കാസര്കോട്: കുംബഡാജെ ബെളിഞ്ചയില് ഞായറാഴ്ച രാവിലെയുണ്ടായ ചുഴലിക്കാറ്റില് വന് നാശം. സ്കൂള് കെട്ടിടത്തിന്റെ മേല്ക്കൂര തകര്ന്നു. മരം കടപുഴകി വീണു വൈദ്യുതി ലൈന് തകര്ന്നു; ഗതാഗതം തടസ്സപ്പെട്ടു. ബെളിഞ്ച എ.എല്.പി സ്കൂളിന്റെ മേല്ക്കൂരയാണ് തകര്ന്നത്. ഞായറാഴ്ച ആയതിനാലാണ് വന് അപകടം ഒഴിവായത്. പെട്ടെന്നു രൂപം കൊണ്ട ചുഴലിക്കാറ്റ് രണ്ടു കിലോമീറ്ററോളം പ്രദേശത്ത് വ്യാപകമായ നാശം വരുത്തി. കെ.എസ്.ഇ.ബി ജീവനക്കാരും നാട്ടുകാരും ചേര്ന്ന് നടത്തിയ കഠിന പ്രയത്നത്തിനു ശേഷമാണ് ബെളിഞ്ചയിലെ ഗതാഗതതടസം നീക്കിയത്.