Author: WEB EDITOR

തിരുവനന്തപുരം: സംസ്ഥാനത്തെ പോളിടെക്നിക് കോളജുകളിൽ നാളെ കെ.എസ്.യു വിദ്യാഭ്യാസ ബന്ദ് ആഹ്വാനം ചെയ്തു. അടൂരിൽ നടന്ന ഇന്റർപോളി കലോത്സവത്തിൽ കെ.എസ്.യു പ്രവർത്തകർക്കു നേരെ എസ്എഫ്ഐ നടത്തിയ ആക്രമണത്തിൽ പ്രതിഷേധിച്ചാണ് ബന്ദെന്ന് സംസ്ഥാന കമ്മിറ്റി അറിയിച്ചു. കലാലയങ്ങളെ കലാപശാലകളാക്കാനാണ് എസ്. എഫ്. ഐ. ശ്രമം – കെ. എസ്.യു. ആരോപിച്ചു.

കൊല്ലം: ഓടിക്കൊണ്ടിരുന്ന കെഎസ്ആർടിസി ബസിനു തീപിടിച്ചു. കൊല്ലം അഞ്ചലിലാണ് സംഭവം. തിരുവനന്തപുരത്തു നിന്ന് മുണ്ടക്കയത്തേക്ക് പോയ ബസിലാണ് ഡീസൽ ചോർന്ന് തീപിടിച്ചത്. പിന്നിൽ സഞ്ചരിക്കുകയായിരുന്ന ബൈക്ക് യാത്രക്കാരാണ് ബസിൽ തീപടരുന്നത് കണ്ടത്. ഇവർ അറിയിച്ചതോടെ ബസ് നിർത്തി യാത്രക്കാരെ മുഴുവൻ പുറത്തിറക്കി. അഗ്നിരക്ഷാസേനയും നാട്ടുകാരും ചേർന്ന് തീയണച്ചു.

തിരുവനന്തപുരം: തൃണമൂൽ കോൺഗ്രസ് പുറത്താക്കിയ എൻ.കെ. സുധീർ ബിജെപിയിൽ ചേർന്നു. കേന്ദ്ര ആഭ്യന്തരമന്ത്രി അമിത് ഷായുടെ സാന്നിധ്യത്തിലാണ് സുധീർ ബിജെപി അംഗത്വം സ്വീകരിച്ചത്. ബിജെപി സംസ്ഥാന പ്രസിഡന്റ് രാജീവ് ചന്ദ്രശേഖർ, ബിഡിജെഎസ് അധ്യക്ഷൻ തുഷാർ വെള്ളാപ്പള്ളി എന്നിവരും ചടങ്ങിൽ പങ്കെടുത്തു. നേരത്തേ പാർട്ടിവിരുദ്ധ പ്രവർത്തനങ്ങൾ നടത്തിയതിനാണ് സുധീറിനെ 3 വർഷത്തേക്ക് സംസ്ഥാന കൺവീനർ പി.വി. അൻവർ തൃണമൂലിൽ നിന്നു പുറത്താക്കിയത്. ബിജെപിയുമായി ചർച്ച നടത്തിയെന്നു ചൂണ്ടിക്കാട്ടിയായിരുന്നു ഇത്. കോൺഗ്രസ് നേതാവായിരുന്ന സുധീർ ചേലക്കര നിയമസഭാ ഉപതിരഞ്ഞെടുപ്പിൽ സ്ഥാനാർഥിത്വം …

Read more “പി.വി. അൻവർ തൃണമൂൽ കോൺഗ്രസിൽ നിന്നു പുറത്താക്കിയ എൻ.കെ. സുധീർ ബിജെപിയിൽ ചേർന്നു”

പാലക്കാട് : പാലക്കാട് ജില്ലയിൽ രണ്ടാമതും നിപ രോഗം കണ്ടെത്തിയ സാഹചര്യത്തില്‍ 6 ജില്ലകളിലെ ആശുപത്രികള്‍ക്ക് ജാഗ്രതാ നിര്‍ദേശം നല്‍കിയതായി മന്ത്രി വീണാ ജോര്‍ജ് അറിയിച്ചു. പാലക്കാട് , മലപ്പുറം, കോഴിക്കോട്, കണ്ണൂർ, വയനാട്, തൃശൂർ ജില്ലകളിലെ ആശുപത്രികള്‍ക്കാണ് പ്രത്യേക ജാഗ്രത നിർദേശം നൽകിയത്. നിപ ലക്ഷണങ്ങളോട് കൂടിയ പനി, മസ്തിഷ്ക ജ്വരം എന്നിവ ഉണ്ടെങ്കിൽ റിപ്പോര്‍ട്ട് ചെയ്യണമെന്നാണ് നിര്‍ദേശം.

കൊച്ചി: യെമനിലെ ജയിലിൽ കഴിയുന്ന മലയാളി നഴ്സ് നിമിഷ പ്രിയയുടെ വധശിക്ഷ മാറ്റിവയ്ക്കണമെന്ന് ആവശ്യപ്പെട്ട് അമ്മ പ്രേമകുമാരി യെമൻ സർക്കാരിന് അപേക്ഷ നൽകി. ജൂലൈ 16ന് വധശിക്ഷ നടപ്പിലാക്കാൻ തീരുമാനിച്ച സാഹചര്യത്തിലാണ് നടപടി. കൊല്ലപ്പെട്ട യെമൻ പൗരൻ തലാൽ അബു മഹ്ദിയുടെ കുടുംബവുമായി ബ്ലഡ് മണി സംബന്ധിച്ച് സമവായത്തിൽ എത്താനാകുമെന്നാണ് കുടുംബവും ആക്ഷൻ കൗൺസിലും പ്രതീക്ഷിക്കുന്നത്. 8 കോടി രൂപയാണ് തലാലിന്റെ കുടുംബം ആവശ്യപ്പെട്ടിട്ടുള്ളത്,അതിനിടെ നിമിഷപ്രിയയെ രക്ഷപ്പെടുത്താൻ ഇടപെടണമെന്ന് ആവശ്യപ്പെട്ട് ആക്ഷൻ കൗൺസിൽ സുപ്രീംകോടതിയിൽ നൽകിയ ഹർജിയിൽ …

Read more “നിമിഷപ്രിയയുടെ വധശിക്ഷ മാറ്റിവയ്ക്കണം : യെമൻ സർക്കാരിന് അപേക്ഷ നൽകി അമ്മ”

തിരുവനന്തപുരം: വിശേഷപ്പെട്ട ഗുണങ്ങളുള്ള ആരോഗ്യപ്പച്ചയെ ലോകത്തിനു പരിചയപ്പെടുത്തിയ കല്ലാർ മൊട്ടമൂട് ആദിവാസി ഊരിലെ മൂപ്പൻ മല്ലൻ കാണി(112) അന്തരിച്ചു. പ്രാചീന ഗോത്ര സംസ്കാരത്തിന്റെ ഉടമകളായ കാണിക്കാർ കണ്ടെത്തിയ ആരോഗ്യപ്പച്ചയെ പാലോട് ബൊട്ടാണിക്കൽ ഗാർഡനിലെ ഗവേഷകർക്ക് പരിചയപ്പെടുത്തിയത് മല്ലൻ കാണിയായിരുന്നു. 1987ലാണ് കോട്ടൂർ ചോനാംപാറ കോളനിയിലെ കുട്ടിമാത്തൻ കാണിയും മല്ലൻ കാണിയും സസ്യത്തെ ഗവേഷകർക്ക് പരിചയപ്പെടുത്തിയത്. ഇതോടെ രാജ്യാന്തര തലത്തിൽ ആരോഗ്യപ്പച്ച ശ്രദ്ധ നേടി. മിറക്കിൾ ഹെർബ്ബ് എന്ന പേരിൽ ടൈംമാഗസീൻ ആരോഗ്യപ്പച്ചയെക്കുറിച്ച് കവർസ്റ്റോറി നൽകിയിരുന്നു. ഭൗമ ഉച്ചകോടിയിലും …

Read more “നാട്ടു വൈദ്യൻ 112ാം വയസ്സിൽ അന്തരിച്ചു”

കൊച്ചി : പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ കോതമംഗലം നഗരസഭയിലെ സിപിഎം കൗൺസിലറെ പൊലീസ് അറസ്റ്റ് ചെയ്തു. ആരോഗ്യ സ്റ്റാൻഡിങ് കമ്മിറ്റി ചെയർമാൻ കൂടിയായ കെ.വി. തോമസാണ് പിടിയിലായത്. തോമസ് പീഡിപ്പിച്ചതായി പെൺകുട്ടി നൽകിയ മൊഴിയുടെ അടിസ്ഥാനത്തിൽ പൊലീസ് പോക്സോ കേസെടുക്കുകയായിരുന്നു.തോമസിനെ പാർട്ടിയുടെ പ്രാഥമികാംഗത്വത്തിൽ നിന്നു പുറത്താക്കിയതായി സിപിഎം അറിയിച്ചു. കൗൺസിലർ സ്ഥാനം രാജിവയ്ക്കാൻ ആവശ്യപ്പെട്ടതായി സിപിഎം കോതമംലം ഏരിയ സെക്രട്ടറിയും വ്യക്തമാക്കി.

കണ്ണൂർ: വളപട്ടണം റെയിൽവേ സ്റ്റേഷനു സമീപം വീണ്ടും ട്രാക്കിൽ കല്ല് കണ്ടെത്തി. വളപട്ടണം, കണ്ണപ്പുരം സ്റ്റേഷനുകൾക്ക് ഇടയിലാണ് സംഭവം. വന്ദേഭാരത് കടന്നു പോകേണ്ട ട്രാക്കിലാണ് കല്ല് കണ്ടെത്തിയത്. ഇതുമായി ബന്ധമുണ്ടെന്ന സംശയത്തിൽ പ്രായപൂർത്തിയാകാത്ത 2 പേരെ പൊലീസ് കസ്റ്റഡിയിലെടുത്തു. അട്ടിമറി ശ്രമമുണ്ടോയെന്ന് പരിശോധിച്ചു വരികയാണ്.കഴിഞ്ഞ ദിവസം വളപ്പട്ടണം റെയിൽവേ സ്റ്റേഷനു സമീപം ട്രാക്കിൽ കോൺക്രീറ്റ് സ്ലാബ് കണ്ടെത്തിയിരുന്നു. ഭാവ്നഗർ-കൊച്ചുവേളി എക്സ്പ്രസ് കടന്നു പോകുന്നതിനിടെയാണ് സ്ലാബ് ലോക്കോ പൈലറ്റിന്റെ ശ്രദ്ധയിൽപെട്ടത്. കൃത്യസമയത്ത് ട്രെയിൻ നിർത്താനായതോടെയാണ് അപകടം ഒഴിവായത്. സംഭവത്തിൽ …

Read more “വളപട്ടണം റെയിൽവേ സ്റ്റേഷനിലെ ട്രാക്കിൽ വീണ്ടും കല്ല്; കണ്ടെത്തിയത് വന്ദേഭാരത് കടന്നു പോകേണ്ട ട്രാക്കിൽ, 2 പേർ കസ്റ്റഡിയിൽ”