Web Desk, Author at Karaval Daily : Page 106 of 914

ഐസിയുവില്‍ എലി ശല്യം; കടിയേറ്റ നവജാത ശിശുക്കളില്‍ ഒരാള്‍ മരിച്ചു, ഞെട്ടിപ്പിക്കുന്ന സംഭവം മധ്യപ്രദേശിലെ ഏറ്റവും വലിയ സര്‍ക്കാര്‍ ആശുപത്രിയില്‍

by Web DeskNational Wednesday, 3 September 2025, 10:12Wednesday, 3 September 2025, 10:12No Comments

ഇന്‍ഡോര്‍: ഐസിയുവില്‍ എലിയുടെ കടിയേറ്റ നവജാത ശിശുക്കളില്‍ ഒരാള്‍ മരിച്ചു. മധ്യപ്രദേശിലെ ഇന്‍ഡോറിലെ സര്‍ക്കാര്‍ ആശുപത്രിയായ മഹാരാജ യശ്വന്ത്‌റാവുവിലാണ് സംഭവം. രണ്ട് നവജാത ശിശുക്കളുടെ വിരലുകളിലും തലയിലുമാണ് എലികള്‍ കടിച്ചത്. കഴിഞ്ഞ ആഴ്ച ജനിച്ച രണ്ട് കുഞ്ഞുങ്ങളെയാണ് നവജാത ശിശുക്കള്‍ക്കായുള്ള ഐസിയുവില്‍ വച്ച് എലി കടിച്ചത്. സംഭവത്തില്‍ രണ്ട് നഴ്‌സുമാരെ സസ്‌പെന്‍ഡ് ചെയ്തു. മനുഷ്യാവകാശ കമ്മീഷന്‍ അന്വേഷണത്തിന് ഉത്തരവിട്ടു. എന്നാല്‍, എലിയുടെ കടിയല്ല മരണകാരണമെന്നും, ആരോഗ്യനില മോശമായതിനാലാണ് കുഞ്ഞ് മരിച്ചതെന്നും ആശുപത്രി അധികൃതര്‍ വാദിച്ചു. മരിച്ച കുഞ്ഞിന്റെ …

ഒഴുക്കിൽ പെട്ട ഭാര്യയെ രക്ഷപ്പെടുത്താൻ പമ്പയാറ്റിൽ ചാടിയ ഭർത്താവ് മുങ്ങിമരിച്ചു

by Web DeskState Wednesday, 3 September 2025, 8:27Wednesday, 3 September 2025, 8:28No Comments

ആറന്മുള: ആറന്മുള മാലക്കരയില്‍ പമ്പയാറ്റില്‍ ഒഴുക്കില്‍പ്പെട്ട ഭാര്യയെ രക്ഷിക്കാന്‍ ശ്രമിക്കുന്നതിനിടെ ഭര്‍ത്താവ് ഒഴുക്കിൽപ്പെട്ട് മുങ്ങിമരിച്ചു. ഹരിപ്പാട് സ്വദേശിയും ഹരിപ്പാട് ബ്ലോക്ക് പഞ്ചായത്ത് ക്ലർക്കുമായ വിഷ്ണു ആണ് മരിച്ചത്. ചൊവ്വാഴ്ച ഉച്ചയോടെ ആയിരുന്നു സംഭവം. ആറന്മുള വള്ളസദ്യയില്‍ പങ്കെടുത്തശേഷം വിഷ്ണുവും കുടുംബവും മടങ്ങുമ്പോഴായിരുന്നു സംഭവം. കുടുംബാംഗങ്ങളെല്ലാവരും ചേര്‍ന്ന് മാലക്കര പള്ളിയോടക്കടവില്‍ കുളിക്കാനൊരുങ്ങവേ സംഘത്തിലെ മൂന്നുപേര്‍ ഒഴുക്കില്‍പ്പെടുകയായിരുന്നു.ഇതില്‍ അദ്വൈത് എന്ന പതിമൂന്നുകാരനെ കുട്ടിയുടെ പിതാവ് തന്നെ രക്ഷിച്ചു. ഒഴുക്കിൽ പെട്ട ഭാര്യ രേഖയെ രക്ഷിക്കാന്‍ ചാടിയ വിഷ്ണു ശക്തമായ ഒഴുക്കില്‍പ്പെട്ടു …

പഞ്ചായത്ത് തിരഞ്ഞെടുപ്പ്: വോട്ടേഴ്സ് ലിസ്റ്റ് പ്രസിദ്ധീകരിച്ചു; സംസ്ഥാനത്ത് 2,83,12,463 വോട്ടർമാർ

by Web DeskState Wednesday, 3 September 2025, 6:36Wednesday, 3 September 2025, 6:36No Comments

തിരുവനന്തപുരം: പഞ്ചായത്ത് തിരഞ്ഞെടുപ്പിന് മുന്നോടിയായി വാർഡ് പുനർവിഭജനത്തിന്റെ അടിസ്ഥാനത്തിൽ പോളിംഗ് സ്റ്റേഷനുകൾ കേന്ദ്രീകരിച്ച് തയ്യാറാക്കിയ അന്തിമ വോട്ടർപട്ടിക പ്രസിദ്ധീകരിച്ചു. സംസ്ഥാനത്ത് 2 ,83, 12, 463 വോട്ടർമാരാണ് ആകെയുള്ളത്. ഇവരിൽ 1,33, 52, 945 പുരുഷന്മാരും 1,49, 59, 24 2 സ്ത്രീകളും 276 ട്രാൻസ്ജെൻഡേർസും ഉൾപ്പെടുന്നു. 2087 പ്രവാസി വോട്ടർമാരും ഉണ്ട്. സംസ്ഥാനത്തെ 14 ജില്ലകളിലെ 941 ഗ്രാമപഞ്ചായത്തുകളിലെ 17,3,37 വാർഡുകളിലെയും 87 മുനിസിപ്പാലിറ്റികളിലെ 3240 വാർഡുകളിലെയും 6 കോർപ്പറേഷനുകളിലെ 421 വാർഡുകളിലെയും അന്തിമ വോട്ടർ …

വലിച്ചെറിഞ്ഞ നിലയിൽ പണം, എക്സൈസ് സർക്കിൾ ഓഫീസിൽ വിജിലൻസ് പരിശോധന; 6000 രൂപ പിടികൂടി

by Web DeskState Wednesday, 3 September 2025, 6:27Wednesday, 3 September 2025, 7:37No Comments

കാസർകോട്: ജില്ലയിലെ എക്സൈസ് ഓഫീസുകളിൽ വിജിലൻസ് പരിശോധന നടത്തി. സംസ്ഥാനത്തെ 68 സർക്കിൾ ഓഫീസുകളിലാണ് പരിശോധന നടന്നത്. ഓപ്പറേഷൻ സേവ് സിപ് എന്ന പേരിൽ നടത്തിയ പരിശോധനയിൽ എക്സൈസ് ഉദ്യോഗസ്ഥരുടെ കയ്യിൽ നിന്നും ഓഫീസിന് സമീപത്ത്‌ വലിച്ചെറിഞ്ഞ നിലയിലും പണം കണ്ടെത്തി. കാസർകോട് എക്സൈസ് സർക്കിൾ ഓഫീസിൽ നടത്തിയ പരിശോധനയിൽ കണക്കിൽപ്പെടാത്ത 6,000 രൂപയാണ് വിജിലൻസ് കണ്ടെത്തിയത്. ഇൻസ്പെക്ടർ കെ.എസ്.പ്രശോഭിന്റെ കൈവശം അനധികൃതമായി സൂക്ഷിച്ച 5,000 രൂപയും ഓഫീസനകത്തെ കംപ്യൂട്ടർ മുറിയിൽ വലിച്ചെറിഞ്ഞ നിലയിൽ 1,000 രൂപയുമാണ് …

ബേക്കൽ ബീച്ചിൽ അപകട റേസിങ്: ഥാർ ജീപ്പ് പൊലീസ് പിടിച്ചെടുത്തു

by Web DeskLocal News Tuesday, 2 September 2025, 18:49Tuesday, 2 September 2025, 18:57One Comment

കാസർകോട്: ബേക്കൽ ബീച്ചിൽ അപകടകരമായ രീതിയിൽ റേസ് ചെയ്ത വാഹനം ബേക്കൽ പൊലീസ് പിടിച്ചെടുത്തു. കർണാടക രജിസ്ട്രേഷനിലുള്ള ഥാർ ജീപ്പാണ് ഇൻസ്‌പെക്ടർ എം വി ശ്രീദാസും സംഘവും പിടികൂടിയത്. ചൊവ്വാഴ്ച രാവിലെ ബീച്ചിൽ എത്തിയായിരുന്നു റേസിങ് നടത്തിയത്. വിനോദസഞ്ചാരികൾ ധാരാളമെത്തുന്ന പള്ളിക്കര ബീച്ചിൽ ഇത് ഭീതിയും അപകടവും സൃഷ്ടിക്കുമെന്ന കാരണത്താലാണ് പൊലീസ് നടപടി. പിടിച്ചെടുത്ത വാഹനം കോടതിയിൽ ഹാജരാക്കും. വാഹന ഉടമയ്ക്ക് നോട്ടീസും നൽകും. ഓണം ഉൾപ്പെടെയുള്ള ആഘോഷ ദിവസങ്ങൾ മുന്നിൽക്കണ്ട് ജില്ലാ പൊലീസ് മേധാവി ബി …

അജാനൂര്‍ ഇനി അതിദരിദ്ര മുക്ത പഞ്ചായത്ത്; പ്രഖ്യാപനം നടത്തി

by Web DeskLocal News Tuesday, 2 September 2025, 16:44Tuesday, 2 September 2025, 16:45No Comments

കാസര്‍കോട്: അതിദരിദ്ര മുക്ത പഞ്ചായത്തായി അജാനൂര്‍ ഗ്രാമപഞ്ചായത്ത്. അതിദരിദ്ര മുക്ത കേരളം പദ്ധതിയുടെ ഭാഗമായി പഞ്ചായത്ത് നടപ്പിലാക്കിയ പ്രവര്‍ത്തനങ്ങളിലൂടെയാണ് അതിദരിദ്ര മുക്ത പഞ്ചായത്തായത്. സര്‍വ്വെ നടത്തി അതിദാരിദ്ര്യ വിഭാഗത്തില്‍പ്പെട്ട 20 പേരെയാണ് കണ്ടെത്തിയിരുന്നത്. ഇവരുടെ ജീവിതനിലവാരം മെച്ചപ്പെടുത്താന്‍ ആവശ്യമായ നടപടികള്‍ പഞ്ചായത്ത് സ്വീകരിച്ചിരുന്നു. ഭൂമിയുള്ള ഭവന രഹിതരുടെ പട്ടികയില്‍ 5 ഗുണഭോക്താക്കളെ കണ്ടെത്തുകയും അഞ്ച് പേര്‍ക്കും ലൈഫ് ഭവന പദ്ധതിയിലൂടെ വീട് നല്‍കുകയും ചെയ്തു. അതിദരിദ്ര മുക്ത പഞ്ചായത്ത് പ്രഖ്യാപനം പഞ്ചായത്ത് ഹാളില്‍ നടന്ന ചടങ്ങില്‍ സി.എച്ച്. …

വനിതാ അഭിഭാഷകയുടെ ലൈംഗിക പരാതി പിന്‍വലിക്കാന്‍ സമ്മര്‍ദ്ദം; ഭീഷണിപ്പെടുത്തിയ ജഡ്ജിയെ സസ്പെന്‍ഡ് ചെയ്തു, മറ്റൊരു ജഡ്ജിക്കെതിരെ അച്ചടക്ക നടപടി

by Web DeskNational Tuesday, 2 September 2025, 16:30Tuesday, 2 September 2025, 16:30No Comments

ന്യൂഡല്‍ഹി: അഭിഭാഷകയെ ഭീഷണിപ്പെടുത്തിയെന്ന പരാതിയില്‍ ജില്ലാ ജഡ്ജിയെ സസ്‌പെന്റുചെയ്തു. ഡല്‍ഹി സാകേത് ജില്ലാ പ്രിന്‍സിപ്പല്‍ സെഷന്‍സ് ജഡ്ജ് സഞ്ജീവ് കുമാറിനെയാണ് അന്വേഷണ വിധേയമായി സസ്പെന്‍ഡ് ചെയ്തത്. ഒരു വനിതാ അഭിഭാഷകയുടെ പരാതിയില്‍ ഡല്‍ഹി ഹൈക്കോടതി ഫുള്‍ കോര്‍ട്ട് ചേര്‍ന്നാണ് തീരുമാനമെടുത്തത്. മറ്റൊരു ജില്ലാ ജഡ്ജിയായ അനില്‍ കുമാറിനെതിരെ അച്ചടക്ക നടപടിയെടുക്കാനും കോടതി നിര്‍ദ്ദേശം നല്‍കി. ജഡ്ജി സഞ്ജീവ് കുമാറിനെ ഉടനടി സസ്പെന്‍ഡ് ചെയ്യാന്‍ നിര്‍ദേശം നല്‍കിയ കോടതി, മുന്‍കൂര്‍ അനുമതിയില്ലാതെ ഡല്‍ഹി വിട്ടുപോകുന്നത് വിലക്കിയിട്ടുമുണ്ട്. ഡല്‍ഹി ഹൈക്കോടതിയില്‍ …

‘എന്റെ മരണത്തിന് കാരണം നീ ആയിരിക്കും’; ആയിഷ റഷ മരിക്കുന്നതിന് മുമ്പ് ബഷീറുദ്ദീന് അയച്ച വാട്‌സ്ആപ്പ് സന്ദേശം പുറത്ത്; ആണ്‍സുഹൃത്തിനെ വിശദമായി ചോദ്യം ചെയ്യാന്‍ പൊലീസ്

by Web DeskState Tuesday, 2 September 2025, 15:50No Comments

കോഴിക്കോട്: ആണ്‍ സുഹൃത്തിന്റെ വാടക വീട്ടില്‍ യുവതി ആത്മഹത്യ ചെയ്ത സംഭവത്തില്‍ കാമുകന്‍ ബഷീറുദ്ദീനെ കൂടുതല്‍ ചോദ്യം ചെയ്യാന്‍ പൊലീസ്. ആയിഷ റഷയുടെ മരണത്തില്‍ ആണ്‍സുഹൃത്തിനെതിരെ തെളിവുകള്‍ പൊലീസിന് ലഭിച്ചു. ആയിഷ കടുത്ത മാനസിക സമ്മര്‍ദ്ദത്തില്‍ ആയിരുന്നുവെന്നും ജിം ട്രെയിനറായ ബഷീറുദ്ദീനും ആയിഷയുമായി നിരന്തരം വഴക്കുണ്ടായിരുന്നു. മരിക്കുന്നതിന് മുമ്പ് ആയിഷ ബഷീറുദ്ദീന് അയച്ച വാട്സ്ആപ് ചാറ്റ് പൊലീസ് കണ്ടെത്തി. ‘എന്റെ മരണത്തിന് കാരണം നീ ആയിരിക്കും’ -എന്നായിരുന്നു ആ സന്ദേശം. യുവതിയുടെ ബന്ധുക്കളില്‍ നിന്നും സുഹൃത്തുക്കളില്‍ നിന്നും …

‘ശബരിമല യുവതീ പ്രവേശനം കഴിഞ്ഞ അധ്യായം’; സിപിഎം വിശ്വാസികള്‍ക്കൊപ്പം,വിശ്വാസത്തിനെതിരായ നിലപാട് ഒരുകാലത്തും എടുത്തിട്ടില്ലെന്ന് എംവി ഗോവിന്ദന്‍

by Web DeskState Tuesday, 2 September 2025, 15:11Tuesday, 2 September 2025, 15:11No Comments

തൃശൂര്‍: വിശ്വാസികള്‍ക്കൊപ്പമാണ് പാര്‍ട്ടിയെന്നും ശബരിമലയിലെ യുവതീപ്രവേശനം കഴിഞ്ഞുപോയ അധ്യായമാണെന്നും സിപിഎം സംസ്ഥാന സെക്രട്ടറി എംവി ഗോവിന്ദന്‍.ഒരു വിശ്വാസത്തിനും എതിരായ നിലപാട് സി.പി.എം ഇന്നലെയും ഇന്നും എടുത്തിട്ടില്ല, നാളെയും എടുക്കില്ലെന്ന് ഗോവിന്ദന്‍ പറഞ്ഞു. തൃശൂരില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം. രാജ്യത്തെ മഹാഭൂരിപക്ഷം ജനങ്ങളും വിശ്വാസികളാണ്. വിശ്വാസികളെ ഉപയോഗപ്പെടുത്താനാണ് വര്‍ഗീയവാദികള്‍ ശ്രമിക്കുന്നത്. അതുകൊണ്ട് തന്നെ വിശ്വാസികളെ കൂട്ടിപ്പിടിച്ചുവേണം വര്‍ഗീയവാദികളെ പ്രതിരോധിക്കാനെന്നും സിപിഎം സംസ്ഥാന സെക്രട്ടറി വ്യക്തമാക്കി. അയ്യപ്പ സംഗമം തീരുമാനിച്ചത് ദേവസ്വം ബോര്‍ഡാണ്. ലോകത്തിന്റെ വിവിധ ഭാഗങ്ങളിലുള്ള അയ്യപ്പഭക്തരുടെ പിന്തുണ …

തലപ്പാടിയില്‍ എംഡിഎംഎ വില്‍പന നടത്താനെത്തിയ രണ്ടു യുവാക്കള്‍ പിടിയില്‍

by Web DeskNational Tuesday, 2 September 2025, 14:14Tuesday, 2 September 2025, 14:14No Comments

തലപ്പാടി: തലപ്പാടിയില്‍ എംഡിഎംഎ വില്‍പന നടത്താനെത്തിയ രണ്ടു യുവാക്കള്‍ ഉള്ളാള്‍ പൊലീസിന്റെ പിടിയിലായി. തച്ചാനി സ്വദേശികളായ ഫസല്‍ ഹുസൈന്‍ (33), നൗഷാദ് (32) എന്നിവരാണ് അറസ്റ്റിലായത്.തലപ്പാടി തച്ചാനി ഗ്രൗണ്ടില്‍ നിരോധിത മയക്കുമരുന്ന് എംഡിഎംഎ വില്‍പ്പന നടത്തുന്നുണ്ടെന്ന രഹസ്യ വിവരത്തെ തുടര്‍ന്നാണ് പൊലീസ് സ്ഥലത്തെത്തിയത്. പ്രതികളുടെ കൈവശമുണ്ടായിരുന്ന 15 ഗ്രാം എംഡിഎംഎ, രണ്ട് മൊബൈല്‍ ഫോണുകള്‍, ഒരു പോര്‍ട്ടബിള്‍ ഡിജിറ്റല്‍ വെയിംഗ് മെഷീന്‍, 95,500 രൂപ വിലമതിക്കുന്ന മറ്റ് വസ്തുക്കള്‍ എന്നിവ പൊലീസ് പിടിച്ചെടുത്തു.

നീലേശ്വരം രാജാസ് ഹയര്‍സെക്കന്ററി സ്‌കൂളിലെ റിട്ട.അധ്യാപകന്‍ പി.യു ദിനചന്ദ്രന്‍ നായര്‍ അന്തരിച്ചു; അധ്യാപക സംഘടനാ നേതാവായിരുന്നു

by Web DeskLocal News Tuesday, 2 September 2025, 12:36Tuesday, 2 September 2025, 12:39No Comments

നീലേശ്വരം: രാജാസ് എച്ച്എസ്എസ് റിട്ട. അധ്യാപകന്‍ പടിഞ്ഞാറ്റംകൊഴുവലിലെ പി യു ദിനചന്ദ്രന്‍ നായര്‍ (79) അന്തരിച്ചു. ആദ്യകാല കോണ്‍ഗ്രസ് നേതാവും അധ്യാപക സംഘടനാ നേതാവുമായിരുന്നു.പടിഞ്ഞാറ്റംകൊഴുവല്‍ പള്ളിയത്ത് ഉണിപ്പിലാടത്ത് തറവാട് പ്രസിഡന്റ് ആണ്. തളിയില്‍ നീലകണ്ഠേശ്വര ക്ഷേത്രത്തിലെ വിവിധ നിര്‍മാണ പ്രവര്‍ത്തനങ്ങളില്‍ സജീവമായി പ്രവര്‍ത്തിച്ചിരുന്നു. കാഞ്ഞങ്ങാട് ദുര്‍ഗ ഹയര്‍സെക്കന്‍ഡറി സ്‌കൂളിലെ റിട്ട. അധ്യാപിക പുറവങ്കര രത്നാവതി ടീച്ചറാണ് ഭാര്യ. മക്കള്‍: സ്വീന ഡി നായര്‍ (ഗള്‍ഫ്), രതീഷ് ഡി നായര്‍ (ബിസിനസ്, ഗള്‍ഫ്), മരുമക്കള്‍: വി ബാലഗോപാലന്‍ (ബിസിനസ്, …

പൊലീസിന്റെ പ്രത്യേക അറിയിപ്പ്; കാഞ്ഞങ്ങാട്ട് ഗതാഗത നിയന്ത്രണം, നോ പാര്‍ക്കിങ്ങില്‍ പാര്‍ക്ക് ചെയ്താല്‍ വാഹനങ്ങള്‍ ക്രെയിന്‍ ഉപയോഗിച്ച് കൊണ്ട് പോകും

by Web DeskLocal News Tuesday, 2 September 2025, 12:19Tuesday, 2 September 2025, 12:20No Comments

കാസര്‍കോട്: ഓണത്തിരക്കിനെ തുടര്‍ന്ന് കാഞ്ഞങ്ങാട് നഗരത്തില്‍ ഗതാഗതത്തിന് പൊലീസ് നിയന്ത്രണം ഏര്‍പ്പെടുത്തി. അലാമിപ്പള്ളിമുതല്‍ നോര്‍ത്ത് കോട്ടച്ചേരിവരെ നഗരത്തില്‍ വന്‍ ഗതാഗതക്കുരുക്ക് അനുഭവപ്പെടുന്നതിനാല്‍ പ്രൈവറ്റ് വാഹനങ്ങള്‍ കാഞ്ഞങ്ങാട് സൗത്ത്, പുതിയ ബസ് സ്റ്റാന്‍ഡ് ഭാഗങ്ങളില്‍ പാര്‍ക്ക് ചെയ്യണം. വടക്ക് ഭാഗത്ത് നിന്നും വരുന്ന വാഹനങ്ങള്‍ മഡിയന്‍, ചിത്താരി ഭാഗങ്ങളില്‍ പാര്‍ക്ക് ചെയ്യണം. പരമാവധി ബസ്, ഓട്ടോ മുതലായ പബ്ലിക് വാഹനങ്ങള്‍ ഉപയോഗപ്പെടുത്തണമെന്നുംദൂരെ നിന്നും വരുന്നവര്‍ ബസ് ഗതാഗതം ഉപയോഗപ്പെടുത്തണമെന്നും ഹൊസ്ദുര്‍ഗ് പൊലീസ് അഭ്യര്‍ത്ഥിച്ചു. നോ പാര്‍ക്കിങ്ങില്‍ വാഹനങ്ങള്‍ പാര്‍ക്ക് …

ഏഴ് വര്‍ഷം മുമ്പ് കാണാതായ ഭര്‍ത്താവ് ഇന്‍സ്റ്റ റീല്‍സില്‍, മറ്റൊരു സ്ത്രീക്കൊപ്പം ഭര്‍ത്താവ് പ്രണയാര്‍ദ്രമായി നില്‍ക്കുന്ന ദൃശ്യങ്ങള്‍ കണ്ട് യുവതി ഞെട്ടി, പിന്നീട് സംഭവിച്ചത്

by Web DeskNational Tuesday, 2 September 2025, 11:47Tuesday, 2 September 2025, 11:49No Comments

ലഖ്നൗ: ഏഴ് വര്‍ഷത്തോളമായി കാണാതായ ഭര്‍ത്താവിനെ ഭാര്യ മറ്റൊരു സ്ത്രീയുമൊപ്പം കണ്ടെത്തി. ഇന്‍സ്റ്റാഗ്രാം റീലില്‍ ഭര്‍ത്താവിനെ കണ്ടെന്ന പരാതിയെ തുടര്‍ന്നാണ് നടത്തിയ അന്വേഷണത്തില്‍ ഭര്‍ത്താവിനെ അറസ്റ്റ് ചെയ്തു. ഉത്തര്‍പ്രദേശ് ഹര്‍ദോയിലാണ് സംഭവം. ബബ്ലു എന്നറിയപ്പെടുന്ന ജിതേന്ദ്ര കുമാറിനെ 2018-ലാണ് കാണാതായത്. 2017-ല്‍ ഷീലു എന്ന യുവതിയുമായി ജിതേന്ദ്ര വര്‍മയുടെ വിവാഹം നടന്നിരുന്നു. എന്നാല്‍ വിവാഹംകഴിഞ്ഞ് ഒരു വര്‍ഷത്തിനുള്ളില്‍ ഇരുവരും തമ്മിലുള്ള ബന്ധം വഷളായി.സ്ത്രീധനം, സ്വര്‍ണ്ണ മാല, മോതിരം എന്നിവയ്ക്കായി ഷീലുവിനെ പീഡിപ്പിച്ചതായും ആവശ്യങ്ങള്‍ നിറവേറ്റാത്തപ്പോള്‍ തന്നെ വീട്ടില്‍ …

മികച്ച പാര്‍ടി പ്രവര്‍ത്തനത്തിനുള്ള ബിജെപി മേഖലാ കമ്മിറ്റി അംഗീകാരം എംഎല്‍ അശ്വനിക്ക്

by Web DeskLocal News Tuesday, 2 September 2025, 11:02Tuesday, 2 September 2025, 11:02No Comments

കാസര്‍കോട്: ആസന്നമായ പഞ്ചായത്ത്-നിയമസഭാ തെരഞ്ഞെടുപ്പുകള്‍ക്ക് മുന്നൊരുക്കം സജീവമാക്കിയ ജില്ലാപ്രസിഡന്റിനുള്ള ബിജെപി കോഴിക്കോട് മേഖലാ കമ്മിറ്റിയുടെ അംഗീകാരം കാസര്‍കോട് ജില്ലാപ്രസിന്റ് എംഎല്‍ അശ്വനിക്ക് ലഭിച്ചു. പാര്‍ടിയെ അടിത്തട്ടുമുതല്‍ സജീവമാക്കുന്നതിന് കാസര്‍കോട് ജില്ലാകമ്മിറ്റി മാതൃകാപരമായ പ്രവര്‍ത്തനമാണ് നടപ്പിലാക്കിക്കൊണ്ടിരിക്കുന്നതെന്ന് മേഖലാ കമ്മിറ്റി അഭിപ്രായപ്പെട്ടു. പ്രവര്‍ത്തനങ്ങള്‍ക്ക് നേതൃത്വം നല്‍കുന്ന ജില്ലാ പ്രസിഡന്റ് എംഎല്‍ അശ്വനിയെ പാര്‍ടി ദേശീയ നേതാവ് പികെ കൃഷ്ണദാസ് പൊന്നാടയണിയിച്ച് ആദരിച്ചു.

മൂന്നാംനിലയില്‍നിന്ന് വീണു; ബംഗളൂരുവില്‍ കണ്ണൂര്‍ സ്വദേശിനിയായ വിദ്യാര്‍ഥിനിക്ക് ദാരുണാന്ത്യം

by Web DeskNational Tuesday, 2 September 2025, 10:50Tuesday, 2 September 2025, 10:50No Comments

ബംഗളൂരു: മൂന്നാം നിലയിലെ ബാല്‍ക്കണിയില്‍ നിന്നു കാല്‍വഴുതി വീണ മലയാളി വിദ്യാര്‍ഥിനി മരിച്ചു. വൈറ്റ്ഫീല്‍ഡ് സൗപര്‍ണിക സരയൂ അപ്പാര്‍ട്‌മെന്റില്‍ താമസിക്കുന്ന കണ്ണൂര്‍ മൊകേരി വൈറ്റ്ഹൗസില്‍ എ രാജേഷിന്റെ മകള്‍ അന്‍വിത(18) ആണ് മരിച്ചത്. ഞായറാഴ്ച അര്‍ധരാത്രിയിലാണ് സംഭവം. നടക്കുന്നതിനിടെ കാല്‍വഴുതി വീണതെന്നാണ് വിവരം. ക്രൈസ്റ്റ് ഡീംഡ് ടു ബി സര്‍വകലാശാലയിലെ ബി കോം ഒന്നാം വര്‍ഷ വിദ്യാര്‍ഥിയാണ്. സംസ്‌കാരം ചൊവ്വാഴ്ച ഉച്ചയ്ക്ക് മൊകേരിയിലെ വീട്ടുവളപ്പില്‍ നടക്കും. മാതാവ്: വിനി. സഹോദരന്‍: അര്‍ജുന്‍.

ഭര്‍ത്താവിന്റെ ജയില്‍ ശിക്ഷ ഹൈക്കോടതി ശരിവച്ചു; ഒന്നരവയസ് പ്രായമുള്ള കുഞ്ഞിനെ കൊലപ്പെടുത്തി യുവതി ജീവനൊടുക്കി

by Web DeskNational Tuesday, 2 September 2025, 10:30Tuesday, 2 September 2025, 10:30No Comments

ഉഡുപ്പി: ബ്രഹ്‌മാവര്‍ പൊലീസ് സ്റ്റേഷന്‍ പരിധിയിലെ അരൂരില്‍ ഒന്നര വയസ്സുള്ള മകളെ കൊലപ്പെടുത്തിയ ശേഷം യുവതി ആത്മഹത്യ ചെയ്തു. സുസ്മിത (35), മകള്‍ ശ്രേഷ്ഠ എന്നിവരാണ് മരിച്ചത്. തിങ്കളാഴ്ച ഉച്ചയോടെയാണ് ഇരുവരെയും മരിച്ച നിലയില്‍ കണ്ടെത്തിയത്. സുസ്മിതയുടെ ഭര്‍ത്താവ് കോടതി സംബന്ധമായ കാര്യങ്ങള്‍ക്കായി ബംഗളൂരുവിലേക്ക് പോയപ്പോഴാണ് സംഭവം നടന്നത്. മകളെ കൊലപ്പെടുത്തിയ ശേഷം യുവതി ജീവനൊടുക്കിയതാണെന്നാണ് പ്രാഥമിക അന്വേഷണത്തില്‍ നിന്ന് ലഭിക്കുന്ന സൂചനയെന്ന് പൊലീസ് സൂചിപ്പിച്ചു. സംഭവസ്ഥലത്ത് നിന്ന് ആത്മഹത്യാക്കുറിപ്പും കണ്ടെത്തിയിട്ടുണ്ട്. 2009-ല്‍ കൊലപാതകശ്രമക്കേസില്‍ സുസ്മിതയുടെ ഭര്‍ത്താവിന്റെ …

മംഗളൂരു അന്താരാഷ്ട്ര വിമാനത്താവളത്തില്‍ യാത്രക്കാരിയുടെ സ്വര്‍ണം കവര്‍ന്നു; നാല് ജീവനക്കാര്‍ പിടിയില്‍

by Web DeskNational Tuesday, 2 September 2025, 10:01Tuesday, 2 September 2025, 10:01No Comments

മംഗളൂരു: മംഗളൂരു അന്താരാഷ്ട്ര വിമാനത്താവളത്തില്‍ യാത്രക്കാരിയുടെ ട്രോളി ബാഗില്‍ നിന്ന് സ്വര്‍ണ്ണാഭരണങ്ങള്‍ മോഷ്ടിച്ച കേസില്‍ നാല് ബാഗേജ് ഹാന്‍ഡ്ലിംഗ് ജീവനക്കാരെ ബാജ്പെ പൊലീസ് അറസ്റ്റ് ചെയ്തു. വിമാനത്താവളത്തില്‍ ലഗേജ് കയറ്റലും ഇറക്കലും ജോലി ചെയ്തിരുന്നവരാണ് നാലുപേരുമെന്ന് പൊലീസ് പറഞ്ഞു. ശനിയാഴ്ചയാണ് മോഷണം നടന്നത്. സിആര്‍പിഎഫ് ജവാന്‍ ഹരികേഷിന്റെ ഭാര്യ രാജേശ്വരി പത്മശാലിയുടെ ആഭരണങ്ങളാണ് സംഘം കവര്‍ന്നത്. ആഗസ്റ്റ് 30 ന് രാവിലെ 9.30 ന് എയര്‍ ഇന്ത്യ എക്‌സ്പ്രസ് വിമാനത്തില്‍ ബംഗളൂരുവില്‍ നിന്ന് മംഗളൂരുവില്‍ എത്തിയപ്പോഴാണ് സംഭവം. …

മദ്യപിച്ച് വീട്ടിൽ സ്ഥിരം ശല്യം; ചോദ്യം ചെയ്ത പിതാവിനെ മകൻ ഇടിച്ചു കൊന്നു

by Web DeskState Tuesday, 2 September 2025, 8:28Tuesday, 2 September 2025, 8:28No Comments

തിരുവനന്തപുരം: നെയ്യാറില്‍ മകൻ്റെ ഇടിയേറ്റ പിതാവ് മരിച്ചു. നെയ്യാര്‍ ഡാം പൊലീസ് സ്റ്റേഷന്‍ പരിധിയില്‍ കുറ്റിച്ചലിലാണ് സംഭവം. മദ്യലഹരിയിലായിരുന്ന കുറ്റിച്ചൽ സ്വദേശി നിഷാദ് പിതാവ് രവി(65)യുടെ നെഞ്ചിന് ഇടിക്കുകയായിരുന്നു. ഇടിയേറ്റ് വീണ രവിയെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. മദ്യപിച്ച് വീട്ടിലെത്തി ബഹളം ചോദ്യം ചെയ്തതിനാണ് നിഷാദ് പിതാവിനെ ആക്രമിച്ചതെന്നാണ് പൊലീസ് പറയുന്നത്. നിഷാദിനെ പൊലീസ് കസ്റ്റഡിയിലെടുത്ത് ചോദ്യം ചെയ്തുവരികയാണ്. സ്വകാര്യ ആയുര്‍വേദ ആശുപത്രിയിലെ ഡ്രൈവറാണ് നിഷാദ്.