Author: WEB EDITOR

കാസര്‍കോട്:എന്‍.ജി.ഒ. അസോസിയേഷന്‍ നവജീവനയാത്ര കാസര്‍കോട്ടു നിന്നു പ്രയാണമാരംഭിച്ചു.യാത്ര കെ.പി.സി.സി. പ്രസിഡന്റ് സണ്ണി ജോസഫ് ഉദ്ഘാടനം ചെയ്തു. പ്രതീക്ഷയോടെ ജീവനക്കാരും സാധാരണക്കാരും കാത്തിരുന്ന ബഡ്ജറ്റ് നിരാശാജനകമായിരുന്നുവെന്ന് അദ്ദേഹം പറഞ്ഞു. ജീവനക്കാരുടെ ആശങ്കകള്‍ക്ക് പരിഹാരമാവണമെങ്കില്‍ യു.ഡി.എഫ് സര്‍ക്കാര്‍ അധികാരത്തില്‍ എത്തേണ്ടത് അനിവാര്യമാണ്. അഞ്ചു വര്‍ഷത്തെ ഇടതു മുന്നണി ഭരണത്തില്‍ ഏറ്റവും കൂടുതല്‍ നഷ്ടം ഉണ്ടായ വിഭാഗം സര്‍ക്കാര്‍ ജീവനക്കാരാണെന്ന് അദ്ദേഹം സഹതപിച്ചു. ആവശ്യമായ തുക നീക്കി വെക്കാതെ നടത്തിയിട്ടുള്ള ബഡ്ജറ്റിലെ പ്രഖ്യാപനങ്ങള്‍ അടുത്ത സര്‍ക്കാരിന്റെ ചുമലില്‍ ബാധ്യതകള്‍ കെട്ടിവയ്ക്കാനുള്ള ഗൂഢ …

Read more “യു.ഡി.എഫ് വരും; ജീവനക്കാരുടെ ആശങ്ക അകറ്റും: സണ്ണി ജോസഫ്”

കാസര്‍കോട്: വെള്ളരിക്കുണ്ടില്‍ വന്‍ തീപിടിത്തം. വിവരമറിഞ്ഞ് എത്തിയ പൊലീസും ഫയര്‍ഫോഴ്‌സും രക്ഷാപ്രവര്‍ത്തനം തുടങ്ങി. വിമല എസ്റ്റേറ്റിനു സമീപത്ത് ഷാന്റോ എന്നയാളുടെ സ്ഥലത്താണ് തീപിടിത്തം ഉണ്ടായത്. സമീപത്തെ തെങ്ങിന്‍ തോപ്പിലേക്കും തീ പടര്‍ന്നിരുന്നു. നേരത്തെ റബ്ബര്‍ തോട്ടമായിരുന്ന സ്ഥലത്താണ് തീപിടിത്തം ഉണ്ടായത്. റബ്ബര്‍ മരങ്ങള്‍ മുറിച്ചു മാറ്റിയ സ്ഥലത്ത് പുതുതായി തൈകള്‍ നടാനുള്ള ഒരുക്കത്തിലായിരുന്നു തീപിടിത്തത്തിന്റെ കാരണം വ്യക്തമല്ല.

കാസര്‍കോട്: പൊലീസില്‍ പരാതി നല്‍കിയ വിരോധത്തില്‍ മകന്‍ പിതാവിനെ ഹെല്‍മെറ്റ് കൊണ്ട് ആക്രമിച്ചതായി പരാതി. കുഞ്ചത്തൂര്‍, അര്‍വാര്‍ റോഡിലെ മുബാറക് മന്‍സിലില്‍ മുബാറക്ക് സുലൈമാന്‍ (46) നൽകിയ പരാതിയില്‍ മകന്‍ ഇബ്രാഹിം അഫ്‌സലിനെതിരെയാണ് മഞ്ചേശ്വരം പൊലീസ് കേസെടുത്തത്.തിങ്കളാഴ്ച വൈകുന്നേരം 6.40 മണിയോടെയാണ് കേസിനാസ്പദമായ സംഭവം. പരാതിക്കാരനെ തടഞ്ഞു നിര്‍ത്തി അസഭ്യം പറയുകയും കൊല്ലുമെന്ന് ഭീഷണിപ്പെടുത്തുകയും ചെയ്തതായി പരാതിയില്‍ പറഞ്ഞു. ഇതിനിടയില്‍ ഹെല്‍മറ്റ് കൊണ്ട് അടിച്ചുവെന്നും അക്രമത്തിനു കാരണമായത് മകന്‍ ഉപദ്രവിക്കുന്നതു സംബന്ധിച്ച് പൊലീസില്‍ പരാതിപ്പെട്ടതാണെന്നു പറയുന്നു.