്ഞു. പാസഞ്ചേഴ്‌സ് അസോസിയേഷന്‍ നല്‍കിയ നിവേദനത്തിനു മറുപടി പറയുകയായിരുന്നു അദ്ദേഹം.പരശുരാം എക്‌സ്പ്രസ് കോഴിക്കോട് ഒരു മണിക്കൂര്‍ വെറുതെ പിടിച്ചിടുന്നത് ഒഴിവാക്കണം. വൈകിട്ട് ഏഴര കഴിഞ്ഞാല്‍ കാസര്‍കോട്ടു നിന്നു ഷൊര്‍ണൂരിലേക്കു ട്രെയിനില്ലാത്ത അവസ്ഥയാണ്.കണ്ണൂരില്‍ നിര്‍ത്തിയിടുന്ന 11 ട്രെയിനുകളില്‍ രണ്ടെണ്ണം മഞ്ചേശ്വരം വരെ പോയി മടങ്ങാനുളള സംവിധാനമേര്‍പ്പെടുത്തണമെന്നും പാസഞ്ചര്‍ അസോസിയേഷന്‍ ആവശ്യപ്പെട്ടു.കാസര്‍കോട് റെയില്‍വേ പൊലീസ് സ്റ്റേഷന്‍ കെട്ടിടത്തിന്റെയും ഓട്ടോ …

Read more “ഷൊര്‍ണൂര്‍-കണ്ണൂര്‍, കോയമ്പത്തൂര്‍-കണ്ണൂര്‍ ട്രെയിനുകള്‍ മംഗലാപുരം വരെ നീട്ടുന്നതു പരിഗണനയിലെന്നു റയില്‍വേ ഡിവിഷണല്‍ മാനേജര്‍; പാസഞ്ചേഴ്‌സ് അസോസിയേഷനെ ചര്‍ച്ചക്കു ക്ഷണിച്ചു”

കാസര്‍കോട്: ചെങ്കള, നാലാം മൈലില്‍ വീട് കുത്തിത്തുറന്ന് 15 പവന്‍ സ്വര്‍ണ്ണവും അര ലക്ഷം രൂപയും കവര്‍ന്നു. കെ.എ. സത്താറിന്റെ റൗസാത്ത് മന്‍സിലിലാണ് ബുധനാഴ്ച കവര്‍ച്ച നടന്നത്. സത്താറും കുടുംബവും വീടുപൂട്ടി ചൂരിയിലുള്ള സഹോദരന്റെ വീട്ടില്‍ പോയതായിരുന്നു. വൈകുന്നേരം തിരിച്ചെത്തിയപ്പോഴാണ് കവര്‍ച്ച നടന്ന വിവരം അറിഞ്ഞത്. മുന്‍ഭാഗത്തെ വാതിലിന്റെ പൂട്ട് തകര്‍ത്ത് അകത്തു കടന്ന മോഷ്ടാക്കള്‍ അലമാരകള്‍ കുത്തിത്തുറന്നാണ് സ്വര്‍ണ്ണവും പണവും കൈക്കലാക്കിയത്. സംഭവത്തില്‍ വിദ്യാനഗര്‍ പൊലീസ് കേസെടുത്ത് അന്വേഷണം തുടങ്ങി.

കാസര്‍കോട്: 15നു കാസര്‍കോട് മുനിസിപ്പല്‍ സ്റ്റേഡിയത്തില്‍ നടക്കുന്ന സ്വാതന്ത്ര്യ ദിനാഘോഷത്തില്‍ മന്ത്രി കെ കൃഷ്ണന്‍കുട്ടി ദേശീയ പതാക ഉയര്‍ത്തും. പൊലീസ് വിഭാഗങ്ങളും എന്‍.സി.സി സ്‌കൗട്ട് യൂണിറ്റുകളും നടത്തുന്ന സ്വാതന്ത്ര്യ ദിന പരേഡിനെ മന്ത്രി അഭിവാദ്യം ചെയ്യും.തിരുവനന്തപുരത്തു മുഖ്യമന്ത്രി പിണറായി വിജയനും കൊല്ലത്തു മന്ത്രി വി. ശിവന്‍ കുട്ടിയും പത്തനംതിട്ടയില്‍ മന്ത്രി വീണ ജോര്‍ജും ആലപ്പുഴയില്‍ മന്ത്രി സി.ജി ചെറിയാനും കോട്ടയത്തു മന്ത്രി ജെ ചിഞ്ചുറാണിയും ഇടുക്കിയില്‍ മന്ത്രി അഗസ്റ്റിനും എറണാകുളത്തു മന്ത്രി പി. രാജീവും തൃശൂരില്‍ മന്ത്രി …

Read more “സ്വാതന്ത്ര്യദിനാഘോഷം: കാസര്‍കോട്ട് മന്ത്രി കെ. കൃഷ്ണന്‍ കുട്ടി ദേശീയ പതാക ഉയര്‍ത്തും”

കാസര്‍കോട്: ക്ലാസില്‍ അധ്യാപകര്‍ ചോദിക്കുന്ന ചോദ്യങ്ങള്‍ക്കെല്ലാം ഉത്തരം നല്‍കുന്നതിലെ വിരോധം മൂലമാണെന്നു പറയുന്നു പ്ലസ് വണ്‍ വിദ്യാര്‍ത്ഥിക്കു വധഭീഷണിയും മര്‍ദ്ദനവും. പനയാല്‍, പാക്കം സ്വദേശിയായ 16കാരന്റെ പരാതി പ്രകാരം അംബേദ്കര്‍ സ്‌കൂളിലെ വിദ്യാര്‍ത്ഥിയായ 18കാരനെതിരെയാണ് പൊലീസ് കേസെടുത്തത്. ജുലൈ 30ന് ആണ് കേസിനാസ്പദമായ സംഭവം. സ്‌കൂള്‍ വരാന്തയില്‍ വച്ച് തടഞ്ഞു നിര്‍ത്തി കൈ കൊണ്ട് മുഖത്തടിക്കുകയും തള്ളിയിടുകയും കൊല്ലുമെന്നു ഭീഷണിപ്പെടുത്തിയതായും പരാതിയില്‍ പറഞ്ഞു.

കാസര്‍കോട്: കാന്റീന്‍ വരാന്തയില്‍ നില്‍ക്കുകയായിരുന്ന സീനിയര്‍ വിദ്യാര്‍ത്ഥികളെ ഗൗനിച്ചില്ലെന്നു ആരോപിച്ച് ജൂനിയര്‍ വിദ്യാര്‍ത്ഥികളെ മര്‍ദ്ദിച്ചതായി പരാതി. സംഭവത്തില്‍ 15 സീനിയര്‍ വിദ്യാര്‍ത്ഥികള്‍ക്കെതിരെ കാസര്‍കോട് പൊലീസ് കേസെടുത്തു.ഒന്നാം വര്‍ഷ ബിരുദ വിദ്യാര്‍ത്ഥിയായ മലപ്പുറം, മാറഞ്ചേരി പള്ളിപ്പടി, പുറങ്ങ്, ഓലങ്കാട് വീട്ടില്‍ ഒ.എം സാഹിദും (19) സുഹൃത്തുക്കളുമാണ് അക്രമത്തിനു ഇരയായത്. സാഹിദിന്റെ പരാതിയില്‍ സീനിയര്‍ വിദ്യാര്‍ത്ഥികളായ സവാദ്, ഗസ്‌വാന്‍, സുനൈബ്, അലി, അജ്മല്‍ എന്നിവര്‍ക്കും കണ്ടാലറിയാവുന്ന 10 പേര്‍ക്കുമെതിരെ ടൗണ്‍ പൊലീസ് കേസെടുത്തു.

കാസര്‍കോട്: നാലു മാസം മാത്രം പ്രായമുള്ള കൈക്കുഞ്ഞിന്റെ മാതാവായ യുവതിയെ ക്രൂരമായി മര്‍ദ്ദിക്കുകയും മാനസികമായും ശാരീരികമായും പീഡിപ്പിക്കുകയും ചെയ്തുവെന്ന പരാതിയില്‍ കുമ്പള പൊലീസ് രണ്ട് കേസുകള്‍ രജിസ്റ്റര്‍ ചെയ്തു. കോയിപ്പാടി, പെര്‍വാഡ് കടപ്പുറത്തെ 20കാരിയുടെ പരാതി പ്രകാരമാണ് കേസ്. ഭര്‍ത്താവ് പെര്‍വാഡ്, കടപ്പുറത്തെ ഫിറോസ്, വീട്ടുകാരായ അബ്ദുല്‍ റഹ്‌മാന്‍, നബീസ എന്നിവര്‍ക്കെതിരെയാണ് കുമ്പള പൊലീസ് കേസെടുത്തത്. 2024 ഏപ്രില്‍ 21ന് ആണ് യുവതിയും ഒന്നാം പ്രതിയായ ഫിറോസും തമ്മിലുള്ള വിവാഹം മതാചാര പ്രകാരം നടന്നത്. 2025 മാര്‍ച്ച് …

Read more “ഭര്‍തൃവീട്ടില്‍ കൊടിയ പീഡനം; സ്വന്തം വീട്ടില്‍ അഭയം തേടി എത്തിയ യുവതിയെ പിതാവ് ക്രൂരമായി മര്‍ദ്ദിച്ചു, ജീവനൊടുക്കാന്‍ ഇറങ്ങിത്തിരിച്ച യുവതിയെ നാട്ടുകാര്‍ രക്ഷിച്ചു, പൊലീസെത്തി ‘സഖി’യിലേക്ക് മാറ്റി, കുമ്പള പൊലീസ് രണ്ട് കേസുകള്‍ രജിസ്റ്റര്‍ ചെയ്തു”

കാസര്‍കോട്: സംസ്ഥാന പൊലീസ് മേധാവിയായി സ്ഥാനമേറ്റ ശേഷം ഡിജിപി റവാഡ ചന്ദ്രശേഖര്‍ ആദ്യമായി കാസര്‍കോട്ടെത്തി. ചൊവ്വാഴ്ച വൈകുന്നേരം എത്തിയ അദ്ദേഹം പുലിക്കുന്നിലെ സര്‍ക്കാര്‍ ഗസ്റ്റ് ഹൗസിലാണ് താമസിച്ചത്. ബുധനാഴ്ച ജില്ലാ പൊലീസ് ആസ്ഥാനത്ത് കാസര്‍കോട് ജില്ലയിലെ ഡിവൈ.എസ്.പിമാര്‍ തൊട്ടുമുകളിലുള്ള ഉദ്യോഗസ്ഥരുടെ യോഗത്തില്‍ പങ്കെടുക്കാനാണ് ഡിജിപി എത്തിയത്. ത്രിതല പഞ്ചായത്തു തിരഞ്ഞെടുപ്പ് അടുത്തിരിക്കുന്ന സാഹചര്യത്തില്‍ ക്രമസമാധാന പാലനത്തിനു മുന്‍തൂക്കം നല്‍കണമെന്ന നിര്‍ദ്ദേശം ഡിജിപി മുന്നോട്ടു വയ്ക്കുമെന്നാണ് സൂചന. ജില്ലയില്‍ പിടിമുറുക്കിയിട്ടുള്ള മയക്കുമരുന്ന്-മണല്‍ മാഫിയകളെ അടിച്ചമര്‍ത്താനുള്ള കര്‍ശന നിര്‍ദ്ദേശവും ഡിജിപി …

Read more “കാസര്‍കോട്ട് ഡിജിപിയുടെ നേതൃത്വത്തില്‍ പൊലീസ് ഉദ്യോഗസ്ഥരുടെ ഉന്നതതല യോഗം; മയക്കുമരുന്ന്-മണല്‍ കടത്ത് സംഘങ്ങള്‍ക്കെതിരെ കനത്ത നടപടിക്ക് നിര്‍ദ്ദേശം ഉണ്ടായേക്കുമെന്ന് സൂചന”