കൊച്ചി: ഹേമ കമ്മിറ്റി റിപ്പോര്ട്ടില് നിലപാട് വ്യക്തമാക്കി മലയാള താരസംഘടനയായ ‘അമ്മ’. ഹേമ കമ്മിറ്റി റിപ്പോര്ട്ട് സ്വാഗതാര്ഹമെന്ന് ജനറല് സെക്രട്ടറി സിദ്ദിഖ് പ്രതികരിച്ചു. ‘അമ്മ’ ഒളിച്ചോടില്ലെന്നും ഞങ്ങള് ഹേമ കമ്മിറ്റിക്കൊപ്പമാണെന്നും സിദ്ദിഖ് വാര്ത്താസമ്മേളനത്തില് പ്രതികരിച്ചു. തെറ്റ് ചെയ്തവര്ക്കെതിരെ പൊലീസ് കേസെടുത്ത് അന്വേഷിക്കണമെന്നും ഒറ്റപ്പെട്ട ഒന്നോ രണ്ടോ സംഭവങ്ങളുടെ പേരില് സിനിമ മേഖലയെ മൊത്തത്തില് കുറ്റപ്പെടുത്തരുത്. പവര് ഗ്രൂപ്പിനെക്കുറിച്ച് അറിയില്ല. അത് എവിടെ നിന്നുവന്നു എന്ന് അറിയില്ല. പവര് ഗ്രൂപ്പ് എന്ന ഒന്ന് മലയാള സിനിമക്കകത്തില്ലെന്നും ആ ഗ്രൂപ്പിന് സിനിമയെ നിയന്ത്രക്കാനാവില്ലെന്നും സിദ്ധീഖ് പറഞ്ഞു.
എക്സിക്യൂട്ടിവ് കമ്മിറ്റി അംഗങ്ങളായ വിനു മോഹന്, ചേര്ത്തല ജയന്, ജോമോള്, അനന്യ എന്നിവരാണ് വാര്ത്താസമ്മേളനത്തില് സംബന്ധിച്ചത്.