മുഷ്താഖ് അലി ട്രോഫി ടൂര്ണമെന്റ് ടീമിലേക്ക് പരിഗണിച്ചില്ല; കോച്ചിനെ ബാറ്റുകൊണ്ട് ആക്രമിച്ച് പരിക്കേല്പ്പിച്ച് യുവതാരങ്ങള്; നെറ്റിയില് 20 തുന്നലുകള്
പോണ്ടിച്ചേരി: മുഷ്താഖ് അലി ട്രോഫി ടി20 ടൂര്ണമെന്റിനുള്ള ടീമിലേക്ക് പരിഗണിക്കാത്തതിലുള്ള വിരോധത്തില് കോച്ചിന് നേരെ യുവതാരങ്ങളുടെ ആക്രമണം. പോണ്ടിച്ചേരി അണ്ടര് 19 ടീം പരിശീലകനായ എസ് വെങ്കട്ടരമണനെയാണ് മൂന്ന് യുവതാരങ്ങള് ചേര്ന്ന് ഗ്രൗണ്ടില്വെച്ച് ബാറ്റുകൊണ്ട് ക്രൂരമായി ആക്രമിച്ചത്. ആക്രമണത്തില് ഗുരുതരമായി പരിക്കേറ്റ വെങ്കട്ടരമണയുടെ നെറ്റിയില് 20 തുന്നല് വേണ്ടിവന്നു. ഇന്ഡോര് നെറ്റ്സില് തിങ്കളാഴ്ച രാവിലെ 11 മണിയോടെ നടന്ന സംഭവം ഇപ്പോഴാണ് പുറത്തുവന്നത്. വെങ്കട്ടരമണയുടെ തോളെല്ലിനും വാരിയെല്ലിനും പൊട്ടലേറ്റതായി ഇന്ത്യന് എക്സപ്രസ് റിപ്പോര്ട്ട് ചെയ്തു. സംഭവത്തില് കാര്ത്തികേയന്, …
