എന്മകജെ പഞ്ചായത്ത് ലീഗ് ഭാരവാഹികളുടെ രാജി മണ്ഡലം കമ്മിറ്റി നിരസിച്ചു; വിവാദങ്ങള് വിരാമമില്ലാതെ
കാസര്കോട്: എന്മകജെ പഞ്ചായത്ത് മുസ്ലിം ലീഗ് ഭാരവാഹികളുടെ രാജി മണ്ഡലം ലീഗ് കമ്മിറ്റി നിരസിച്ചു.നിയമസഭാ തിരഞ്ഞെടുപ്പ് അടുത്തുകൊണ്ടിരിക്കെ വിവാദങ്ങളില് നിന്നു വിട്ടുനില്ക്കാനും സംഘടനാ പ്രവര്ത്തനം സജീവമാക്കാനും പാര്ട്ടി നേതൃത്വം പഞ്ചായത്ത് ഭാരവാഹികളോടും പ്രവര്ത്തകരോടും നിര്ദ്ദേശിച്ചു.പതിനെട്ടംഗ പഞ്ചായത്ത് ബോഡില് കോണ്ഗ്രസിനും മുസ്ലിം ലീഗിനും നാലു വീതം അംഗങ്ങളാണുള്ളത്. ഇതിനെ തുടര്ന്നു പഞ്ചായത്ത് പ്രസിഡണ്ട് സ്ഥാനത്തിന് ലീഗ് അവകാശവാദമുന്നയിച്ചിരുന്നു. എന്നാല് തല്സ്ഥാനം വിട്ടു നല്കാനാവില്ലെന്നും മുന് കാലങ്ങളിലെപ്പോലെ വൈസ് പ്രസിഡന്റ് സ്ഥാനം നല്കാമെന്നുമായിരുന്നു കോണ്ഗ്രസിന്റെ പ്രതികരണം. എന്നാല് വൈസ് പ്രസിഡന്റ് …
